ཊོད་ཐང་བོན་དགོན་བཀྲ་ཤིས་དགེ་རྒྱས་མཐའ་བརྟན་གླིང་གི་ལོ་རྒྱུས་མདོར་བསྡུས།
དེ་ཡང་བལ་ཡུལ་རྒྱལ་ས་ཀ་ཏི་མ་ཊུའི་(Kathmandu) ནུབ་ཕྱོགས་བར་ལུང་(Baglung) ས་པའི་རྫོང་ཁོངས་སུ་ཊོད་པ་ཏྲན་(Dhopatan) ཞེས་པའི་ས་ཆ་ནི་བོད་དང་འདྲ་བའི་ཁོར་ཡུག་ཕུན་སུམ་ཚོགས་པ་མཐོ་བ་བྲག་རི་དང་རྫ་རི་གནམ་ལ་གཟུག་ཅིང་། རྩི་ཤིང་སྣ་ཚོགས་ཀྱི་ཚང་ཚིང་འཁྲིགས་པ། བབ་ཆུ་དང་རྫིང་ཆུ་སོགས་དྭངས་གཙང་གི་འབབ་སྒྲ་སྙན་ཞིང་།སྨན་སྣ་དང་སྤོས་སྣ་སོགས་ཀྱི་རང་འབྱུང་སྐྱེ་དངོས་ཀྱིས་འགྲོ་བ་ལ་ཕན་བདེ་སྦྱིན་པ།