འབྱུང་ལྡན་༣༠༡ཕྱི་ལོ་༢༠༡༤བོད་ཤིང་རྟ་ལོ་ཡི་བོད་ཟླ་ལྔ་པའི་བོད་ཚེས་༣༠་དང་བོད་ཟླ་དྲུག་པའི་ཚེས་༠༡ཉིན་ལོ་ཕྱེད་ཡིག་རྒྱུགས་དང།ཕྱི་ལོ་༢༠༡༥་བོད་ཤིང་རྟ་ལོའི་བོད་ཟླ་བཅུ་གཅིག་པའི་ཚེས་༡༧་དང་༡༨་གཉིས་ལ་ལོ་འཁོར་ཡིག་རྒྱུགས་བཅས་བཤད་སྒྲུབ་སློབ་གཉེར་རྣམས་ལ་༧དཔལ་གཤེན་བསྟན་སྨན་རིའི་གླིང་དུ་བཏང་བའི་ཁོངས་ནས་རྒྱུགས་འབྲས་རྩེ་ཕུད་ཨང་ཐོབ་ཁག་གཤམ་གསལ།

པེ་ཅིན་གྲོང་ཁྱེར་སྐབས་བཅུ་གསུམ་པའི་མཚན་ཉིད་རིག་པ་དང་སྤྱི་ཚོགས་ཚན་རིག་ཞིབ་འཇུག་སྔོན་ཐོན་གྲུབ་འབྲས་གཟེངས་བསྟོད་བྱ་དགའི་ནང་ཀྲུང་དབྱང་མི་རིགས་སློབ་གྲྭ་ཆེན་མོ་བོད་རིག་པའི་སློབ་གླིང་གི་གླིང་གཙོ་ཞིབ་འཇུག་པ་ཆེན་མོ་རྒྱལ་སྤྱིའི་བོད་རིག་པའི་མཁས་དབང་སྟོང་སྐོར་ཚེ་རིང་ཐར་དང་། བོད་ལྗོངས་སྤྱི་ཚོགས་ཚན་རིག་ཞིབ་འཇུག་ཁང་གི་ཞིབ་འཇུག་པ་ཆེན་མོ་དོན་གྲུབ་ལྷ་རྒྱལ་རྣམ་གཉིས་ཀྱིས་བརྩམས་པའི་༼བོན་གྱི་ལོ་རྒྱུས་མདོར་བསྟན་གནད་ཀྱི་ཕྲེང་བ་༽

བསྟན་བཅོས་ཡིད་བཞིན་གཏེར་གྱི་མཛོད་ལས་རྩོམ་པའི་རྒྱན་གྱུར་སྙན་ངག་རྒྱན་གསུམ་གྱི་རྣམ་བཤད་ནོར་བུའི་མེ་ལོང་དབྱངས་ཅན་སྙིང་གི་ཐིག་ལེ་སོགས་བཞུགས་སོ། དུས་རབས་ཉི་ཤུའི་ནང་གཞན་དྲིང་འཇོག་མི་དགོས་པའི་མཁས་པའི་དབང་པོ་དཔལ་ལྡན་ཚུལ་ཁྲིམས་མཆོག་གིས་བརྩམས་གནང་བའི་སྙན་ངག་རྒྱན་གསུམ་གྱི་རྣམ་བཤད་དང། ཕྱི་ནང་གསང་གསུམ་གྱི་བརྒྱུད་པའི་བླ་མའི་གསོལ་འདེབས། ལྷག་པའི་ལྷ་ཚོགས་ལ་མཆོད་བསྟོད། གངས་རི་མཚོ་གསུམ་གྱི་གནས་བསྟོད། ༧ སྐྱབས་རྗེ་རྒྱལ་བ་སྨན་རིའི་ཁྲི་འཛིན་སོ་གཉིས་པ་ཤེས་རབ་བློ་གྲོས་དཔལ་བཟང་པོ་མཆོག་གི་སྐུ་གདུང་དཀར་ཆག་བཅས་དཔར་བསྐྲུན་བྱེད་དགོས་པའི་རྒྱུ་མཚན་ནི། མཁས་དབང་དམ་པ་གང་ཉིད་དང་ཁྱིམ་ཚང་གཅིག་གི་ཁྱིམ་མི་བྱས་ནས་ཡུན་རིང་འགྲོགས་མྱོང་བའི་བདག་གི་ཕ་དམ་པའི་དགོངས་ཚུལ་དུ་དཔལ་ཚུལ་གྱི་བརྩམས་གཞུང་ཐོར་བུ་ཁག་རྣམས་ཕྱོགས་སྒྲིག་གནང་ནས་དེབ་གཅིག་དཔར་བསྐྲུན་བྱ་ཐུབ་ན་བསམ་པའི་རེ་འདུན་ཡིད་ལ་མཆིས་ཀྱང་།  དུས་ཕྱིས་ན་ཚོད་རྒས་པ་དང་ལུས་ལ་ན་རྐྱེན་མང་བ་སོགས་ལ་བརྟེན་ནས་བསམ་པ་བཞིན་གྲུབ་ཐུབ་མེད།

༄༅།  །སྣང་སྲིད་སྣོད་བཅུད་ཐམས་ཅད་ཀུན།  །ཀུན་ཀྱང་རྒྱལ་བའི་དཀྱིལ་འཁོར་ལ།  །དག་པར་མ་གྱུར་གང་ཡང་མེད།  །དག་གྱུར་ལྷ་ལ་ཕྱག་འཚལ་ལོ།  །འོན་ཀྱང་སེམས་ཅན་འཁྲུལ་དབང་གིས།  །ལྷ་མིའི་སྤྱོད་ཚངས་མ་དག་ཅེས།  །གཙང་མ་ཚན་གྱིས་དག་པར་བྱེད།  །དེ་ཡང་དང་པོ་ཁྲུས་ཀྱིས་བཀྲུས་ལ་འདི་སྐད་དོ།  །ཨཱོྃ་ཁྲོ་རྒྱལ་ཆེན་པོའི་སྐུ་མཆོག་གིས།  །སྐྱོན་གྱི་གངས་རི་རྩེ་བཅོམས་ནས།  །དག་ཅིང་གཙང་མར་བཤམས་པ་ཡི།  །བག་ཆགས་སྒྲིབ་སེལ་ཚན་ཆབ་འདིས།  །སྟེང་གི་ལྷ་ཡང་གཙང་བར་བྱ།  །འོག་གི་ཀླུ་ཡང་གཙང་བར་བྱ།  །བར་གྱི་གཉན་ཡང་གཙང་བར་བྱ།  །གདན་ཁྲི་རྣམས་ཀྱང་གཙང་བར་བྱ།  །ཆས་གོས་རྣམས་ཀྱང་གཙང་བར་བྱ།  །ཡོ་བྱད་རྫས་རྣམས་ཀུན་ཀྱང་གཙང་གྱུར་ཅིག ། ཨཱོྃ་ཤུདྷོ་ཀུ་ཤུདྷོ་གཙང་ས་ལེ་སང་ངེ་ཡེ་སྭཧཱ།  ཅེས་ཁྲུས་གསོལ།  དེ་ནས་སྤོས་བསང་ནི། ཨཱོྃ་ཁྲོ་རྒྱལ་ཆེན་པོའི་སྐུ་མཆོག་གིས།  །རི་རྒྱལ་རྩེ་ལ་ནགས་ཚལ་བཅུད།  །དག་ཅིང་གཙང་མར་བཤམས་པ་ཡི།  །དྲི་ཞིམ་ངད་ལྡན་ཡིད་འོང་སྤོས།  །སྟེང་གི་ལྷ་ཡང་བསང་བར་བྱ།  །འོག་གི་ཀླུ་ཡང་བསང་བར་བྱ།  །བར་གྱི་གཉན་ཡང་བསང་བར་བྱ།  །གདན་ཁྲི་རྣམས་ཀྱང་བསང་བར་བྱ།  །ཆས་གོས་རྣམས་ཀྱང་བསང་བར་བྱ།  །ཡོ་བྱད་རྫས་རྣམས་ཀུན་ཀྱང་བསང་གྱུར་ཅིག ། ཨཱོྃ་ཞིམ་ཞིམ་གྲམ་གྲམ་བུན་ནེ་ཐིམ་ཐིམ་ཡེ་སྭཧཱ།  ཅེས་སྤོས་ཀྱིས་བསང་ངོ༌།  །

བོད་ཀྱི་ལོ་རྒྱུས་ཕལ་མོ་ཆེ་རྣམས་སུ་ང་ཚོའི་བོད་ཀྱི་རིག་གནས་ཕུན་སུམ་ཚོགས་པ་འདིའི་ཁུངས་ངོ་མ་དེ་རྒྱ་གར་འཕགས་པའི་ཡུལ་ལ་གཏུགས་ཏེ་དེའི་གོང་དུ་བོད་ལ་ཡིག་རིགས་ཙམ་ཡང་མེད་པ་ཆེས་ཀླ་ཀློ་ཞིག་ངོས་འཛིན་བྱས་ཡོད། བོད་རྒྱལ་སྲོང་བཙན་གྱིས་ཐོན་མི་ཨ་ནུ་རྒྱ་གར་ལ་བཏང་ནས་ཐོན་མིས་མཁས་པ་ལི་བྱིན་ལ་བསྟེན་ནས་ཡི་གེ་བསླབ་པ་མཐར་སོང་བྱས་ཏེ་ཕྱིར་བོད་ལ་ལོག་རྗེས་བོད་ཡིག་གསར་བཟོ་བྱས་པར་བཤད་དེ་བོད་པའི་ཀླད་ཁོག་ནང་དུ་བསུབ་ཏུ་མེད་པའི་རྫུན་རིས་ཞིག་བྲིས་པ་དེ་གནས་རི་སྲོང་བཙན་ཡན་གྱི་རྒྱལ་རབས་སུམ་ཅུ་སོ་གཉིས་རིང་གི་ཡབ་མེས་གོང་མ་རྣམས་ལ་བསམ་ཡུལ་ལས་འདས་པའི་སྨ་འབེབས་ཞིག་ཡིན་པ་སྨོས་མེད་རེད།

མི་ལོ་༤༠༠༠ ཡར་སྔོན་ནས་བོད་ཡིག་ཡོད་པའི་བདེན་དཔང་གནའ་རྫས་རྟོག་ཞིབ་པས་གསར་རྙེད་བྱུང་འདུག  ཉེ་ཆར་མཚོ་སྔོན་དང་ཀན་སུས་ཞེས་འབོད་པ་གཉིས་ཀྱི་ས་མཚམས་ནས་གདོད་མའི་བོད་ཀྱི་གནའ་རྫས་མང་པོ་ཐོན་ཡོད་པ་དང་། གནའ་རྫས་རྟོག་ཞིབ་བྱས་པས་ལོ་ངོ་བཞི་སྟོང་གྱི་སྔོན་དུ་བོད་ཡིག་ཡོད་པའི་བདེན་དཔང་རྙེད་ནས་གསལ་བསྒྲགས་བྱས་འདུག

སྨོན་རྒྱལ་ཀུན་གྲོལ་ལྷ་སྲས་མི་ཕམ་རྣམ་རྒྱལ་ཚོགས་གཉིས་རྒྱ་མཚོ་དཔལ་བཟང་པོ་ཕྱོགས་ལས་རྣམ་པར་རྒྱལ་བའི་སྡེ་ནི། ཡབ་མཆོག་དྲན་པའི་རྣམ་རོལ་ཧཱུྃཿཆེན་བླ་མ་དང་ཡུམ་མཆོག་ཟླ་འོད་རྣམ་སྤྲུལ་བདེ་ཆེན་མཚོ་མོ་གཉིས་ཀྱི་སྲས་སུ་རབ་བྱུང་ ༡༦ པའི་འབྲུ་མང་པོ་ཞེས་པ་ས་སྟག་ལོའི་ཟླ་ ༡ ཚེས་ ༣ གྱི་ཉི་ཤར་དུས་མཉམ་དུ་མདོ་ཁམས་རྔུལ་རྫ་ཟབ་མོ་སྒང་གི་ཉེ་འགྲམ་ཨ་ཁོད་སྨོན་རྒྱལ་བླ་བྲང་བསམ་འགྲུབ་ཕོ་བྲང་གཡུང་དྲུང་ནམ་མཁའ་རྫོང་དུ་སྐུ་འཁྲུངས།

ཕྱི་ལོ་ ༢༠༡༤ ཟླ་ ༡༠ ཚེས་པའི་ ༡༥ ཉིན་༧སྐྱབས་རྗེ་སྨན་རིའི་དཔོན་སློབ་ཡང་སྟོན་འཕྲིན་ལས་ཉི་མ་རིན་པོ་ཆེ་མཆོག་རྒྱ་གར་གྱི་རྒྱལ་ས་ལྡི་ལི་གསར་པའི་མཁའ་ལམ་བརྒྱུད་ Germany འཇར་མེན་གྱི་གྲོང་ཁྱེར་དུ་ཡོད་པའི་ Frtedrich- Alexander University ཡི་མཐོ་སློབ་ཏུ་སློབ་ཆེན་དེའི་སློབ་དཔོན་ཆེན་མོ་བོད་རིག་པའི་ཞིབ་འཇུག་པ་མཁས་དབང་ Donatella Rossi ནས་གདན་ཞུས་ལྟར་གཡུང་དྲུང་བོན་གྱི་ཇུ་ཐིག་སྐོར་གྱི་ངོ་སྤྲོད་གནང་བ་དང་།

གསང་མཆོག་བླ་མ་རྣམས་ལ་དེ་པ་ཧོ། གསང་བའི་མཁའ་འགྲོ་འདེགས་བྱེད་སྒྲོལ་མ་ལ་ཕྱག་འཚལ་ལོ། །སྤྱིར་ཡང་དག་པའི་དོན་ཚེ་གཅིག་ལུས་གཅིག་ལ་མངོན་པར་སངས་རྒྱས་པར་བྱེད་པ་ལ། གསང་སྔགས་ཐབས་དང་ཤེས་རབ་འབྲེལ་བའི་ལམ་མ་ཡིན་པས་མི་ནུས་ཏེ། ཕྱི་མདོ་མཛོད་འདུལ་བ་གསུམ་ལས་སོགས་པ་སྲས་རྒྱུད་ཐེག་པ་རིམ་པ་དགུ་ཡང་སྐས་གདང་ལྟ་བུ་མས་འཛེགས་ཀྱི་ལམ་ཡིན་ནོ། །ཕ་རྒྱུད་སྡོང་པོ་དགུ་འདུས་ཀྱང་ལྟ་བ་ཆེན་པོ་ལ་བཟླས་པས་ཐབས་དང་མ་འབྲེལ་པས་ལམ་ཡང་དག་པར་མི་འགྱུར་རོ། །དེས་ན་ཐབས་ཤེས་ཟུང་དུ་འབྲེལ་པ་མ་རྒྱུད་ཐུགས་རྗེ་ཉི་མ་འདི་བསྒོམ་པ་ལ། ལམ་ལྔ་ཐབས་དྲུག་ཁྲིད་བརྒྱད་དོ། །ལམ་ལྔ་ནི་བོན་སྤྱི་དང་མཐུན་ཏེ། ཚོགས་ལམ་དང་། སྦྱོར་ལམ་དང་། མཐོང་ལམ་དང་། སྒོམ་ལམ་དང་། མཐར་ཕྱིན་པའི་ལམ་མོ། །དེ་ལ་ཐབས་དྲུག་ནི། སྒོམ་ལམ་གྱི་ས་གཉིས་པ་ནས་བདུན་པའི་བར་དུ་སྦྱར་བ་ཡིན་པས། འདི་ཅི་ལྟ་བ་བཞིན་དུ་བྱས་ནས་ས་ནོན་པ་ཡང་ངེས་པའོ། །