གཏམ་བཟང་གསལ་བསྒྲགས།

IMG_8642༄༅། །འཛམ་གླིང་ཡུལ་གྲུ་གང་སར་བཞུགས་པའི་རང་ཅག་༸ཞྭ་དཀར་གཡུང་དྲུང་བོན་གྱི་རིང་ལུགས་འཛིན་པའི་བླ་སྤྲུལ་སྐྱེས་མཆོག་རྣམ་པ་དང་། མཐོ་རིམ་གནད་ཡོད་མི་སྣ་ལྷན་རྒྱས་སོགས་མདོར་ན་ཕྱོགས་དང་རིས་སུ་མ་ཆད་པའི་དད་ལྡན་སེར་སྐྱ་ཡོངས་ཀྱི་སྙན་དབང་དུ་ཁམས་བདེའི་འཚམས་འདྲི་ཞུ་བ་དང་བཅས་གཏམ་བཟང་གསལ་བསྒྲགས་ཞུ་རྒྱུར།

ཀུན་གྱིས་མཁྱེན་ཆུབ་བཞིན་དེང་ཡངས་པའི་འཇིག་རྟེན་ཁམས་འདིར་སྐྱེ་དགུ་ཕན་བདེའི་འབྱུང་གནས་བཤད་སྒྲུབ་གཉིས་ཀྱིས་བསྡུས་པའི་ལུང་རྟོགས་གཡུང་དྲུང་བོན་གྱི་བསྟན་པ་རིན་པོ་འདི་ཉིད་ཡར་ངོའི་ཟླ་བ་དང་། དབྱར་གྱི་རྒྱ་མཚོ་བཞིན་འཕེལ་ཞིང་རྒྱས་བཞིན་པ་ནི་༸རྗེ་རྒྱལ་བ་གཉིས་པ་མཉམ་མེད་སྨན་རི་བ་ཆེན་པོ་མཆོག་གི་འཇིག་རྟེན་སྙིང་རྗེས་རྗེས་སུ་བཟུང་ནས་སླར་ཡང་སངས་རྒྱས་མི་གཟུགས་སུ་བྱོན་པ་༸ཞྭ་དཀར་བསྟན་པའི་གཙུག་རྒྱན་སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་༣༣་ལུང་རྟོགས་བསྟན་པའི་ཉི་མ་རིན་པོ་ཆེ་མཆོག་གི་རླབས་ཆེན་གྱི་ཐུགས་སྟོབས་རྨད་དུ་བྱུང་བའི་མཐུ་ལས་བྱུང་བ་སོགས་མགོན་པོ་གང་ཉིད་ཀྱི་ཟབ་པ་དང་རྒྱ་ཆེ་བའི་རྣམ་པར་ཐར་པ་མཐའ་དག་སོ་སྐྱེའི་བློ་ཡིས་དཔོག་པར་མི་ནུས་པའི་ཚད་དུ་གྱུར་པ་ནི་སྨོས་ག་ལ་དགོས། དེས་ན་འཆར་ལོའི་ནང་༸དཔོན་གསས་བླ་མ་གང་ཉིད་བསྟན་དང་འགྲོ་བའི་དོན་དུ་སྐུ་སྐྱེ་བ་བཞེས་ནས་དགུང་གྲངས་དགུ་ཅུ་ཐམ་པ་འཁོར་བའི་དུས་ཚིགས་ཁྱད་པར་ཅན་ཁེལ་ཡོད་སྟབས། ༸དཔལ་ལྡན་བླ་མའི་སྐུ་ཚེ་བརྟན་ཅིང་མཛད་འཕྲིན་རྒྱས་པ་དང་། སྐྱབས་འོག་དད་འབངས་ལྷ་མི་སྡེ་དགོན་ཡོངས་རྫོགས་བདེ་སྐྱིད་ཕུན་སུམ་ཚོགས་པའི་བསྐལ་པ་བཟང་པོ་འདིར་མགོན་པོ་གང་གི་བསམ་གྱིས་མི་ཁྱབ་པའི་བཀའ་དྲིན་རྗེས་དྲན་དང་། རང་ཅག་རྣམས་ཀྱང་དགའ་བདེ་སྐྱིད་གསུམ་གྱི་དཔལ་ལ་འཚོ་བའི་ངོ་བོར་མཚོན་པའི་‘‘༸སྐྱབས་རྗེ་རྒྱལ་བ་སྨན་རི་བ་མཆོག་གི་གོ་སྟོན་’’རྒྱས་པ་ཞིག་གོ་སྒྲིག་ཞུ་རྒྱུ་ནི་ངེད་ཅག་སྐྱབས་འོག་པ་རྣམས་བསམ་འདུན་གཅིག་གྱུར་ཡིན་པ་མངོན་གསལ་དུ་གྱུར་མོད།

དེས་ན་ཉེ་ཆར་སྐྱོང་སྤྲུལ་རིན་པོ་ཆེས་ལམ་སྟོན་ལྟར་ཕྱི་ལོ་༢༠༡༧་ཟླ་༤་ཚེས་༡༢་དང་བོད་མེ་བྱ་ལོའི་ཟླ་༢་ཚེས་༡༥་༸རྒྱལ་བ་སྨན་རི་བའི་སྐུ་ཡི་བླ་གཟའི་ཉིན་འབྲེལ་ཡོད་༸དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་རྒྱུན་ལས་ཐུན་མོང་ནས་རྟེན་འབྲེལ་མཚོན་ཕྱིར་དཀར་གཙང་གི་མཇལ་དར་དང་ལྷ་རྫས་མེ་ཏོག་གི་མཆོད་པས་སྣ་དྲངས་ཏེ་༸སྐྱབས་རྗེ་མཆོག་ལ་དེ་ལྟར་དགུང་གྲངས་དགུ་ཅུའི་གོ་སྟོན་གོ་སྒྲིག་ཞུ་འཐུས་ཆོག་པ་ཇི་ལྟར་གསོལ་འདེབས་ཞུས་པ་བཞིན་བཀའ་ཁྲོལ་གསུང་གི་དབུགས་དབྱུང་དགྱེས་བསྩལ་གནང་བའི་གཏམ་བཟང་དེ་ཉིད་སྤྲོ་བ་ཆེན་པོས་ཕྱོགས་སུ་བཞུགས་པ་ཀུན་ལ་སྙན་གསན་ཞུ་རྒྱུ་དང་སྦྲག་འདི་ནས་ཀྱང་༸སྐྱབས་རྗེ་སྨན་རིའི་དཔོན་སློབ་འཕྲིན་ལས་ཉི་མ་རིན་པོ་ཆེ་དབུར་བཞུགས་ཐོག་བོན་གཞིས་ཐོབ་རྒྱལ་གསར་པའི་གཞིས་དགོན་གཉིས་ཀའི་ལས་ཀྱི་སྣེ་མོར་གཏོགས་པ་གཙོ་བོར་བྱས་ཏེ་གནད་ཡོད་མི་སྣ་རྣམས་ཆེད་སྐོང་གིས་བཀའ་བསྡུར་རིམ་པས་བྱས་ཏེ་༸དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱིས་གཙོ་འགན་བཞེས་རྒྱུའི་ཐོག་གོ་སྟོན་གོ་སྒྲིག་ཚོགས་ཆུང་བསྐོ་བཞག་བྱས་ཡོད་པ་མ་ཟད། འཆར་ལོ་སྟེ་སྤྱི་ལོ་༢༠༡༨་ཟླ་༤་ཚེས་༣་དང་བོད་ས་ཕོ་ཁྱི་ལོའི་ཟླ་༢་ཚེས་༡༨སྐུ་ཡི་བླ་གཟའ་དང་གཟའ་སྐར་འཕྲོ་སྦྱོར་ཤིན་ཏུ་ལེགས་པའི་ཉིན་དངོས་གཞིའི་བརྟན་བཞུགས་ཆེན་མོ་བསྟར་འབུལ་ཞུ་རྒྱུར་ཐུགས་གཏན་ཁེལ་ཡོད་པ་དང་། དེའི་སྔོན་དུ་བདུན་ཕྲག་གཅིག་ལྷག་རིང་སྐུ་ཕྱྭའི་ཞབས་རིམ་དང་དེ་བཞིན་རིག་འཛིན་འདུས་པའི་སྨན་སྒྲུབ་ཆེན་མོ་འཚོགས་རྒྱུ་དང་། རྗེས་སུའང་བྲོ་གླུ་གཞས་གསུམ་སོགས་གཏང་རག་གི་མཛད་སྒོ་ཟབ་རྒྱས་གོ་སྒྲིག་ཞུ་རྒྱུ་བཅས་ཞིབ་ཕྲའི་མཛད་རིམ་རྣམས་རིམ་བཞིན་ཞུ་རྒྱུ་ཡིན་པས་རང་ཅག་བོན་འབངས་སྤྱི་བོ་གནམ་བསྟན་ཡོངས་རྫོགས་དུས་ཚིགས་ཁྱད་པར་ཅན་གྱི་མཛད་སྒོ་འདིར་ས་ཐག་ཉེ་རིང་ལ་མ་ལྟོས་པར་ཉིན་བརྒྱ་དུས་གཅིག་ཏུ་༸འཛམ་གླིང་བོན་འབངས་ཡོངས་རྫོགས་ཀྱི་དབུ་ཁྲིད་བླ་ཆེན་༸སྐྱབས་རྗེ་རྒྱལ་བ་སྨན་རི་བ་མཆོག་གི་གོ་སྟོན་བསྲུང་བརྩི་མཉམ་ཞུ་ཐུབ་པའི་རེ་སྨོན་དང་བཅས་ཏེ།

༸སྐྱབས་རྗེ་རྒྱལ་བ་སྨན་རི་བ་མཆོོག་གི་གོ་སྟོན་གོ་སྒྲིག་ཚོགས་ཆུང་ནས།

ཕྱི་ལོ་༢༠༡༧་ཟླ་༥་ཚེས་༢་ཉིན་ཕུལ།

Announcement to celebrate the 90th Birth Anniversary of H.H. the 33rd Menri Trizin Rinpoche

To all the great Lamas and Tulkus, all the higher officials, and all the member of Yungdrung Bon communities around the world,

IMG_8643It is with immense pleasure to inform you that we have received the official consent on 12th April 2017 from His Holiness the 33rd Menri Trizin Lungtok Tenpei Nyima Rinpoche to organize the celebration of his 90th Birth Anniversary. In consecutive meetings of all the monastic executives, settlement officials and the H.E. Menri Ponlop Trinlay Nyima Rinpoche as the chairperson, a special organizing committee has been formed under the office of Yungdrung Bon Monastic Centre (Dolanji, Himachal Pradesh, India) to organize this historical event. Hence, the Organizing Committee is very delighted to announce the date, program and the venue to celebrate the 90th Birth Anniversary of His Holiness the 33rd Menri Trizin Rinpoche. To make this celebration a grand success and a historic event, the Organizing Committee would like to extend our cordial invitation to all the followers of Yungdrung Bon tradition on this earth, and we are hoping very much that all of you will join us not only to celebrate this auspicious day out of your devotion to His Holiness the Menri Trizin Rinpoche, but also to take part in this greatest opportunity to express your gratitude for his inexhaustible noble services for the preservation of Bon tradition and for his immeasurable love and kindness for the benefit of all sentient beings in general. The main event will celebrated on Tuesday, 3rd April 2018 at Menri Monastery in Dholanji (H.P. India) by offering a Mandala for Gratitude and Long Life. However, the program will begin before the main event with a week-long ritual for his well-being and a great blessing medicine ritual of the deity Rigzin Düpa. The program at the end will be concluded with various cultural performances and a banquet for all the participants. The details of the program will be announced in due course of time.

With warm regards,

Organizing Committee of 90th Birth Anniversary of His Holiness the 33rd Menri Trizin Rinpoche

02-05-2017

4,315 total views, 1 views today



མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།

གཡུང་དྲུང་བོན་གྱི་དྲྭ་རྒྱ་ངོ་སྤྲོད།

གཡུང་དྲུང་བོན་གྱི་དྲྭ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་ འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲྭ་ཚིགས་ཤིག་ཡིན།