གཡུང་དྲུང་བོན་གྱི་ལུགས་སུ་བཀའ་རྟགས་ཀྱི་ཕྱག་རྒྱ་བཞི་ཡི་ངོས་འཛིན་དང་འགྲེལ་ཚུལ་བླ་ཆེན་དྲན་པ་ནམ་མཁའི་དགོངས་བཞེད་ཐུན་མོང་མ་ཡིན་པ་གཏན་ལ་འབེབས་ཏེ་ཕྱོགས་ཙམ་གླེང་བ།
རྩ་བའི་ས་བཅད་དང་པོ་རྒྱ་ཆེ་བ་ཐེག་པ་ཐུན་མོང་གི་ལུགས་དང་བསྟུན་ནས་སྤྱིར་བཀའ་རྟགས་ཀྱི་ཕྱག་རྒྱ་བཞི་ཡི་ངོས་འཛིན་གཏན་ལ་འབེབས་ཚུལ་དང་། རྩ་བའི་ས་བཅད་གཉིས་པ་ཐེག་པ་ཐུན་མོང་མ་ཡིན་པ་གཞི་ཡེ་གྲོལ་དུ་འདོད་པའི་རྫོགས་པ་ཆེན་པོ་ལ་གསུམ་དུ་བཤད་པའི་ནང་ཚན་གོལ་ས་ཤུགས་ལས་ཆོད་པར་འདོད་པའི་ལུགས་ཀྱི་བཀའ་རྟགས་ཀྱི་ཕྱག་རྒྱ་བཞི་བྱེ་བྲག་ཏུ་གཏན་ལ་འབེབས་ཏེ་ངོས་འཛིན་གནང་ཚུལ་དང་གཉིས་སོ། རྩ་བའི་ས་བཅད་དང་པོ་རྒྱ་ཆེ་བ་ནང་པའི་ཐེག་པ་རིམ་པ་དགུ་ཐུན་མོང་གི་ལུགས་ལྟར་ན། ལྟ་བ་བཀའ་རྟགས་ཀྱི་ཕྱག་རྒྱ་མདོ་བཞི། ཞེས་པ།