འགྲོ་མགོན་བཀའ་དྲིན་ཅན་གྱི་ཞབས་ལ་འདུད།  །རྒྱལ་བ་འཕགས་པའི་བཀའ་ལུང་དང༌། །བླ་མ་རྒྱུད་པ་ལས་བྱུང་ཞིང༌། རང་གི་གོ་རྟོགས་ཉམས་མྱོང་པའི། །གདམ་པ་ཚིག་འགའ་བྲི་བར་བྱ། གནས་ལུགས་དོན་གྱི་གདམ་པ་ཉམས་སུ་ལེན་པ་ལ། སེམས་དང་སེམས་ཉིད་ཀྱི་ཁྱད་པར་ཕྱེད་དགོས་ཏེ། དེ་ཡང་སེམས་༼མ་༽རྟོགས་པས་སངས་མི་རྒྱས། སེམས་ཉིད་གཤིས་ཀྱི་གནསལུགས་རྟོགས་དགོས། ལུང་ལས་ཀྱང༌། འདི་རྟོགས་རྣམས་ནི་སངས་རྒྱས་ཡིན། འདི་མ་རྟོགས་ན་སངས་རྒྱས་མིན། ཞེས་གསུངས་སོ། སེམས་དྲན་པས་འགྱུ་བ་ཡུལ་མཚོ། བློ་རྟོག་པ་སྣ་ཚོགས་སུ་འཕྲོ་བ། སེམས་ལས་བྱུང་བས་ཤེས་པ་སྣ་ཚོགས་སུ་ཤར་བ་ལ། སེམས་ཞེས་བྱ། ཡིད་ཅེས་བྱ། དྲན་པ་ཞེས་བྱ་སྟེ། འདི་ནི་ངེས་མེད་སྣ་ཚོགས་སུ་འཆར་བ་ཡིན་ཏེ། སྙིང་པོའི་གནས་ལུགས་མ་རྟོགས་ན། དྲན་རྟོག་རེ་རེ་ཆད་པའམ། ཞིག་པའམ། རྟོག་མེད་དུ་གྲོལ་ཀྱང་རུང་སྟེ།

སྟོན་པ་ཤཱཀྱ་ཐུབ་པ་སྐུ་མི་རྟག་མྱ་ངན་ལས་འདས་ནས་ལོ་སུམ་བརྒྱ་དང་དྲུག་ཅུ་ཕྱིན་དུས། ཨོ་རྒྱན་གྱི་ཡུལ་དྷ་ན་ཀོ་ཤའི་གླིང་བྱ་བ་ན། སུ་དྷ་ར་མར་འབོད་པའི་དགེ་སློང་མ་ཞིག་ལས་ཕ་སུ་ཡིན་ངོས་བཟུང་མེད་པའི་ཁྱད་དུ་འཕགས་པའི་སྲས་པོ་ཞིག་འཁྲུངས་སོ། ཁྱེའུ་དེ་ཆེར་སྐྱེས་ནས་ལོ་བདུན་ཙམ་ན་ཨུ་པ་རཱ་ཛ་ཞེས་པའི་རྒྱལ་པོ་ཞིག་ལ་མཆོད་གནས་པཎྜི་ཏ་ལྔ་བརྒྱ་ཡོད་པས་དེར་ཕེབས་ནས་དྲི་བ་གང་དྲིས་ཀྱང་ཁྱེའུས་དྲི་ལན་ཐོགས་པ་མེད་པར་གནང་བས་མཁས་པ་ཀུན་གྱི་ཐུགས་དགྱེས་པར་མཛད། རྒྱལ་པོ་ཡང་དགྱེས་ནས་ཁྱེའུའི་མཚན་ལ་དགའ་རབ་རྡོ་རྗེ་གསོལ། དེ་ནས་ལོ་སོ་བདུན་བར་མཚམས་ལ་བཞུགས་ནས་ཏིང་ངེ་འཛིན་བསྒྲུབས། དེ་ནས་ཕྱག་ན་རྡོ་རྗེ་ལ་རང་བཞིན་རྫོགས་པ་ཆེན་པོའི་ཆོས་གསན་ནས་དེ་དག་གླེག་བམ་ན་བཀོད་དེ་མཁའ་འགྲོ་མ་རྣམས་ལ་གཏད། དེ་རྗེས་འཇམ་དཔལ་བཤེས་གཉེན་གྱིས་དགའ་རབ་རྡོ་རྗེ་དང་མཇལ་ནས་ལོ་བདུན་ཅུ་དོན་ལྔའི་བར་དུ་རྫོགས་པ་ཆེན་པོའི་ཆོས་ཉན་པར་མཛད། དེ་ནས་སློབ་དཔོན་དགའ་རབ་རྡོ་རྗེ་ཟག་ཕུང་མི་མངོན་པར་བྱས་ནས་མྱ་ངན་ལས་འདས་སོ།

གཡུང་དྲུང་བོན་གྱི་ལུགས་ལ་བླ་མ་ཞེས་པ་དེ་གང་འདྲ་ཞིག་ཡིན། བླ་མའི་རིགས་ཇི་ཙམ་ཞིག་ཡོད་ཅེ་ན། སྤྱིར་བླ་མའི་མིང་ཙམ་ཡོད་མཁན་ནི་དེང་སང་གི་དུས་སུ་ཧ་ཅང་མང་ནའང་། མདོ་སྔགས་རྫོགས་གསུམ་གྱི་གཞུང་ལས་བཤད་པའི་བླ་མ་མཚན་ཉིད་དང་ལྡན་པ་ནི་ཤིན་ཏུ་དཀོན་པ་ཡིན། དེ་ཡང་བླ་མ་ནི། སངས་རྒྱས་ཀྱི་ཞལ་ཚབ། ཐར་པའི་དད་དཔོན། འདྲེན་པའི་གཙོ་བོ། སྡུག་ལྡན་གྱི་སྐྱབས་གནས། གནས་སྐབས་དང་མཐར་ཐུག་གི་བདེ་བ་དང་ལེགས་ཚོགས་ཐམས་ཅད་ཀྱི་འབྱུང་གནས་ཡིན་པས་དེ་ངོས་འཛིན་མ་ནོར་བ་བྱེད་དགོས།

རིགས་པའི་རྗེས་འབྲེང་གངས་ཅན་མཁས་པའི་ཁྲོད། །དགོངས་འགྲེལ་མི་མཐུན་ཐོག་ཡོད་ཐོག་མེད་ལུགས། །རིགས་ལམ་བརྒལ་རྟགས་ལམ་ནས་འདྲེན་མཛད་པའི། །བསྟན་འཛིན་མཁས་གྲུབ་རྣམ་གཉིས་སྤྱི་བོར་མཆོད། །ཐོག་ཡོད་སྨྲ་ལ་འགྲན་པའི་ཟླ་བྲལ་བ། །རིགས་པའི་སེང་ཆེན་ལུང་རིགས་དབང་ཕྱུག་དང་། །བྲུ་སྟོན་ཉི་རྒྱལ་འགྲོ་མགོན་བློ་གྲོས་སོགས། །གཡས་རུའི་གསལ་བྱེད་རྣམས་ལ་གུས་ཕྱག་འཚལ། །

ཞང་ཞུང་སྨར་གྱི་སྐད་དུ་ན། ཨཱི་ཐི་ཀུ་ཡིག་ཁྲི་རྩེ་ཨུ་པ་ཏན་ཏྲ་ཐད་དོ་ཅི། བོད་སྐད་དུ། རྫོགས་པ་ཆེན་པོ་བྱང་ཆུབ་སེམས་ཀྱི་གནད་བྱང༌། ཐིག་ལེ་ཉག་གཅིག་ཨེ་མ་ཧོ། །ཀུན་ཏུ་བཟང་པོ་རང་འབྱུང་རིག་པའི་ལྷ་ལ་ཕྱག་འཚལ་ལོ།།༡༽འདི་སྐད་བདག་གིས་བསྟན་པའི་དུས་ཅིག་ན། གནས་འོག་མིན་བོན་ཉིད་ཀྱི་དབྱིངས་ན། ༢༽ཡེ་ཉིད་ཀྱི་སྟོན་པ་ཀུན་ཏུ་བཟང་པོ། ཅིར་ཡང་མཚོན་དུ་དཀའ་སྟེ། གདོད་ནས་བརྗོད་མེད་ཆེན་པོར་བཞུགས་སོ། །དེའི་ངང་ལས། ཐུགས་རྗེའི་སྟོན་པ་ཀུན་ཏུ་བཟང་པོ། ཐུགས་རྗེ་ཀུན་ལ་སྙོམས་པར་བཞུགས་སོ། །ཐུགས་ཉིད་མ་གཡོས་པའི་ངང་ལས། །གཡོ་བ་ཡེ་ཤེས་ཀྱི་ཆོ་འཕྲུལ་དུ། །སེམས་ཅན་གཞན་ལ་ཚད་མེད་པའི་སྙིང་རྗེ་ཤར་རོ། །

ཐར་སྒྱུམ་བྲི་མ་ཁེར་ཞི་དེ་སྨ་ཁིར་ན་ཉི་རི་ཁི་ཁར་ད་དོད་ཅི་ལྷན། ༄༅། །ཐར་ལམ་གྱི་རིམ་པ་གསལ་བར་བྱེད་པའི་སྒྲོན་མེ་ཉི་མའི་འོད་ཟེར་ཞེས་བྱ་བ། བླ་མ་བཀའ་དྲིན་ཅན་གྱི་ཞབས་ལ་གུས་པས་འདུད། ། སྤངས་པ་མི་འགྱུར་གཡུང་དྲུང་གདན་ཐོག་ཏུ། །རྟོགས་པ་མི་ནུབ་རྒྱལ་མཚན་འཛིན་པའི་སྐུ། །ཐར་ལམ་སྣ་ཚོགས་འགྲོ་ལ་སྟོན་མཛད་པ། །སྟོན་པ་བླ་མེད་དེ་ལ་མོས་ཕྱག་མཚལ། །བློ་དམན་ཐར་པའི་ལམ་ལ་བཀྲིད་ཕྱིར་དུ། །རྒྱལ་བའི་གསུང་རབ་རྒྱ་མཚོ་ལྟ་བུའི་དོན། །ནོར་བུ་བཞིན་དུ་དགོས་འདོད་ཀུན་འབྱུང་བའི། །ས་དང་ལམ་གྱི་རིམ་པ་བསྡུས་ཏེ་བཤད། །དེ་ལ་སྟོན་པ་ཡང་དག་པར་རྫོགས་པའི་སངས་རྒྱས་ཀྱི་གསུང་རབ་ཁམས་བརྒྱད་ལ་སོགས་པ་དོན་གྱིས་གསུམ་ལ་འདུ་སྟེ། གནས་ལུགས་གཞིའི་ཁྱད་པར་གྱི་དབང་དུ་བྱས་ནས་བདེན་པ་གཉིས་ལ་སོགས་དང༌། འཆར་ཚུལ་རྩལ་གྱི་དབང་དུ་བྱས་ནས་འཁོར་འདས་ལ་སོགས་དང༌། འཇུག་ཚུལ་ལམ་གྱི་དབང་དུ་བྱས་ནས་བདེན་བཞི་ལ་སོགས་བསྟན་པ་ཡིན་ནོ། །

༄༅།། །།སྟོན་པ་འཁོར་བ་ཀུན་དང་ཐུན་མོང་དང་དབྱེར་མེད་པའི་བླ་མ་བཀའ་དྲིན་ཅན་གྱི་ཞབས་ལ་གུས་པས་འདུད། མི་མགོན་གྱི་ས་བཅད་གཉིས་ཏེ། འཇུག་སྒོའི་ཡན་ལག་དང༌། འཇུག་ཡུལ་གྱི་ངོ་བོ་བསྟན་པའོ། དང་པོ་ལ་གསུམ་སྟེ། དད་མདུན་བསྐྱེད་པའི་ཡན་ལག་ཏུ་ཡོན་ཏན་དང༌། ཐ་སྙད་རྟོགས་པའི་ཡན་ལག་ཏུ་མཚན་དང༌། ཇི་ལྟར་འཇུག་པའི་ཡན་ལག་ཏུ་བཤད་ཐབས་བསྟན་པའོ། དང་པོ་ལ་གཉིས་ཏེ། དངོས་དང༌། བསྡུ་བའོ། དང་པོ་ལ་གསུམ་སྟེ།

བླ་ཆེན་དྲན་པ་ནམ་མཁས་མཛད། སྟོན་པ་ཀུན་དུ་བཟང་པོ་ལ་ཕྱག་འཚལ་ལོ། །གསང་སྔགས་ཐམས་ཅད་ཀྱི་དེ་ཉིད། རྩ་རྒྱུད་ཀུན་འདུས་སྟོན་པའི་འགྲེལ་བ་ཉི་ཟེར་དྲྭ་བ་ལས། ཐོག་མར་ཕྱག་འཚལ་བ་སྟོན་ཏེ། སྟོན་པ་ཞེས་པ་ལ་བཞི་སྟེ།  དཔེ་ནམ་མཁའི་སྟོན་པ། དོན་བོན་ཉིད་ཀྱི་སྟོན་པ། རྟགས་སེམས་ཉིད་ཀྱི་སྟོན་པ། ཡོན་ཏན་ཁུངས་ཀྱི་སྟོན་པའོ། །དེ་ལ་དཔེ་ནམ་མཁའ་འདི་ཉིད་ཀྱི་ངང་ནས། སྣང་ཞིང་སྲིད་པ་ཐམས་ཅད་སྟོན་པས་ན་སྟོན་པའོ། །དོན་བོན་ཉིད་རྣམ་པར་དག་པའི་ངང་ནས། བོན་ཅན་མཚན་མར་སྣང་བ་ཐམས་ཅད་སྟོན་པས་ན་སྟོན་པའོ། །