མན་ངག་ལུང་གི་ཚད་མ་བཞུགས།
ཞང་ཞུང་སྐད་དུ། ཏ་རད་ཏ་བཅ་སྤུངས་ཀྱི་སྨྲ། རྒྱ་ནག་སྐད་དུ། ཏད་ཀྱ་’མ’ ”ལ”ཝ་རྦིངས། རྒྱ་གར་སྐད་དུ། ཨུད་པ་དེ་ཤ་ཀ་ལ་པྲ་མ་རྦོམ། བོད་སྐད་དུ། མན་ངག་ལུང་གི་ཚད་མ། རྟོག་པའི་དྲྭ་བ་སེལ་མཛད་པ། ཀུན་མཁྱེན་དེ་ལ་ཕྱག་འཚལ་ལོ། ཟབ་མོ་ཆ་ཤས་བརྟག་དཀའ་བ། ཚད་མས་གཏན་ལ་དབབ་པར་བྱ། སྐྱེས་བུ་མི་བསླུ་མ་འཁྲུལ་པ། མངོན་གསུམ་པ་དང་རྗེས་སུ་དཔག། དེ་ཡི་མ་འཁྲུལ་མི་བསླུ་བྱེད། འདི་དང་བོན་སྐུ་གཉིས་མེད་དེ། འདུག་པ་ཐ་དད་མེད་པའི་ཕྱིར་རོ། གལ་ཏེ་ཐ་དད་ཡོད་པ་ན། སྣང་བ་འདི་ནི་ལོགས་ཤིག་གམ། དེ་ལྟར་ཡིན་ན་སྟོང་པ་ཡི། བཙལ་ཡང་རྙེད་པར་མི་འགྱུར་རོ།