གཡུང་དྲུང་བོན་གྱི་སྐོར་བགྲོ་གླེང་ཉིན་དྲུག་པའི་གནད་བསྡུས།

imageimage

ཕྱི་ཟླ་༦པའི་ཚེས་༡༣ཉིན་དྲུག་པའི་གཡུང་དྲུང་བོན་གྱི་སྐོར་བགྲོ་གླེང་སྨན་རིའི་དཔེ་མཛོད་ཁང་དུ་འཚོགས་ཡོད་པ་དང་། ཉིན་འདིའི་གསུང་བཤད་སློབ་དཔོན་བཀའ་རམས་པ་ཤེས་རབ་རྣམ་རྒྱལ་ཉིད་ནས་《དུས་རབས་ཉེར་གཅིག་པའི་ནང་གི་བོན་གྱི་གནས་བབས་དང་བོན་ཕྲུག་རྣམས་ཀྱི་འགན་འཁྲིའི་》སྐོར་ནས་གསུང་བཤད་གནང་ཡོད་པ་དང་།
གསུང་བཤད་སློབ་དཔོན་ཉིད་ནས་བོད་བཙན་པོའི་སྐབས་ཀྱི་བོན་གྱི་གནས་སྟངས་དང་། བོད་སིལ་བུའི་སྐབས་ཀྱི་གནས་སྟངས། བོད་བླ་མའི་དུས་སྐབས་ཀྱི་གནས་སྟངས་སོགས་དུས་རབས་མི་འདྲ་བ་གསུམ་གྱི་སྒོ་ནས་བོན་གྱི་གནས་སྟངས་གསུང་གླེང་གནང་བ་དང་།
ད་ལྟའི་བོན་ཕྲུག་རྣམས་ཀྱི་འགན་འཁྲི་ཐད་ནས་དེང་གི་ཆར་འཛམ་བུ་གླིང་ལ་ཁ་ཕྱོགས་ནས་རང་རིགས་ཀྱི་སྐད་དང་རིག་གཞུང་། གང་ཉིད་མོས་པའི་བསླབ་བྱའི་རིག་གཞུང་དེའི་སྟེང་ནས་ཆེ་ས་དང་ཆུང་སའི་གང་གི་ཆར་ཡང་བོན་གྱི་ཐུན་མོང་མ་ཡིན་པའི་ལྟ་གྲུབ་དང་། རིག་གཞུང་ཐ་སྙད་སོགས་ཧ་གོ་བར་བྱས་ནས། རང་ཉིད་གང་ལ་སོང་ཀྱང་། གང་ནས་བསྡད་ཀྱང་། སུ་གང་ལའང་འགྲེལ་བརྗོད་ཐུབ་པར་བྱེད་རྒྱུ་གལ་ཆེན་རང་བཞིན་ཅན་གྱི་གསུང་བཤད་ཀྱིས་མཇུག་གྲུབ་པར་བྱས་སོ།

imageimage

ཉིན་དྲུག་པའི་བགྲོ་གླེང་གཙོ་སྐྱོང་བ་སྤུ་བླ་ནམ་མཁའ་རྒྱལ་མཚན་ལགས་ནས་བགྲོ་གླེང་གཙོ་སྐྱོང་གནང་བཞིན་པ།

imageimage

བགྲོ་གླེང་ཚོགས་ཞུགས་པ་རྣམས་ཀྱིས་དོགས་དྲི་ཞུ་བཞིན་པ།

                                 གསར་འགོད་པ།་སྐྱིད་སྲས་དགེ་ལེགས་ཉི་མ།

479 total views, 1 views today



མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།

གཡུང་དྲུང་བོན་གྱི་དྲྭ་རྒྱ་ངོ་སྤྲོད།

གཡུང་དྲུང་བོན་གྱི་དྲྭ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་ འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲྭ་ཚིགས་ཤིག་ཡིན།