༧སྐྱབས་རྗེ་སྨན་རིའི་དཔོན་སློབ་ཡང་སྟོན་འཕྲིན་ལས་ཉི་མ་རིན་པོ་ཆེ་མཆོག་ཨ་རིའི་ས་གནས་ཁག་ཅིག་ཏུ་མཛད་འཕྲིན་གྲུབ་ནས་ཕྱིར་རང་དགོན་དུ་ཆིབས་སྒྱུར་བསྐྱངས་པ།

གཤེན་གྱི་འབྱུང་ལྡན་ ༣༠༡ བོད་ཤིང་སྦྲུལ་ལོའི་བོད་ཟླ་དགུ་པའི་ཆེས་པ་ ༡ སྤྱི་ལོ་ ༢༠༢༥ ཟླ་ ༡༠ ཚེས་ ༢༢ ནས་༸གདན་ས་སྨན་རིའི་གླིང་དང་བཙུན་དགོན་རཏྣ་སྨན་གླིང་གཉིས་སུ་བོད་ཤིང་སྦྲུལ་ལོའི་གཡས་རུའི་འཆད་རྩོད་ཆེན་མོ་དབུ་འཛུགས་གནང་ཡོད་པ་དང་།

གཡུང་དྲུང་བོབ་གྱི་བཤད་སྒྲུབ་འདུས་སྡེའི་བོད་ཤིང་སྦྲུལ་ལོའི་བོད་ཟླ་བརྒྱད་པའི་བགྲོ་གླེང་དེ་ཉིད་༸སྐྱབས་རྗེ་རྒྱལ་བ་སྨན་རི་བ་མཆོག་དབུ་བཞུགས་འཚོགས་ཡོད་པ་དང་། བགྲོ་གླེང་གཏམ་བཤད་པ་བཀའ་རམས་པ་ངག་དབང་ཤེས་རབ་དང་། སློབ་གཉེར་བ་མཁས་གྲུབ་རིན་ཆེན། གནམ་གང་ཚེ་རིང་གསུམ་གྱིས་སོ་སོའི་བརྗོད་གཞིའི་ཐོག་སྐར་མ་བཅོ་ལྔ་གཏམ་བཤད་དང་སྐར་མ་བཅོ་ལྔར་དྲི་བ་དྲིས་ལན་

སྟོན་པ་རྣམ་འདྲེན་བརྒྱད་པ་རྒྱལ་བ་གཤེན་རབ་མོ་བོ་ཀུན་ལས་རྣམ་པ་རྒྱལ་བ་མཆོག་ཉིད་སྐུ་སྐྱེ་བ་མི་རུ་བཞེས་ནས། མི་ལོ་ ༡༨༠༤༢ འདས་པའི་བོད་ཤིང་སྦྲུལ་ལོའི་བོད་ཟླ་ ༨ པའི་ཚེས་པ་ ༡ ནས་ ༧ བར་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་དང་བཙུན་དགོན་རཏྣ་སྨན་གླིང་གཉིས་སུ་མང་འདུས་སེམས་འདུལ་བ་འཛིན་པའི་འདུས་མང་ཡོངས་ནས་རྒྱལ་བ་གོང་མའི་ཕྱག་སྲོལ་ཇི་བཞིན་དྲི་མེད་གཤེན་གྱི་དཀའ་ཐུབ་ཆེན་མོ་འཚོགས་བཞིན་ཡོད་པ་རེད།

༸གསང་གསུམ་བོན་གྱི་མཛོད་འཛིན་༧སྐྱབས་རྗེ་རྒྱལ་བ་སྨན་རིའི་དཔོན་སློབ་རིན་པོ་ཆེ་མཆོག་ནས་ཡུང་དྲུང་བོན་གྱི་བཤད་སྒྲུབ་འདུས་སྡེའ་ཚོགས་ཁང་དུ། སྨན་རིའི་དགེ་བཤེས་རྣམ་དང་། གཡུང་དྲུང་བོན་གྱི་བཤད་སྒྲུབ་འདུས་སྡེའི་སློབ་གཉེར་བ། གཞི་རིམ་སློབ་མ་བཅས་ཡོངས་ལ། གསང་སྔགས་མ་རྒྱུད་དང་རྫོགས་ཆེན་ཡང་རྩེ་ཀློང་ཆེན་སོགས་ཀྱི་ལྗགས་ལུང་བསྩལ་གནང་བ།

དེ་རིང་བོད་ཤིང་སྦྲུལ་ལོའི་བོད་ཟླ་བདུན་པའི་ཚེས་པ་ ༢༩ དང་སྤྱི་ལོ་ ༢༠༢༥ ཟླ་བ་ ༩ པའི་ཚེས་པ་ ༢༠ ཉིན་གྱི་ཕྱི་དྲོར། གཡུང་དྲུང་བོན་གྱི་བཤད་སྒྲུབ་འདུས་སྡེའི་ཚོགས་ཁང་དུ་༧སྐྱབས་རྗེ་རྒྱལ་བ་སྨན་རིའི་ཁྲི་འཛིན་རིན་པོ་ཆེ་དབུ་བཞུགས་ཐོག བཤད་སྒྲུབ་འདུས་སྡེའི་ཚོགས་འདུ་ཆེན་མོ་བསྐང་འཚོགས་གནང་སྟེ། སྐབས་ ༤༥ པའི་གཡུང་དྲུང་བོན་གྱ་བཤད་སྒྲུབ་འདུས་སྡེའི་རྒྱུན་ལས་ཀྱི་ལས་ཡུན་གཙང་རྗེས་སྐབས་ ༤༦པའི་རྒྱུན་ལས་ཀྱིས་རྩིས་ལེན་དང་། ལས་ཁུར་དབུ་འཛུགས་གནང་ཡོད་པ་རེད།

སྤྱི་ལོ་ ༢༠༢༥ ཟླ་ ༩ ཚེས་ ༡༤ དང ༡༥ བོད་ཤིང་སྦྲུལ་ལོའི་བོད་ཟླ་ ༧ པའི་ཚེས་པ་ ༢༢ དང་ ༢༤ ཉིན་གཉིས་ཀྱི་རིང་༸གདན་ས་སྨན་རིའི་གླིང་དང་བཙུན་དགོན་རདྣ་སྨན་གླིང་བོན་གཞིས་ཉིན་སློབ་སོགས་སུ་༸ཞིང་བཤེགས་དམ་པ་༸སྐྱབས་རྗེ་རྒྱལ་བ་སྨན་རིའི་ཁྲི་འཛིན་ ༣༣ པ་རིན་པོ་ཆེ་མཆོག་གི་འདས་མཆོད་ཆེན་མོ་འཚོགས་གནང་ཡོད་པ་དང་་

དེ་རིང་སྤྱི་ལོ་ ༢༠༢༥ ཟླ་ ༩ པའི་ཚེས་ ༡༥ བོད་ཤིང་སྦྲུལ་ལོའི་བོད་ཟླ་ ༧ པའི་ཚེས ༢༤ ཞིང་གཤེགས་དམ་པ་༸སྐྱབས་རྗེ་རྒྱལ་བ་སྨ་རིའི་ཁྲི་འཛིན་ ༣༣ པ་རིན་པོ་མཆོག་དགོངས་པ་བོན་དབྱིངས་སུ་གཤེགས་ནས་མི་ལོ་ ༨ འཁོར་བའི་འདས་མཆོད་ཉིན། གཡུང་དྲུང་བོན་གྱི་དཔེ་མཛོད་ཁང་དུ་སྐབས་བཞི་པ་དང་ལྔ་པའི་སྨན་པ་དཀའ་བཅུ་པའི་བསླབ་པ་མཐར་སོན་གྱི་རྟེན་འབྲེལ་དགའ་སྟོན་མཛད་སྒོ་འཚོགས་གནང་སོང་། 

བྱང་ཨ་རིའི་ནེའུ་ཡོག་དང་ནེའུ་འཇར་སིའི་གཡུང་དྲུང་བོན་སྲི་ཞུ་ལྷན་ཚོགས་ཀྱི་རྒྱུན་ལས་དང་ས་གནས་དེའི་དད་ལྡན་བོན་འབངས་ཐུན་མོང་ནས་༧རྒྱལ་བ་སྨན་རིའི་བླ་བྲང་དུ་རེ་བསྐུལ་ཞུས་དོན་བཞིན། རྩ་བའི་བླ་མ་༸སྐྱབས་རྗེ་རྒྱལ་བ་སྨན་རིའི་ཁྲི་ ༣༣ པ་རིན་པོ་ཆེ་མཆོག་དགོངས་པ་བོན་དབྱིངས་སུ་གཤེགས་ནས་ལོ་བརྒྱད་འཁོར་བའི་འདས་མཆོད་ཉིན་སྨན་རིའི་དགེ་བཤེས་རྔ་ཟ་ཚང་ཁྱུང་གསས་འཕྲིན་ལས་མཆོག་་བླ་མར་ཁྲི་བཞེངས་མངའ་གསོལ་གནང་སོང་།