ལ་ཡུལ་རྒྱལ་སར་རྟེན་གཞིར་བྱས་པའི་དོལ་པོ་སྐྱིད་སྡུག་མཉམ་སྦྲེལ་ཡར་རྒྱས་ཚོགས་པ་ནས་ཇི་ལྟར་གསོལ་འདེབས་ཞུས་པ་བཞིན་༧སྐྱབས་རྗེ་སྨན་རིའི་དཔོན་སློབ་རིན་པོ་ཆེ་སྐུ་འཁོར་བཅས་ཕྱི་ཚེས་ ༡༧ ཉིན་རྒྱལ་ས་ལྡི་ལི་ནས་མཁའ་ལམ་བརྒྱུད་བལ་ཡུལ་རྒྱལ་ས་ཀ་ཐཱ་མཎ་གྲུའི་རྒྱལ་སྤྱིའི་གནམ་ཐང་དུ་ཕེབས་འབྱོར་གྲུབ། དེར་སེ་སྟེང་ཤུག་ཚལ་དགོན་གྱི་མཁན་པོ་དགེ་བཤེས་ཉི་མ་ཀུན་ཁྱབ་རིན་པོ་ཆེ་མཆོག་དང་བལ་པོ་བ་ Dilli Pandey གཉིས་ནས་སྲིད་གཞུང་ལ་ཆོག་མཆན་ཞུས་པ་ལྟར་ཆེས་མཐོའི་མི་སྣ་ VIP ཕེབས་ལམ་བརྒྱུད་ནས་གདན་ཞུས་གནང།