བོད་ལྕགས་བྱི་ལོའི་༧གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་ལོ་འཁོར་ཡིག་རྒྱུགས་བཏངས་པའི་གནས་བསྡུས།
དེ་ཡང་གཤེན་གྱི་འབྱུང་ལྡན་༣༠༡བོད་ལྕགས་བྱི་ལོའི་༧དཔལ་གཤེན་བསྟན་སྨན་རིའི་གླིང་གི་ལོ་འཁོར་ཡིག་རྒྱུགས་ཆེན་མོ་བོད་ཟླ་༡༡པའི་ཚེས་༡༦-༡༧བཅས་ཉིན་གཉིས་རིང་བཏངས་ཡོད་པ་དང་། ཕྱི་ལོ་༢༠༢༠ལོའི་ཟླ་༡༢ཚེས་༣༠-༣༡བཅས་འཁེལ་ཡོད་འདུག་ལ། ཞོགས་པའི་ཆུ་ཚོད་༨།༤༥སྟེང་༧སྐྱབས་རྗེ་སྨན་རིའི་དཔོན་སློབ་རིན་པོ་ཆེ་མཆོག་དང་། གཡུང་དྲུང་བོན་གྱི་བཤད་སྒྲུབ་འདུས་སྡེའི་བཤད་སྒྲུབ་མཁན་སློབ་རྣམ་གཉིས་དབུས་དགེ་བའི་བཤེས་གཉེན་རྣམས་ནས་ཡིག་ཚད་བརྟག་འཛིན་ཞུས་ཡོད་ཅིང་། དེ་ཡང་རྒྱུགས་ལེན་ཡུལ་ངོས་༧གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་ཚོགས་ཁང་འཆམ་རར་བཀོད་སྒྲིག་ཚགས་ཚུད་ཀྱིས་ཆུ་ཚོད་༩།༠༠སྟེང་དངོས་སུ་ཡིག་རྒྱུགས་ཆེན་མོ་དབུ་འཛུགས་གནང་ཡོད་པ་རེད།