གངས་ལྗོངས་མེས་པོའི་རིག་མཛོད་ཅེས་པའི་བོན་གྱི་བཀའ་དང་བཀའ་བརྟེན་དུ་མ་ཕྱོགས་བསྒྲིགས་བྱས་པའི་དཔེ་དེབ་གྲངས་བརྒྱ་ལྷག་ཙམ་ཡོད་པ་ཞིག་དེ་རིང་འཛམ་གླིང་དཔེ་ཀློག་གི་ཉིན་མོར་ཐོག་མར་སྒོ་འབྱེད་གནང་ཡོད་པ་ལྟར། འདིར་སྒྲིགས་པ་པོའི་ཆོག་མཆན་དང་ཐུགས་རེ་ལྟར་གངས་ལྗོངས་མེས་པོའི་རིག་མཛོད་ཀྱི་དཔེ་དེབ་དག་རིམ་བཞིན་ངེད་དྲྭ་ཚིགས་སུ་འགོད་རྒྱུ་ཡིན།

གངས་ལྗོངས་མེས་པོའི་རིག་མཛོད་འཕྲུལ་དེབ།

དེང་སྐབས་དྲྭ་པའི་ཁོར་ཡུག་ནས་ཐོས་བསམ་འཆད་ཉན་ལ་མྱོང་རོལ་བྱེད་མཁན་མང་བར་བརྟེན། ངེད་«གངས་ལྗོངས་མེས་པོའི་རིག་མཛོད་ཁང་»ནས་དེ་བསྟུན་གྱི་རིག་པའི་མཐུན་རྐྱེན་དུ་སྙམས་ཏེ། སྔར་པར་བསྐྲུན་ཟིན་པའི་«གངས་ལྗོངས་མེས་པོའི་རིག་མཛོད་»དཔེ་ཚོགས་དང་། དེ་བཞིན་མདོ་སྔགས་རིག་གནས་དང་བཅས་པའི་དཔེ་ཆ་གང་འབྱོར་རིན་མེད་ངང་འཕྲུལ་དེབ་དུ་སྤེལ་འཆར་ལགས་ཤིང་། དེར་འཕྲུལ་དེབ་epubརྣམ་པ་ཅན་དང་། PDFཅན་རིགས་གཉིས་བཟོས་ཡོད་ལ། འཕྲུལ་དེབ་རེ་རེའི་མ་དཔེ་གང་ཡིན་ཁ་གསལ་བཀོད་པ་དང་། འཕྲུལ་དེབ་ནང་གི་ཡི་གེ་རྣམས་ཕབ་ལེན་བྱེད་རྒྱུ་ཡོད་པ་སོགས་ཁྱད་བོན་དུ་མ་ལྡན་ཡོད། དམིགས་བསལ་ཞུ་བྱ་ནི་འཕྲུལ་དེབ་ནང་གི་དཀར་ཆག་གི་མིང་དཀྱུས་སུ་བཀོད་པ་འདི་དག་ནི་ལག་བསྟར་རྩོམ་སྒྲིག་པས་གསར་དུ་བསྣན་པ་ཡིན་པས་ཐུགས་འཇགས་འཚལ། PDFཅན་གྱི་འཕྲུལ་དེབ་རྣམས་https://theyungdrungbon.com/ ཞེས་པའི་གཡུང་དྲུང་བོན་གྱི་དྲྭ་ཚིགས་ཆེན་མོ་འདིའི་ནང་དུ་རིམ་བཞིན་འགོད་རྒྱུ་མ་ཟད། epubཅན་གྱི་འཕྲུལ་དེབ་དང་། PDF རྣམ་པ་ཅན་གྱི་འཕྲུལ་དེབ་གཉིས་ཀ།180 7695 3567སྐད་འཕྲིན་བརྒྱུད་ནས་འགྲེལ་སྤེལ་བྱེད་རྒྱུ་ཡིན། དེས་ན་རྒྱལ་ཕྱི་ནང་གང་སར་གནས་པའི་མཁྱེན་ཡངས་ཀྱི་དཔེ་ཆ་བ་ཀུན་ལ་རིག་པའི་མཐུན་རྐྱེན་དང་། བསམ་པའི་དཔལ་ཡོན་དུ་འགྱུར་བའི་སྨོན་འདུན་ཞུ།

རག་བཙུན་ཚངས་སྲས་འཇིགས་མེད་བློ་གྲོས་ནས་གངས་ལྗོངས་མེས་པོའི་རིག་མཛོད་ཁང་ནས་༢༠༢༥-༧-༧ཉིན་ཕུལ།