དེ་ཡང་འཕགས་ཡུལ་ཧི་མ་ཅལ་གྱི་ཞིང་ཁམས་ཕུན་སུམ་ཚོགས་པའི་སྙིང་པོར་ཆེད་དུ་བཟོས་པ་ལྟ་བུ་ལྷ་དང་བཅས་པའི་འགྲོ་བ་མཐའ་དག་གིས་མཆོད་པའི་ཞིང་མཆོག ཚེ་འདི་དང་ཕྱི་མ་གཉིས་སུ་བདེ་དགེ་ལེགས་ཚོགས་ཐམས་ཅད་འབྱུང་བའི་རྩ་ལག་དམ་པར་གྱུར་པ་ྋསངས་རྒྱས་གཡུང་དྲུང་བོན་གྱི་བསྟན་པའི་གདུགས་དཀར་ནུབ་པ་མེད་པར་སྲིད་མཐར་སྒྲེང་བའི་བྱེད་པོྋདཔལ་གཤེན་བསྟན་སྨན་རིའི་གླིང་ཞེས་མཚན་སྙན་གྱི་གྲགས་པ་དཀར་པོ་འཛམ་གླིང་གོ་ལ་ཟླུམ་པོའི་ཡང་རྩེ་ན་ཐོལ་གྱིས་བརྒལ་བ་འདི་ཉིད་ཀྱི་ྋདཔལ་ལྡན་རྒྱལ་བ་སྨན་རི་བའི་མཁན་རབས་སོ་གསུམ་པ་ྋསྐྱབས་རྗེ་ཁྲི་འཛིན་རིན་པོ་ཆེ་ལུང་རྟོགས་བསྟན་པའི་ཉི་མ་དཔལ་བཟང་པོ་མཆོག་གིས་ཕྱི་ལོ་༡༩༦༩ནས་བཟུང་དགུང་གྲངས་བཅུ་ཕྲག་དུ་མར་སྐུ་ངལ་ཁྱད་དུ་བསད་དེ།

༄༅།། །།རྒྱལ་ཀུན་མཁྱེན་བརྩེའི་ཡེ་ཤེས་ཟག་མེད་བདེ་ཆེན་ལྷ་ལམ་ནས། །གང་འདུལ་དེར་སྟོན་སྣ་ཚོགས་སྤྲུལ་པའི་འོད་སྟོང་འཕྲོ་བ་ཡིས། །སྒྲིབ་གཉིས་མུན་སྟུག་རབ་གསལ་ཡང་དག་སྣང་བ་རྒྱས་མཛད་པ། །འཇིག་རྟེན་མིག་གྱུར་མཉམ་མེད་བླ་མས་དུས་ཀུན་བདེ་ལེགས་སྩོལ། །རྣམ་དག་ཞི་བའི་ངང་ཚུལ་ཀཻེ་ལ་ཤ་རིའི་སྤོར། །སྣ་ཚོགས་ཁྲོས་པའི་རོལ་གར་གདོང་ལྔའི་ངར་དབྱངས་ཀྱིས། །ལོག་བྱེད་བདུད་རིགས་གཉིས་འཐུང་ཚོགས་ཀྱིས་ཀླད་འགེམས་པ། །ཡི་དམ་རྒྱལ་བ་རྒྱ་མཚོའི་ཚོགས་དེར་ཕྱག་བགྱིའོ། །ཚད་མེད་སྙིང་རྗེའི་ཆུ་གཏེར་ལས་ཐོན་པའི། །འདོད་དགུ་དངོས་གྲུབ་སྤྲིན་གྱི་གཟེགས་མ་ཡིས། །དམ་ལྡན་གཤེན་གྱི་པད་ཚལ་སྐྱོང་མཛད་པ། །གནས་གསུམ་མཁའ་འགྲོའི་རྒྱ་མཚོས་འདིར་གཟིགས་ཤིག །

གཤེན་རྒྱལ་སྐུ་ལ་ཕྱག་འཚལ་ལོ། །བསྟན་དང་འགྲོ་ལ་ཕན་གདག་ཕྱིར། །སྐུ་གདུང་བཀོད་ལེགས་ཆགས་ཚད་བྲིས། །གཤེན་རབ་སྐུ་ཡི་ཚད་བཞེངས་པ། །བོན་ཉིད་ནམ་མཁའ་དབྱིངས་སུ་ཟླུམ་ཅེས་པས། །རྨེང་ནི་ནམ་མཁའི་དཀྱིལ་འཁོར་ཏེ། །ཟླུམ་པོ་ཡིན་པར་གསུངས་པའོ། །ཁྲུ་གང་ཞབས་སུ་རྨེང་གཞི་བཞག་ཅེས་པ་ནི། །ས་འོག་ཏུ་ཁྲུ་གང་སོགས་རྐོ་བའོ། །ཡར་ཀྱང་ཁྲུ་ཕྱེད་འཕགས་ཅེས་པ་ནི། །ཁྲུ་ཕྱེད་ལོག་ཆེ་ཆུང་གང་བཞེངས་དང་བསྟུན་པའོ། །དེའི་མཐར་ནས་ཀྱང་ཁྲུ་ཕྱེད་མཐོ་ཕྱེད་ལོག་ཆེ་ཆུང་གང་བཞེངས་དང་བསྟུན་པར་ནང་དུ་བསྐོར་ཏེ། །དེ་ནི་ད་ལྟ་བོད་ན་མ་དར་བའོ། །

༡༽རྒྱལ་ཀུན་འདུས་པའི་བདག་ཉིད་བྱིན་གྱིས་བརླབས་པའི་སྟོན་པ་དཔལ་ལྡན་དྲིན་ཅན་རྩ་བའི་བླ་མ་ཉིད་རྣམ་པ་ཀུན་བཟང་གཤེན་ལྷ་འོད་དཀར་གྱི་ཆ་ལུགས་སུ་བཞུགས་པ། དེ་ཡང་ལོངས་སྤྱོད་རྫོགས་སྐུའི་ཕྱག་རྒྱ་ཉེར་ལྔ།ཞི་བའི་རྒྱན་བཅུ་གསུམ།ཚངས་པའི་ཚུལ་དགུ། མཚན་བཟང་པོ་སུམ་ཅུ་རྩ་གཉིས།དཔེ་བྱད་བཟང་པོ་བརྒྱད་ཅུ།ངེས་པའི་ཐོ་ཡིག་བཞི་བཅུ།འོད་ཟེར་གྱི་ཕུང་པོ་བྱེ་བ་འཕྲོ་བའི་ཚུལ་དུ་བཞུགས་པ། ༡༽རྒྱལ་ཀུན་འདུས་པའི་བདག་ཉིད་བྱིན་གྱིས་བརླབས་པའི་སྟོན་པ་དཔལ་ལྡན་དྲིན་ཅན་རྩ་བའི་བླ་མ་ཉིད་རྣམ་པ་ཀུན་བཟང་གཤེན་ལྷ་འོད་དཀར་གྱི་ཆ་ལུགས་སུ་བཞུགས་པ། དེ་ཡང་ལོངས་སྤྱོད་རྫོགས་སྐུའི་ཕྱག་རྒྱ་ཉེར་ལྔ།ཞི་བའི་རྒྱན་བཅུ་གསུམ།ཚངས་པའི་ཚུལ་དགུ། མཚན་བཟང་པོ་སུམ་ཅུ་རྩ་གཉིས།དཔེ་བྱད་བཟང་པོ་བརྒྱད་ཅུ།ངེས་པའི་ཐོ་ཡིག་བཞི་བཅུ།འོད་ཟེར་གྱི་ཕུང་པོ་བྱེ་བ་འཕྲོ་བའི་ཚུལ་དུ་བཞུགས་པ།

བཤད་སྒྲུབ་མཁན་པོ་དགེ་བཤེས་ཉི་མ་དོན་འགྲུབ་ཀྱིས་མཛད། རིན་ཆེན་སྒྲོན་མ་འཁོར་བ་དོང་སྤྲུག་གི་མདོ་སྡེ་ཡན་ལག་བརྒྱད་པ་འདི་ཉིད་ཀྱི་བྱུང་ཁུངས་རིམ་པ་ཇི་ལྟར་ཡིན་ཞེ་ན།  དེ་ཡང་ཕུན་སུམ་ཚོགས་པ་ལྔ་དང་ལྡན་པའི་གླེང་གཞི་ཅན་ཡིན་ཏེ།  སྟོན་པ་ཕུན་སུམ་ཚོགས་པ་རྣམ་འདྲེན་བརྒྱད་པ་རྒྱལ་བ་གཤེན་རབ་མི་བོ་ཀུན་ལས་རྣམ་པར་རྒྱལ་བ་དེ་ཉིད་དོ།  སྟོན་པ་ཕུན་སུམ་ཚོགས་ཚུལ་ཇི་ལྟར་ཡིན་ཞེ་ན།  མི་མཇེད་སྟོང་གསུམ་འདུལ་བའི་སྟོན་པ་ཆེན་པ་དེ་ཉིད་ལ།  སྐུ་ཡི་ཆ་ནས་སྐུ་གསུམ་དང་སྐུ་ལྔ་ལྷུན་རྫོགས་སུ་གནས་པས་སྐུ་ཕུན་སུམ་ཚོགས་པ་ཡིན།  གསུང་གི་ཆ་ནས་རང་བཞིན་འགག་པ་མེད་པའི་གསུང་སྟེ་ཚངས་དབྱངས་ཡན་ལག་དྲུག་ཅུའི་རང་སྒྲ་འགག་མེད་དུ་སྒྲོགས་པས་གསུང་ཕུན་སུམ་ཚོགས་པ་ཡིན།  ཐུགས་ཀྱི་ཆ་ནས་མཁྱེན་པའི་ཡེ་ཤེས་བརྒྱད་ཁྲི་བཞི་སྟོང་འདུ་འབྲལ་མེད་པར་མི་ཟད་རྒྱན་གྱི་འཁོར་ལོར་གྲུབ་པས་ཐུགས་ཕུན་སུམ་ཚོགས་པ་ཡིན། 

རྩོམ་པ་པོ་ཨཅཱརྱ་གཟི་གཡང་། མི་སྣ་གྲགས་ཆེན་དེའི་སྐོར་ཤར་ནུབ་ཀྱི་མཁས་པ་མང་པོས་དཔྱད་རྩོམ་ལྷུག་པོར་བྲིས་གནང་ཡོད་པས། ངོས་རང་ནས་དེའི་སྐོར་སྔར་གྲགས་མ་མྱོང་བའི་གཏམ་གསར་པ་དམིགས་བསལ་བཤད་རྒྱུ་མེད་ཀྱང་། སྔ་ཕྱིའི་བྱུང་བ་ལ་ཕྱིར་འདང་རྒྱག་པར་སྤྲོ།  དེ་ཡང་དབྱིག་གཉེན་གྱི་དུས་རབས་ཀྱི་སྐོར་ལོ་རྒྱུས་སྨྲ་བ་མང་པོའི་བཞེད་པ་མི་མཐུན་པ་མང་པོ་སྣང་། སློབ་དཔོན་འདིའི་འཁྲུངས་ཡུལ་དང་འདས་ཡུལ། མངོན་མཛོད་རྩོམ་ཚུལ། མཁས་དབང་འདི་ལ་སྔ་ཕྱི་གཉིས་སུ་ཡོད་པའི་བཞེད་པ་མི་མཐུན་པ་སོགས་མང་པོ་མཆིས། འདིར་ས་བཅད་ལྔའི་ལམ་ནས་སློབ་དཔོན་གྲགས་ཆེན་དེའི་སྐོར་གླེང་བར་བྱ་རྒྱུ་ཡིན།

ཞང་ཞུང་གི་སྐད་དུ།  །གྱེར་ཞི་ཐ་ཚན་ཏི་ཀ་ཏན་ཏྲ་ད་དོད་ཅི།  །རྒྱ་གར་གྱི་སྐད་དུ།  །ཏིར་ཏི་ཀ་ཤན་ཏི།  །རྒྱལ་ནམ་པ་ལྡོང་གི་སྐད་དུ།  །ལྡན་ཏོ་དེ་བ་ཙེ།  །མེ་ཉག་གི་སྐད་དུ།  །མི་ལཱ་མུ་ཕེད།  །གེ་སར་གྱི་སྐད་དུ།  །རག་ཤའི་རྦེང་ཆིལ། །སུམ་པའི་སྐད་དུ། །ཁྲེ་ཟེ་ཉོ་པེ་ན།  །བོད་སྐད་དུ།  །བོན་ཐམས་ཅད་ཀྱི་ཡང་སྙིང།  །གཏན་ཚིགས་ངེས་པའི་གལ་མདོ།  །ཏན་ཏྲ་ཉི་མའི་འཁོར་ལོ་ཞེས་བྱ་བ། །གཤེན་རབ་སྟོན་པའི་སྐུ་ལ་ཕྱག་འཚལ་ལོ། །རེས་ཤིག་མཚོ་མུ་ལེ་ཏིང་འདུས་ཀྱི་འགྲམ། །གྲོང་ཁྱེར་རྒྱལ་བ་མཉེས་བྱེད་ཀྱི་དབུས། །ཤིང་ཨ་པར་ལྗོན་པའི་བསིལ།  །མཁར་ཟོ་བོ་ཁྱུང་རྩེ་ཞེས་བྱ་བ་ན།  །མཁས་པ་ཆེན་པོ་ད་མི་ཐད་གེ་ཞེས་བྱ་བ་བཞུགས་པ་ལ།  །གཤེན་མ་ངོར་པྲ་ཕུད་ཅེས་བྱ་བས།  །གཡུང་དྲུང་སེམས་ཀྱི་དོན་ཞུས་ཏེ། །དགེ་སྤྱོད་དང་དུ་བཞེས་ཤིང།  །གསང་སྤྱོད་མཐིལ་དུ་ཕབ་པས། །གྲུབ་པའི་མངའ་བསྙེམས་ཏེ།  །

ཞང་ཞུང་སྐད་དུ།  ཏ་རད་ཏ་བཅ་སྤུངས་ཀྱི་སྨྲ།  རྒྱ་ནག་སྐད་དུ།  ཏད་ཀྱ་’མ’ ”ལ”ཝ་རྦིངས། རྒྱ་གར་སྐད་དུ།  ཨུད་པ་དེ་ཤ་ཀ་ལ་པྲ་མ་རྦོམ།  བོད་སྐད་དུ།  མན་ངག་ལུང་གི་ཚད་མ།  རྟོག་པའི་དྲྭ་བ་སེལ་མཛད་པ།  ཀུན་མཁྱེན་དེ་ལ་ཕྱག་འཚལ་ལོ། ཟབ་མོ་ཆ་ཤས་བརྟག་དཀའ་བ།  ཚད་མས་གཏན་ལ་དབབ་པར་བྱ། སྐྱེས་བུ་མི་བསླུ་མ་འཁྲུལ་པ།  མངོན་གསུམ་པ་དང་རྗེས་སུ་དཔག།  དེ་ཡི་མ་འཁྲུལ་མི་བསླུ་བྱེད། འདི་དང་བོན་སྐུ་གཉིས་མེད་དེ།  འདུག་པ་ཐ་དད་མེད་པའི་ཕྱིར་རོ།  གལ་ཏེ་ཐ་དད་ཡོད་པ་ན།  སྣང་བ་འདི་ནི་ལོགས་ཤིག་གམ།  དེ་ལྟར་ཡིན་ན་སྟོང་པ་ཡི།  བཙལ་ཡང་རྙེད་པར་མི་འགྱུར་རོ།

༄༅།།  ཀ་པི་ལྷ་ཡི་སྐད་དུ།  ལྡན་ཏོ་དེ་བ་ཀ་ཀུ་ནང།  ཞང་ཞུང་གི་སྐད་དུ།  མང་བཱེར་ནེ་ར་ཨག་ཐེར་གྱིན།  ནམ་པ་ལྡོང་གི་སྐད་དུ།  ཨ་ཏི་ཧ་ར་མུ་བཱེ་རེ།  སྤུ་རྒྱལ་བོད་ཀྱི་སྐད་དུ།  བཀའ་ལུང་རིག་པ་འཇལ་བའི་ཚད་སྲང།  མན་ངག་གཏན་ཚིགས་རིགས་པའི་དངོས་གཞི།  ཤེས་རབ་རྣམ་པར་འབྱེད་པའི་ལྡེ་མིག་ཅེས་བྱ་བ།  ཐུགས་རྗེས་གཞེན་བཏབ་གསུང་གི་འོད་ཟེར་གྱིས།  འགྲོ་དམན་བློ་ཡི་མུན་པ་སེལ་མཛད་པ།  གཤེན་རབ་སྟོན་པའི་མཆོག་ལ་ཕྱག་འཚལ་ལོ།  མཁའ་ལ་ཉི་ཟླའི་འོད་ཤར་བས།  རིས་སྒྲིབ་མུན་པ་བསལ་བ་བཞིན། སྟོན་པའི་ཐུགས་ལས་འོད་ཤར་བས། རྨོངས་པ་བློ་ཡི་མུན་བསལ་ཕྱིར།  རྗེས་སུ་འཇུག་པའི་གཤེན་རབ་ལ། གོ་བར་བསྟན་གྱིས་འབྲེལ་བར་གྱིས།  འདི་ལ་ངང་གིས་གོམས་བྱས་ན།  རང་རིག་རང་ལ་འཆར་བར་འགྱུར།  རྣམ་འབྱེད་འཕྲུལ་གྱི་ལྡེ་མིག་འདི། 

རྩོམ་པ་པོ་གཟི་གཡང་། མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་གྱི་ལུགས་ལ།  བསྐལ་བཟང་སྒྲོན་མེའི་བསྐལ་པར་བྱོན་པའི་བསྐལ་པ་བཟང་པོའི་སངས་རྒྱས་སྟོང་དང་རྩ་གཉིས་ཀྱི་ནང་ནས་ཚེ་ལོ་འབུམ་པ་ནས་བཅུ་པའི་བར་གྱི་ཆེད་དུ་བྱ་བའི་གདུལ་བྱ་འདུལ་བའི་རྣམ་འདྲེན་གྱི་སྟོན་པ་དགུ་ལ་སྟོན་པ་རབ་དགུ་ཞེས་བརྗོད།   དེ་ཡང་སྣང་བ་རང་འབྱུང་ཐུགས་རྗེ་ཅན་ཚེ་ལོ་འབུམ་གྱི་སྟོན་པ།འཁོར་བ་ཀུན་འདྲེན་ཚེ་ལོ་བརྒྱད་ཁྲིའི་སྟོན་པ།ཀུན་ཤེས་ཉོན་མོངས་དུག་སྲེག་ཚེ་ལོ་དྲུག་ཁྲིའི་སྟོན་པ།ལེགས་པ་ཚད་མེད་ཐུགས་རྗེ་ཚེ་ལོ་བཞི་ཁྲིའི་སྟོན་པ།ཐམས་ཅད་མཁྱེན་གཟིགས་ཚེ་ལོ་ཉིས་ཁྲིའི་སྟོན་པ།བྱམས་པ་ཀུན་ཤེས་ཚེ་ལོ་གཅིག་ཁྲིའི་སྟོན་པ།གཏོ་རྒྱལ་ཡེ་མཁྱེན་ཚེ་ལོ་སྟོང་གི་སྟོན་པ། སྟོན་པ་གཤེན་རབ་ཚེ་ལོ་བརྒྱ་པའི་སྟོན་པ།འཆི་མེད་བྱམས་ལྡན་ཚེ་ལོ་བཅུ་པའི་སྟོན་པ་བཅས་སོ།དེའི་ནང་ནས་མི་མཇེད་སྟོང་གསུམ་གྱི་འཇིག་རྟེན་རྩོད་ལྡན་ཚེ་ལོ་བརྒྱ་པའི་སྙིགས་མ་ལྔ་བདོའི་དམུ་རྒོད་ཀྱི་འགྲོ་བ་རྣམས་འདུལ་བའི་རྣམ་འདྲེན་བརྒྱད་པ་ལ།  སྟོན་པ་གཤེན་རབ་མི་བོ་ཀུན་ལས་རྣམ་པར་རྒྱལ་བ་ཞེས་མཚན་གྱི་ཅོད་པན་དེ་ལྟར་གསོལ་བ་ཡིན།