དེ་ཡང་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་རིན་པོ་ཆེ་མཆོག་དང་གཡུང་དྲུང་བོན་གྱི་བཤད་སྒྲུབ་འདུས་སྡེའི་མཁན་སློབ་རྣམ་གཉིས་བཅས་ཀྱི་བཀའ་དགོངས་བཞིན་གཡུང་དྲུང་བོན་གྱི་བཤད་སྒྲུབ་འདུས་སྡེའི་གོ་སྒྲིག་འོག བོད་ས་ཕག་ལོའི་ཟླ་ལྷག་དང་བསྟུན་ནས་བོད་ཟླ་དང་པོ་ཕྱི་མའི་ཚེས་༠༩ནས་བཟུང་༧སྐྱབས་རྗེ་སྨན་རིའི་དཔོན་སློབ་ཡང་སྟོན་ཕྲིན་ལས་ཉི་མ་རིན་པོ་ཆེ་མཆོག་ནས་མདོ་སྔགས་རྫོགས་གསུམ་ལས་བླ་མེད་ཐེག་པའི་ཡང་རྩེ་རྫོགས་པ་ཆེན་པོ་གཞུང་ཆེན་ཁག་ཅིག་གི་ལྗགས་ལུང་ཟབ་མོ་བཀའ་དྲིན་བསྩལ་ནས་དེ་རིང་ཚེས་༢༠ཉིན་རེ་ཞིག་མཇུག་གྲུབ་པ་དང་།

ཀུན་བཟང་རང་གྲོལ་རྟོགས་པ་ཆེ་ལ་ཕྱག་འཚལ་ནས། ། མཁས་པར་ཐེག་པ་ཀུན་སྦྱངས་དྲན་པ་ནམ་མཁའ་ཡིས། ། དོན་བསྡུས་རྩ་བའི་གནད་བཀྲོལ་རྗེས་འཇུག་དོན་དུ་གསུངས། ། འགལ་འཁྲུལ་ཡིད་དམ་བཀའ་སྲུང་རྣམས་ལ་བཟོད་པར་གསོལ། ། ཕྱག་འཚལ་ཆེ་བ་བརྗོད་ཅིང་མཚན་དོན་བསྟན་པ་དང་། ། བཀའ་དང་བརྟེན་དོན་ལུང་དང་བཤད་ཐབས་རྣམ་གསུམ་དང་། ། གཞི་སོགས་དཔེ་དོན་གཏན་ཚིགས་གསུམ་དང་རྒྱུ་མཚན་དང་། ། བཤད་ཐབས་བདུན་བཞི་སེམས་དོན་བཅུ་བདུན་ལ་བཅད་དང་། ། ཐེག་པ་ཕྱི་ནང་གཉིས་ཀྱི་དབྱེ་བ་རྒྱུ་འབྲས་དགུ། །

སྟོན་པ་ཤཱཀྱ་ཐུབ་པ་སྐུ་མི་རྟག་མྱ་ངན་ལས་འདས་ནས་ལོ་སུམ་བརྒྱ་དང་དྲུག་ཅུ་ཕྱིན་དུས། ཨོ་རྒྱན་གྱི་ཡུལ་དྷ་ན་ཀོ་ཤའི་གླིང་བྱ་བ་ན། སུ་དྷ་ར་མར་འབོད་པའི་དགེ་སློང་མ་ཞིག་ལས་ཕ་སུ་ཡིན་ངོས་བཟུང་མེད་པའི་ཁྱད་དུ་འཕགས་པའི་སྲས་པོ་ཞིག་འཁྲུངས་སོ། ཁྱེའུ་དེ་ཆེར་སྐྱེས་ནས་ལོ་བདུན་ཙམ་ན་ཨུ་པ་རཱ་ཛ་ཞེས་པའི་རྒྱལ་པོ་ཞིག་ལ་མཆོད་གནས་པཎྜི་ཏ་ལྔ་བརྒྱ་ཡོད་པས་དེར་ཕེབས་ནས་དྲི་བ་གང་དྲིས་ཀྱང་ཁྱེའུས་དྲི་ལན་ཐོགས་པ་མེད་པར་གནང་བས་མཁས་པ་ཀུན་གྱི་ཐུགས་དགྱེས་པར་མཛད། རྒྱལ་པོ་ཡང་དགྱེས་ནས་ཁྱེའུའི་མཚན་ལ་དགའ་རབ་རྡོ་རྗེ་གསོལ། དེ་ནས་ལོ་སོ་བདུན་བར་མཚམས་ལ་བཞུགས་ནས་ཏིང་ངེ་འཛིན་བསྒྲུབས། དེ་ནས་ཕྱག་ན་རྡོ་རྗེ་ལ་རང་བཞིན་རྫོགས་པ་ཆེན་པོའི་ཆོས་གསན་ནས་དེ་དག་གླེག་བམ་ན་བཀོད་དེ་མཁའ་འགྲོ་མ་རྣམས་ལ་གཏད། དེ་རྗེས་འཇམ་དཔལ་བཤེས་གཉེན་གྱིས་དགའ་རབ་རྡོ་རྗེ་དང་མཇལ་ནས་ལོ་བདུན་ཅུ་དོན་ལྔའི་བར་དུ་རྫོགས་པ་ཆེན་པོའི་ཆོས་ཉན་པར་མཛད། དེ་ནས་སློབ་དཔོན་དགའ་རབ་རྡོ་རྗེ་ཟག་ཕུང་མི་མངོན་པར་བྱས་ནས་མྱ་ངན་ལས་འདས་སོ།

ཞང་ཞུང་སྨར་གྱི་སྐད་དུ་ན། ཨཱི་ཐི་ཀུ་ཡིག་ཁྲི་རྩེ་ཨུ་པ་ཏན་ཏྲ་ཐད་དོ་ཅི། བོད་སྐད་དུ། རྫོགས་པ་ཆེན་པོ་བྱང་ཆུབ་སེམས་ཀྱི་གནད་བྱང༌། ཐིག་ལེ་ཉག་གཅིག་ཨེ་མ་ཧོ། །ཀུན་ཏུ་བཟང་པོ་རང་འབྱུང་རིག་པའི་ལྷ་ལ་ཕྱག་འཚལ་ལོ།།༡༽འདི་སྐད་བདག་གིས་བསྟན་པའི་དུས་ཅིག་ན། གནས་འོག་མིན་བོན་ཉིད་ཀྱི་དབྱིངས་ན། ༢༽ཡེ་ཉིད་ཀྱི་སྟོན་པ་ཀུན་ཏུ་བཟང་པོ། ཅིར་ཡང་མཚོན་དུ་དཀའ་སྟེ། གདོད་ནས་བརྗོད་མེད་ཆེན་པོར་བཞུགས་སོ། །དེའི་ངང་ལས། ཐུགས་རྗེའི་སྟོན་པ་ཀུན་ཏུ་བཟང་པོ། ཐུགས་རྗེ་ཀུན་ལ་སྙོམས་པར་བཞུགས་སོ། །ཐུགས་ཉིད་མ་གཡོས་པའི་ངང་ལས། །གཡོ་བ་ཡེ་ཤེས་ཀྱི་ཆོ་འཕྲུལ་དུ། །སེམས་ཅན་གཞན་ལ་ཚད་མེད་པའི་སྙིང་རྗེ་ཤར་རོ། །

༄༅།། །།སྟོན་པ་འཁོར་བ་ཀུན་དང་ཐུན་མོང་དང་དབྱེར་མེད་པའི་བླ་མ་བཀའ་དྲིན་ཅན་གྱི་ཞབས་ལ་གུས་པས་འདུད། མི་མགོན་གྱི་ས་བཅད་གཉིས་ཏེ། འཇུག་སྒོའི་ཡན་ལག་དང༌། འཇུག་ཡུལ་གྱི་ངོ་བོ་བསྟན་པའོ། དང་པོ་ལ་གསུམ་སྟེ། དད་མདུན་བསྐྱེད་པའི་ཡན་ལག་ཏུ་ཡོན་ཏན་དང༌། ཐ་སྙད་རྟོགས་པའི་ཡན་ལག་ཏུ་མཚན་དང༌། ཇི་ལྟར་འཇུག་པའི་ཡན་ལག་ཏུ་བཤད་ཐབས་བསྟན་པའོ། དང་པོ་ལ་གཉིས་ཏེ། དངོས་དང༌། བསྡུ་བའོ། དང་པོ་ལ་གསུམ་སྟེ།