གཡུང་དྲུང་བོན་གྱི་དྲྭ་རྒྱ།

བོན་གྱི་དཔེ་རྙིང་<སྲིད་པ་ཡབ་བླ་བདལ་དྲུག་གི་ཕྱྭ་གཞུང་>དང་ <མུ་ཡེ་པྲ་ཕུད་ཕྱའི་མཐར་ཐུག>གཉིས་དབར་གྱི་དཔྱད་བསྡུར།

[ནང་དོན་གནད་བསྡུས།] གཤམ་གྱི་དཔྱད་རྩོམ་ནང་གི་བརྗོད་དོན་གཙོ་བོ་ནི་བོན་ཕྱོགས་ནས་ཕྱ་གཡང་གི་ གཞུང་ཆོག་འདྲ་མིན་གཉིས་ཀྱི་ནང་དོན་ངོ་སྤྲོད་དང་དེ་གཉིས་དབར་གྱི་ཁྱད་ཆོས་གཤིབ་བསྡུར་དང་འབྲེལ་ དེ་གཉིས་ནང་གི་གལ་གནད་ཅན་གྱི་ཚིག་བཤད་དུམ་ཚན་འགའ་འདིར་དྲངས་ནས་དེ་འབྲེལ་གྱི་ཁྱད་ཆོས་ གཞན་གྱི་གནད་དོན་སྐོར་གླེང་ཡོད། ཡང་ཕྱ་གཡང་གི་ཁྱད་ནུས་ཀྱིས་སྤྱི་ཚོགས་སུ་གོ་གནས་ཇི་ལྟར་བཟུང་ མིན་སོགས་ཀྱི་ཐད་ཞིབ་འབྲི་བྱས་པ་དང་། གནའ་བོའི་ཞང་བོད་ཀྱི་རིག་གནས་ཁྲོད་དུ་ཤྭ་བ་དང་གཡང་ མོ་ལུག་གཉིས་ཀྱིས་ཐོབ་ཐང་ཇི་ལྟར་བཟུང་བའི་གཡང་རྟེན་གྱི་ལམ་ལུགས་སྐོར་དང་། དེ་བཞིན་འགྲོ་བ་སོ་ སོའི་གཡང་རྟེན་གྱི་ཡོན་ཏན་སོགས་རྒྱས་བཤད་བྱས་ཡོད། [བརྡ་ཆད་གཙོ་བོ།] “ཡབ་བླ་བདལ་དྲུག་”དང་། “མུ་ཡེར་པྲ་ཕུད།” “ཤྭ་བ།” “ཤྭ་རུ།” “གཡང་མོ་ལུག” “ཕྱ་གླུད་”བཅས་སོ། །            

བདུད་འདུལ་གེ་ཁོད་ཀྱི་ལྷ་བསང་དཀར་པོའམ་དགེ་རྒོད་དགེར་བསོལ་ཞེས་པའི་དཔེ་རྙིང་གི་སྐོར།

     རུ་ཐོག་ཏུ་བཞུགས་པའི་གྱེར་ཁོད་ལྷ་བསང་ངམ་དགེ་ཁོད་སྒེར་གསོལ་གྱི་དཔེ་ཆ། དཔེ་ཆ་འདིའི་སྐོར་༢༠༡༨ལོར་འཚོགས་པའི་ལྷ་སར་རྒྱལ་སྤྱིའི་ཞང་ཞུང་རིག་གནས་སྐབས་དང་པོའི་བགྲོ་གླེང་སྐབས་སུ་མངའ་རིས་སྨན་རྩིས་ཁང་གི་རྒན་ལྡན་མཆོག་དབང་གསལ་མཆོག་གིས་སྒྲོགས་སྦྱང་གནང་ཚར་བས་དམིགས་གསལ་གང་ཡང་ཞུ་རྒྱུ་མེད་མོད། འདིར་སྟབས་བདེའི་མཚམས་སྦྱོར་རོབ་ཙམ་བྱས་ཏེ་དྲ་ལམ་དུ་སྤེལ་འདོད་བྱུང་བས་ཅུང་ཙམ་གླེང་ནས་བསམ།། དང་པོ་ལོ་རྒྱུས་ཀྱི་རྒྱབ་ལྗོངས། སྤྱིར་རུ་ཐོག་གི་ཡུལ་འདིར་གནའ་བོའི་ཞང་ཞུང་གི་སྐབས་སུ་ཞང་ཞུང་ཁ་རག་གི་ཡུལ་ཁོངས་སུ་བརྩི་ཆོག་སྙམ་ཞིང་དེ་བཞིན་གངས་རི་དཀར་ཆག་ཚངས་དབྱངས་ཡིད་འཕྲོག་ལས།དེ་ལྟར་དུའང་གཡུང་དྲུང་ཚུལ་ཁྲིམས་ཀྱི་སློབ་མ།དྲང་སྲོང་གཙུག་ཕུད་རྒྱལ་བ་ཞེས་བྱ་བ་དེས།ཞང་ཞུང་རུ་ཐོག་གི་ཡུལ་གསང་བྲག་གཡུང་དྲུང་གཏམས་པའི་ཚལ་དུའང་།དགྲ་བཅོམ་གཡུང་དྲུང་སེམས་དཔའི་འདུས་སྡེ་སྟོང་ཕྲག་དུ་མ་རུ་བསྟན་པ་སྤེལ་ལོ།དེའི་དུས་སུའང་ཞབས་ནས་འདེགས་པའི་རྒྱལ་པོ།ཞང་ཞུང་རུ་ཐོག་གནམ་རྫོང་མཁར་ཞེས་བྱ་བ་དེ་རུ།མུ་མར་ཐོག་རྒོད་རྒྱལ་པོ་ཨེནྟ་འོད་ཀྱི་བྱ་རུ་ཅན་ཉིད་དོ།ཞེས་གསུངས་པས་ཞང་ཞུང་གི་མཁན་རྒྱུད་གཡུང་དྲུང་ཚུལ་ཁྲིམས་ཀྱི་སློབ་མ་དྲང་སྲོང་གཙུག་ཕུད་རྒྱལ་བའི་བོན་བསྟན་སྤེལ་གནས་ཤིག་དང་། གྲགས་ཆེ་བའི་ཞང་ཞུང་གི་རྒྱལ་པོ་བྱ་རུ་ཅན་གྱི་རྒྱལ་པོ་བཅོ་བརྒྱད་ཀྱི་ནང་ཚན་མུ་མར་ཐོག་རྒོད་རྒྱལ་པོ་ཨེནྟ་འོད་ཀྱི་བྱ་རུ་ཅན་ཁོང་གི་དམིགས་གསལ་གྱི་གནས་ཡུལ་ཞིག་ཡིན་ཞིང་།ཞང་ཞུང་དབུས་ཀྱི་མཁར་ལྔའི་ནང་ཚན་བྱང་གི་ལ་ཤང་གཡུ་ལོ་མཁར།བྱང་གི་ར་བཞིའི་མཁར།རུ་ཐོག་སེང་གེ་གནམ་རྫོང་སོགས་ས་གནས་དེར་ཡོད། དེ་བཞིན་ཞང་ཞུང་མེ་རིའི་རྒྱུད་ལས།  འཕྲིན་ལས་རྣམ་བཞི་རྫོགས་པའི་ལྷ།   ཁྲོ་བོ་དབལ་ཆེན་གེ་ཁོད་བྱུང་།      དེ་ནས་སྐུ་གསུམ་ཐུགས་ཀྱི་འོད་ཟེར་ལས།  ཞེས་དང།  དེ་ལ་ཐུགས་རྗེ་ཤར་བ་ནི།  རི་རབ་ལྷུན་པོའི་ནུབ་ཕྱོགས་སུ།  རུ་ཐོག་དབལ་གྱི་རི་ལ་འཕྲོས།  འོད་ཟེར་དཀར་དམར་གཉིས་སུ་འཁྱིལ།  དེ་ལ་ལྷ་ཆེན་ཀུན་ཐོག་རིང་ནམ་དང་།  ཡུམ་ཆེན་ཤེལ་ཟ་འཕྲུལ་ཏིང་གཉིས།  གདུལ་བྱ་འདུལ་བར་བཤོས་པ་ལས།  བདུད་འདུལ་དབལ་ཆེན་གེ་ཁོད་བྱུང་།   ཞེས་དང་།  བསྐང་བ་ལས།རུ་ཐོག་རི་ཡི་རྩེ་མོ་ན།  ལྷ་ཆེན་ཀུན་ཐོག་རིང་ནམ་དང་།  ཤེལ་ཟ་འཕྲུལ་ཆེམ་བཤོས་པ་ལས།   གེ་ཁོད་དབུ་གསུམ་ཕྱག་དྲུག་སྤྲུལ།  ཞེས་རུ་ཐོག་ཏུ་ཡོད་པར་གསུངས་པའི་གེ་ཁོད་ལྷ་རིགས་སུམ་བརྒྱ་དྲུག་ཅུའི་གྲོལ་ཕུག་ཡི་དམ་དབལ་ཆེན་གེ་ཁོད་ཀྱི་ཡབ་ལྷ་ཆེན་ཀུན་ཐོག་རིང་ནམ་གྱི་གནས་ནི་བརྒྱ་ཡབ་དང་།  ཡུམ་ཤེལ་ཟ་འཕྲུལ་ཏིང་གི་གནས་བརྒྱ་ཡུམ་གྱི་གནས་སུ་ངོས་འཛིན་བྱེད་ལ། བརྒྱ་ཡབ་ནི་ཞང་ཞུང་གི་ཚལ་ཆེན་བཞི་ཡི་ནང་ཚན་བྱང་རྒྱར་ཡིབ་ཚལ་དང་།  བརྒྱ་ཡུམ་ཞེས་པའི་ཉེ་སར་བྱང་ར་བཞིའི་མཁར་ཡོད།   སྲས་སྐུ་བླ་དབལ་ཆེན་གེ་ཁོད་ཀྱི་གནས་རུ་ཐོག་གེ་ཁོད་གཉན་ལུང་གངས་དང་། ཞང་ཞུང་མཚོ་བཞིའི་ཡ་གྱལ་རུ་ཐོག་མཚོ་མོ་ངང་ལ་རིང་མོའམ་ཟོམ་ཤང་ལྕགས་མཚོ།ཏིང་བྲག་ཆེན་པོའི་ཚལ་རུ་ཐོག་ཁྱུང་རྫོང་བྲག རུ་ཐོག་གངས་དཀར་རྩེ་ནི་གེ་ཁོད་ཐིས་དཀར་དང་།རུ་ཐོག་གཉན་དམར་རྫོང་ནི་གེ་ཁོད་ཐིས་དམར།    རུ་ཐོག་གཉན་ཕུག་རྫོང་ནི་གེ་ཁོད་ཐིས་ནག་གི་གནས་སོགས་དང་། སྲིད་པ་རྒྱུད་ཀྱི་ཁ་བྱང་ཆེན་མོ་ལས།   གེ་ཁོད་གཉན་ལུང་རོང་ན་ཁྲི་ཚོ་གཅིག་དང་སྟོང་ཕྲག་གཉིས་ཐར་ལམ་ཡོད།  ཅེས་སྤས་ཡུལ་ཡོད་པར་གསུངས་ཤིང་དེ་བཞིན་མ་འོངས་ལུང་ཡིག་སོགས་བོན་དཔེ་ཆ་འགའ་ཞིག་ལས་གནས་འདིར་སྦས་ཡུལ་ཡོད་པའི་སྐོར་གསལ་བས་མདོར་ན་ཞང་ཞུང་སེམས་སྡེ་སྙན་རྒྱུད།  སྔགས་སྡེ་མེ་རི་གེ་ཁོད་ཀྱི་སྒྲུབ་གནས་དང་འདུས་སྡེ་མང་པོ་ཡོད་ངེས་མོད་ས་གནས་རེ་རེ་བཞིན་ཏུ་ཚང་མ་ངོས་འཛིན་བྱེད་པར་ཅུང་དཀའ་བའི་གནས་སུ་གྱུར་ཡོད།།

གནའ་རབས་བོན་གྱི་དཔེ་དཀོན་བྲིས་མ་དཔེ་སྐྲུན་འགྲེམས་སྤེལ་དང་དེའི་དཀར་ཆག་ཆ་ཚང་།

ཉེ་སྔོན། བོད་ཀྱི་གནའ་དཔེ་ཕྱོགས་བསྒྲིགས་དཔེ་ཚོགས《གནའ་རབས་བོན་གྱི་དཔེ་དཀོན་བྲིས་མ》ཞེས་པ་དེབ་ཕྲེང་བཅུའི་བདག་ཉིད་ཅན་དེ་མཚོ་སྔོན་མི་རིགས་དཔེ་སྐྲུན་ཁང་གིས་པར་སྐྲུན་འགྲེམས་སྤེལ་བྱས།  ཡིག་རྙིང་དཔེ་ཚོགས་འདི་ནི་ཀྲུང་དབྱང་མི་རིགས་སློབ་ཆེན་གྱི་དགེ་རྒན་ཆེན་མོ་སྟོང་སྐོར་ཚེ་རིང་ཐར་དང་ལན་གྲུའུ་སློབ་ཆེན་གྱི་དགེ་རྒན་ཆེན་མོ་ངག་དབང་རྒྱ་མཚོ་གཉིས་ཀྱིས་གཙོ་སྒྲིག་བྱས་ནས་གྲུབ་པ་ཞིག་ཡིན། འདི་ནི་རྒྱལ་ཁབ་ཀྱི“ལོ་ལྔའི་འཆར་གཞི་ཐེངས་བཅུ་གཉིས་པའི”གྲངས་ཉུང་མི་རིགས་ཀྱི་སྐད་དང་ཡི་གེའི་པར་སྐྲུན་འཆར་འགོད་ལས་གཞི་དང་།  གྲངས་ཉུང་མི་རིགས་ཡིག་རིགས་པར་སྐྲུན་ཆེད་སྤྱོད་རོགས་དངུལ་ལས་གཞི། ཀྲུང་དབྱང་མི་རིགས་སློབ་ཆེན་གྱི2011ལོའི་གལ་ཆེའི་རྨང་གཞིའི་ཚན་ཞིབ་ལས་གཞི་བཅས་ཡིན་ནོ། །

བོན་གྱི་དཔེ་རྙིང་ལྟ་བའི་ཕྱོགས་སོ་ཞེས་པ་མཚམས་སྦྱོར་ཙམ་ཞུ་བའི་སྐོར།

དེ་ཡང་འཛམ་གླིང་ཤར་ནུབ་ཀྱི་“རིག་གནས་ཀྱི་ཁྲམ་པ”མང་པོའི་གཡོ་ཟོལ་དང་རྐུ་འཕྲོག་ལ་བརྟེན་ནས་བོད་ཀྱི་དཔེ་རྙིང་རྩ་ཆེན་པོ་མང་ཤོས་ཤིག་མེད་བརླག་ཏུ་འགྲོ་བའི་ཉེན་ཁ་ཧ་ཅང་ཚབས་ཆེ་བ་ཞིག་རེད། དཔེར་ན་རྒྱལ་རོང་ཁོག་ནས་ཕྱི་གླིང་བ་ཞིག་གིས་བོན་གྱི་དཔེ་རྙིང་ཤིག་ཀྲུང་སྒོར་ཁྲི་བརྒྱ་ལྷག་གིས་ཉོས་ནས་ཕྱིན་སོང་བའི་གནས་ཚུལ་ཡོད་པ་དང་འདིས་དཔལ་འབྱོར་ལ་བརྟེན་ནས་བོད་ཀྱི་གནའ་དཔེ་མེད་བརླག་ཏུ་འགྲོ་བའི་ངོ་བོ་མཚོན་ནུས་པ་དང་།

དྲི་མེད་གཟི་བརྗིད། སྨན་རིའི་གླིང་ནས་དེབ་གཟུགས་སུ་དཔར་བསྐྲུན་བྱས་པ། (པོད་བཅུ་གཉིས།)

དཔེ་སྐྲུན་གསལ་བཤད། དེ་ཡང་གངས་ཅན་ལྗོངས་ཞེས་ཕྱི་ཡི་བཀོད་པ་ཕུན་སུམ་ཚོགས་པ་ནང་གི་རིག་གཞུང་ཁྱད་དུ་འཕགས་པ་བོད་མགོ་ནག་འཕྲེང་བཟུང་ཚང་གི་རིག་གཞུང་གི་སྲོལ་བཏོད་མཁན་ཐར་ལམ་གྱི་བྱེད་པོ་བོད་ཡུལ་མུན་པའི་གླིང་ན་བྱམས་སེམས་ཀྱི་རྩ་བ་བཙུགས་ཤེས་རིག་གི་སྒྲོན་མེ་སྤར་མཁན་ཞེས་སྤོབས་བའི་ང་རོ་ཕྱི་ནང་གང་ནས་སྒྲོག་ཅིང་དཔའ་ངར་གྱི་མགོ་བོ་སྨད་དོན་མེད་པའི་ངེས་དོན་གྱི་བོད་ལ་བཀའ་དྲིན་ཅན་རྣམ་འདྲེན་བརྒྱད་པ་༧རྒྱལ་བ་གཤེན་རབ་མི་བོ་ཀུན་ལས་རྣམ་པར་རྒྱལ་བ་ཁོང་ཉིད་ཀྱིས་སྔོན་སློབ་པ་ལམ་གྱི་སྐབས་སུ་སེམས་བསྐྱེད་དང་སྨོན་ལམ་རླབས་པོ་ཆེའི་མཐུ་དཔལ་ལས་མངོན་སངས་རྒྱས་པའི་དུས་རྟིང་ལ་གདུལ་དཀའི་སེམས་ཅན་འདུལ་བའི་དོན་དུ་འགྲོ་བ་རང་མཐུན་གྱི་ཆ་ལུགས་སུ་ཡུལ་རྟག་གཟིགས་འོལ་མོ་ལུང་རིང་དུ་ཡབ་རྒྱལ་བོན་ཐོད་དཀར་གྱི་སྲས་སུ་སྐྱེ་བ་བཞེས།

ཀན་སུའུ་འབྲུག་ཆུའི་བོན་གྱི་དཔེ་རྙིང་གི་ཡུལ་དངོས་རྟོག་ཞིབ་དང་ཞིབ་བསྡུར་ཚོགས་འདུ།

ཕྱི་ལོ་༢༠༡༦ལོའི་ཟླ༧ཚེས་༡༢ནས་༡༤བར་ཀན་ལྷོ་ཉིན་རེའི་ཚགས་པར་ཁང་གིས་ཀན་སུའུ་འབྲུག་ཆུའི་བོན་གྱི་དཔེ་རྙིང་གི་ཡུལ་དངོས་རྟོག་ཞིབ་དང་ཞིབ་བསྡུར་ཚོགས་འདུ་གཙོ་སྒྲུབ་གནང་ཞིང་། བྱ་འགུལ་དེར་ཀྲུང་དབྱང་མི་རིགས་སློབ་ཆེན་གྱི་དགེ་རྒན་ཆེན་མོ་ཚེ་རིང་ཐར་དང་བོད་ལྗོངས་སྤྱི་ཚོགས་ཚན་རིག་ཁང་གི་དོན་གྲུབ་ལྷ་རྒྱལ། ལན་གྲུ་སློབ་ཆེན་གྱི་དགེ་རྒན་ཆེན་མོ་ཆོས་འཕེལ། ནུབ་བྱང་མི་རིགས་སློབ་ཆེན་གྱི་དགེ་རྒན་ཆེན་མོ་བཀྲ་ཤིས་ཚེ་རིང་། ལྷོ་ནུབ་མི་རིགས་སློབ་ཆེན་གྱི་ལྷོ་ནུབ་མི་རིགས་ཞིབ་འཇུག་ཁང་གི་ཞིབ་འཇུག་པ་ཐོགས་མེད།

བསྟན་པ་བོན་གྱི་ཀླད་དོན་དཔར་དུ་བསྐྲུན་པ།

བསྟན་པ་བོན་གྱི་ཀླད་དོན་གྱི་མཛད་པ་པོ་ལུང་རིགས་སྨྲ་བའི་དབང་ཕྱུག་སྒ་རིགས་ཀྱི་སྟོན་པ་ཚུལ་ཁྲིམས་རྒྱལ་མཚན་མཆོག་ནི། བོད་ས་ཁྱི་ཕྱི་ལོ་༼༡༢༣༨༽༡ལོར་ཤར་ཕྱོགས་རྒྱལ་མོ་རོང་གི་ས་གནས་ཆུ་ཆེན་དུ་ཡབ་གེ་ཁོད་བྱ་བའི་སྲས་སུ་འཁྲུངས། སྐུ་ན་ཆུང་ངུའི་སྐབས་སུའང་ཐུགས་རིག་གཞན་དང་མི་འདྲ་བའི་རྟགས་སུ། ཤིག་ལ་སྤུ་དང་སོ་སེན་ཡོད་པ་དང༌། སྲོ་མ་ལ་ཁ་མིག་དོད་པ། སྤུ་དཀར་ནག་ལ་ཁོང་གསེང་དང་སྦུ་གུ་ཡོད་པ་སོགས་ཆུ་བུར་མིག་ཤེས་ཀྱིས་སྤྱོད་ཡུལ་དུ་གྱུར་མི་ནུས་པའི་ཕྲ་བའི་འདུས་བྱས་ཀྱི་བོན་མང་པོ་ཞིག་མངོན་སུམ་དུ་གཟིཊ་པར་གྲགས།

སྨན་རིའི་དཔེ་རྙིང་འཚོལ་སྒྲུབ་ཁང་ནས་དཔར་བསྐྲུན་ཞུས་པའི་དཔེ་རྙིང་ཞིག

ཉེ་བའི་ལོ་ཤས་རིང་བོད་སྟོད་སྨད་དང་ཕྱི་རྒྱལ་ཡུལ་གྲུ་ཁག་སོགས་ན་གནའ་བོའི་བོན་གྱི་ཡིག་རྙིང་མང་པོ་ཐོན་བཞིན་ཡོད་པ་མ་ཟད་དེ་ལ་ཞིབ་འཇུག་དང་སློབ་གཉེར་བྱེད་མཁན་ཡང་མང་པོ་ཐོན་བཞིན་ཡོད་པ་ནི་མངོན་གསལ་དོད་པོ་ལྟ་བུ་རེད། དེས་ན་འདིར་ཡང་སྨན་རིའི་སློབ་གཉེར་པ་ཁག་གཅིག་གིས་ཡིག་རྙིང་འཚོལ་སྒྲུབ་ཀྱི་ལས་དོན་ཞིག་གསར་དུ་བཙུགས་ནས་དེ་སྔ་དཔར་བསྐྲུན་ཞུས་མེད་པའི་ཡིག་རྙིང་གལ་ཆེན་ཁག་གཅིག་མུ་མཐུད་ནས་རྒྱ་ཆེའི་བོད་རིག་པའི་སློབ་གཉེར་པ་རྣམས་ཀྱི་སྤྱན་ལམ་དུ་འབུལ་འཆར་ཡིན།

སངས་རྒྱས་གཡུང་དྲུང་བོན་གྱི་བཀའ་འགྱུར་ཆེན་མོའི་གལ་ཆེའི་གསལ་བརྡ།

ཧོར་ཡུལ་སྦྲ་ཆེན་བོན་གྱི་རྒྱལ་ཁམས་སུ་མཚན་དཔེའི་མེ་ཏོག་བཞད་པའི་ཀླུ་ཕུག་དགོན་གཡུང་དྲུང་བདེ་ཆེན་གླིང་གི་བླ་མ་མཆོག་སྤྲུལ་ལུང་རིག་ཀུན་གསལ་སྙིང་པོ་རིན་པོ་ཆེ་མཆོག་གིས་སྤྱི་ལོ་༢༠༡༠་ལོར་འགོ་རྩོམ་སྟེ་བགྲང་བྱ་ལོ་ངོ་ལྔ་ཡི་རིང་ལ་མི་རྒྱུ་གཉིས་ཀྱི་འགྲོ་སོང་རླབས་ཆེན་བཏང་གནང་བའི་ཕྱག་རྗེས་སུ་སངས་རྒྱས་གཡུང་དྲུང་བོན་གྱི་རྒྱལ་བའི་བཀའ་འགྱུར་རིན་པོ་ཆེ་དངོས་སུ་དེབ་གཟུགས་སུ་པར་བསྐྲུན་མཛད་པའི་བཀའ་དེབ་དང་པོ་གཡུང་དྲུང་ལས་རྣམ་པར་དག་པའི་རྒྱུད་ཀྱི་དབུ་འབྱེད་སྤྱི་ལོ་༢༠༡༥ལོར་སྤྱི་ཟླ་༩་༣ཉིན་དཔལ་ཤར་རྫ་རི་ཁྲོད་དུ་ཐེངས་གསུམ་པའི་གཡུང་དྲུང་བོན་གྱི་མཉམ་འབྲེལ་ལྷན་ཚོགས་སྐབས་སུ་གནང་བ་དང་འབྲེལ།

བོན་པོའི་ཡིག་རྙིང་ཁག་མྱུར་སྐྱོབ་བྱེད་རྒྱུའི་རེ་འབོད།

བོན་ཆོས་རིག་གནས་ནི་བོད་མི་རིགས་ཀྱི་གནའ་བོའི་རིག་གནས་གསོན་པོ་ཞིག་ཡིན་ཞིང་། དེང་སྐབས་བོན་གྱི་ཆོ་ག་དང་ཡིག་ཆའི་ནང་དོན་ལ་བྱང་ཆ་ལྡན་པའི་དམངས་ཁྲོད་ཀྱི་དབོན་ནམ་ལེའུའི་དགུང་ལོ་མཐོ་བའི་དབང་གིས། ཡིག་ཆ་དང་ཆོ་གའི་རྒྱུད་འཛིན་གྱི་ཐད་ནས་རབས་ཆད་པའི་ཉེན་གནས་སུ་གྱུར་ཡོད་པས། ཡིག་རྙིང་དང་ཆོ་ག་འདི་དག་མྱུར་སྐྱོབ་རང་བཞིན་གྱིས་བསྔོག་འདོན་དང་ལེགས་སྒྲིག་ཞིབ་འཇུག་བྱ་རྒྱུ་ནི་རྒྱལ་ནང་གི་བོད་རིག་པའི་གར་སྟེགས་ཀྱི་རིག་གཞུང་གི་ལས་འགན་ཆེན་པོ་ཞིག་ཏུ་གྱུར་ཡོད།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།

གཡུང་དྲུང་བོན་གྱི་དྲ་རྒྱ་ངོ་སྤྲོད།

གཡུང་དྲུང་བོན་གྱི་དྲ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲ་ཚིགས་ཤིག་ཡིན།

གཡུང་དྲུང་བོན་གྱི་དྲྭ་རྒྱའི་ངོ་སྤྲོད།