གཡུང་དྲུང་བོན་གྱི་དྲྭ་རྒྱ།

གཡུང་དྲུང་བོན་གྱི་སྨོན་ལམ་ཚིག་མཛོད་རྩོམ་སྒྲིག་ཚན་ཆུང་གི་ལོ་ངོ་དགུའི་རིང་གི་རྩོམ་སྒྲིག་བྱ་བའི་སྐོར་གྱི་ངོ་སྤྲོད་རགས་བསྡུས།

རྩོམ་སྒྲིག་ཁང་འདི་ཉིད་ཐོག་མར་༸ཞྭ་དཀར་བསྟན་པའི་གཙུག་རྒྱན་༸སྐྱབས་རྗེ་རྒྱལ་བ་སྨན་རིའི་ཁྲི་འཛིན་སོ་གསུམ་པ་ལུང་རྟོགས་བསྟན་པའི་ཉི་མ་རིན་པོ་ཆེ་མཆོག་ནས་དགོངས་གཞི་ཆེར་བསྐྱེད་ཀྱི་ཐོག་ནས་གསར་བཙུགས་མཛད་གནང་བ་ཞིག་ཡིན། དེ་ཡང་བོད་ཡིག་ཡིག་གཟུགས་སོགས་ཀྱི་རྩིས་འཁོར་མཉེན་ཆས་ཆེད་ལས་པ་སེར་སྨད་དགེ་བཤེས་བློ་བཟང་སྨོན་ལམ་ལགས་ཀྱིས་ཆེད་གཉེར་གནང་བའི་སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་དང་རིས་མེད་བོད་ཀྱི་ཆོས་བརྒྱུད་ཁག་གི་རྩོམ་སྒྲིག་མི་སྣས་མཉམ་ལས་ཐོག་གཉེར་བའི་<<སྨོན་ལམ་བོད་ཀྱི་ཀུན་བཏུས་ཚིག་མཛོད་ཆེན་མོའི་>>རྩོམ་སྒྲིག་སྡེ་ཁག་གི་གྲས་སུ་བོན་གྱི་རྩོམ་སྒྲིག་ཁང་གཅིག་པུ་དེ་ཆགས་ཡོད།  སྤྱིར་རྩ་བའི་ཚིག་མཛོད་ཆེན་མོ་འདི་ཉིད་ལ་ཆོས་བརྒྱུད་ཁག་གིས་གཙོས་པའི་རྩོམ་སྒྲིག་སྡེ་ཁག་ཉི་ཤུ་མ་ཟིན་ཙམ་ཆེད་འཛུགས་གནང་ཡོད་ལ། རྩོམ་སྒྲིག་མི་སྣ་བརྒྱ་ལྷག་གིས་ཐ་སྙད་རྩོམ་སྒྲིག་བྱེད་བཞིན་ཡོད། བོན་གྱི་རྩོམ་སྒྲིག་མི་སྣ་ལ་༸སྐྱབས་རྗེ་སྨན་རིའི་ཁྲི་འཛིན་སོ་གསུམ་པ་མཆོག་ནས་བསྐོས་མངག་མཛད་གནང་བ་མི་གྲངས་བཞི་སྟེ། ཚ་རོང་སྐལ་བཟང་ཕུན་ཚོགས་དང་། འགོ་པ་གཡུང་དྲུང་ཡོན་ཏན། བྱ་རྒོད་འཆི་མེད་གཡུང་དྲུང་། ཟིང་ཆུ་བློ་གྲོས་བསྟན་དར་རྣམས་ཡིན།

སྐབས་དང་པོའི་བོད་ལྗོངས་ལྷ་ས་མངའ་རིས་ཞང་ཞུང་རིག་གནས་རྒྱལ་སྤྱིའི་རིག་གཞུང་དཔྱད་གླེང་ཚོགས་འདུའི་དཔྱད་རྩོམ་བསྡུ་ལེན་གྱི་བརྡ་ཐོ།

བོད་འདི་ཉིད་ཀྲུང་གོའི་ནུབ་རྒྱུད་དང་། དེའི་ལོ་རྒྱུས་རིག་གནས་རྒྱུན་འཛིན་འཕེལ་རྒྱས་ནི་རྒྱལ་ཁབ་ཕྱི་ནང་གི་དོ་ཁུར་བྱེད་ས་གཙོ་བོ་ཞིག་ཡིན། དེ་སྔ་མཚོ་བོད་མཐོ་སྒང་དུ་དར་རྒྱས་བྱུང་མྱོང་ཡོད་པའི་ཞང་ཞུང་རིག་གནས་ནི་དུས་རབས་བརྒྱད་པའི་སྔོན་ན་བོད་ཀྱི་གཙོ་རྒྱུག་རིག་གནས་ཤིག་ཡིན་ལ། དེང་ཡང་དར་ལ་རྩི་མར་ཟིན་པ་བཞིན་བོད་ཀྱི་ཤེས་རིག་གི་ཆུ་ཀླུང་ཆེན་པོའི་ཀློང་ན་འདྲེས་ནས་ཡོད། གཞན་ཡང་ཤེས་རིག་དེས་མཐའ་སྐོར་རྒྱལ་ཁབ་རིག་གནས་ཀྱི་འཕེལ་རྒྱས་ལ་གཏིང་ཟབ་པའི་ཤུགས་རྐྱེན་ཐེབས་ཡོད།

ཞང་ཞུང་ཞིབ་འཇུག་ལས་འཕྲོས་པའི་བསམ་གཞིག

ནང་དོན་གནད་བསྡུས། དཔྱད་རྩོམ་འདིར་གཙོ་བོ་བོན་གྱི་ལོ་རྒྱུས་ཡིག་ཆ་དང་དེང་གི་གནའ་རྫས་རྟོག་ཞིབ་རིག་པའི་གྲུབ་འབྲས་བཅས་ཕྱོགས་གཉིས་ནས་ཞང་ཞུང་ཁྱུང་ལུང་དངུལ་མཁར་གྱི་གནའ་ཤུལ་དང་འབྲེལ་བའི་ལོ་རྒྱུས་རིག་གནས་ངོ་སྤྲོད་གྱིས་ཞང་ཞུང་གི་ལོ་རྒྱུས་དང་ཤེས་རིག་སྐོར་ལ་སྣང་ཆེན་བྱ་དགོས་པའི་གལ་ཆེའི་རང་བཞིན་སྐོར་གླེང་ཡོད། བརྡ་ཆད་གཙོ་བོ། ཞང་ཞུང་། ཁྱུང་ལུང་དངུལ་མཁར། གནའ་རྫས་རྟོག་ཞིབ། ད་ལྟའི་བར་དུ་བོད་ཀྱི་ལོ་རྒྱུས་དེ་རྒྱལ་པོ་སྲོང་བཙན་སྒམ་པོ་ནས་དབུ་བརྙེས་པ་འདྲ་པོ་ཆགས་ཡོང་གི་ཡོད། དེའི་རྒྱུ་རྐྱེན་གཙོ་བོ་ནི་དེབ་ཐེར་ཁག་ལས་རྒྱལ་པོ་སྲོང་བཙན་སྒམ་པོས་བོད་ས་མཐོ་གཅིག་བསྒྱུར་དང་བོད་ཡིག་གསར་གཏོད།

གཟི་ཡིག་ལ་ལོ་ངོ་སྟོང་ཕྲག་བཞིའི་ལོ་རྒྱུས་ཡོད་ཟེར་དོན་ཅི།

སྤྱི་ལོ་2003་ལོར་རེ་ཁེ་ཀརྨ་བསམ་འགྲུབ་དང་། བོར་ཐར་བཀྲ་ཤིས་ཆོས་འཕེལ་དང་ཕྲན་སོགས་ཀྱིས་ཁྲིན་ཏུའུ་གྲོང་ཁྱེར་དུ་གཟི་དང་། གཟི་དུང་། གཟི་ཡིག་བཅས་ཀྱི་སྐོར་ལ་ཇི་ལྟར་ཞིབ་འཇུག་བྱ་དགོས་པའི་ཐད་ནས་བགྲོ་གླེང་ཚོགས་འདུ་སྟབས་བདེ་ཞིག་འཚོགས་པ་ཡིན། དེ་དུས་ང་ཚོས་གཟི་ལམ་བྱ་བའི་གནའ་བོའི་རིག་གནས་ཀྱི་ཚོང་ལམ་ཞིག་ཡོད་པ་ཤེས་རྟོགས་བྱུང་བ་ཙམ་ལས། གཟི་ལམ་དང་འབྲེལ་བའི་རིག་གནས་ཁྱབ་ཁོངས་ཀྱི་ཤུགས་སུ་དེ་འདྲའི་གཏིང་ཟབ་ཅིང་རྙོག་འཛིང་ལྡན་པ་ཞིག་ཡོད་པ་ཤེས་མེད། གཟི་ཡིག་གི་སྐོར་ཡང་དེ་དང་མཚུངས། ང་ཚོས་དང་ཐོག་གཟི་ཡིག་བྱ་བ་འདི་དམིགས་བསལ་ཞིག་རེད་མ་གཏོགས་དེར་གོ་དོན་འདྲ་མིན་ཡོད་པའི་གནས་བབ་དེ་གསལ་བོ་ཞིག་ཤེས་མེད། ཡིན་ནའང་། མི་རིང་བར་ང་ཚོས་ཞིབ་འཇུག་བྱས་པའི་བརྒྱུད་རིམ་ཁྲོད་ནས་གཟི་ཡིག་བྱ་བ་ལ་གོ་དོན་གསུམ་བཞི་ཞིག་ཡོད་པ་གསལ་བོར་ཤེས་རྟོགས་བྱུང་བ་ཡིན།

མངའ་རིས་ནས་རྙེད་པའི་ལོ་ངོ་ས་ཡ་བཞིའི་སྔོན་གྱི་རྡོ་རུས།

བོད་རང་སྐྱོང་ལྗོངས་མངའ་རིས་ས་ཁུལ་གྱི་རྩྭ་མདའི་གཤོང་ས་ནས་ལོ་ངོ་ས་ཡ་ ༤ ལྷག་གི་ལོ་རྒྱུས་ལྡན་པའི་འཕར་སྤྱང་གི་འགྱུར་རྡོ་ཞིག་གསར་དུ་རྙེད་ཡོད་འདུག དེ་རིང་རྒྱ་ནག་སོ་ཧུའུ་དྲ་བའི་ཐོག་གནས་ཚུལ་སྤེལ་བ་ལྟར་ན། རྒྱ་ནག་ཚན་རིག་ཞིབ་འཇུག་གླིང་གི་བོད་མཐོ་སྒང་གི་གནའ་རྫས་ཞིབ་འཇུག་པས་འདས་པའི་ལོ་ ༣ རིང་སྔོག་བཤེར་ཞིབ་འཇུག་བྱས་པ་བརྒྱུད། མཐོ་ཚད་རྒྱ་མཚོའི་ངོས་ལས་རྨིད་ ༤༡༩༥ ཡོད་པའི་བོད་ལྗོངས་མངའ་རིས་ས་ཁུལ་གྱི་རྩྭ་མདའི་གཤོང་ས་ནས་ལོ་ངོ་ས་ཡ་ ༤ ལྷག་གི་ལོ་རྒྱུས་ལྡན་པའི་འཕར་སྤྱང་(Hyena)གི་འགྱུར་རྡོ་གསར་རྙེད་བྱུང་ཡོད་པ་དང་། འགྱུར་རྡོ་དེས་གནའ་བོའི་འཁྱག་རོམ་དུས་ཀྱི་སྲོག་ཆགས་རྣམས་བོད་མཐོ་སྒང་དུ་ གནས་སྤར་པའི་ལོ་རྒྱུས་ཀྱི་བཤད་པ་དེར་ཕན་ནུས་ལྡན་པའི་བདེན་དཔོང་བྱས་ཡོད་སྐོར་བརྗོད་འདུག

སྐབས་གཉིས་པའི་ཞང་ཞུང་རིག་གནས་རིག་གཞུང་ཚོགས་འདུ་ལྷ་སར་འཚོགས་པ།

ཟླ་12ཚེས་20ཉིན་གྱི་སྔ་དྲོ་ནས་བོད་ལྗོངས་ཞང་ཞུང་རིག་གནས་ཞིབ་གྲོས་ཚོགས་འདུ་སྐབས་གཉིས་པ་ལྷ་ས་གྲོང་ཁྱེར་དུ་འཚོག་འགོ་བརྩམས་ཤིང་། ཀྲུང་དབྱང་མི་རིགས་སློབ་ཆེན་དང་། ལྷོ་ནུབ་མི་རིགས་སློབ་ཆེན། ཀྲུང་གོའི་སྤྱི་ཚོགས་ཚན་རིག་ཁང་། བོད་རང་སྐྱོང་ལྗོངས་སྤྱི་ཚོགས་ཚན་རིག་ཁང་སོགས་ཀྱི་འབྲེལ་ཡོད་ཆེད་ལས་མཁས་པ་ཚོ་མཉམ་གཅིག་ཏུ་འཛོམས་ཏེ་ཞང་ཞུང་རིག་གནས་སྐོར་གྲོས་བསྡུར་གནང་བ་རེད།

རྒྱལ་རོང་ཞིབ་འཇུག་སྐོར་གྱི་ཤེས་ཚོར་ཕྲན་གླེང་།

རྒྱལ་མོ་རོང་གི་རུས་རྒྱུད་མི་རབས་སོགས༎ཇི་ལྟར་འབྱུང་བའི་ལོ་རྒྱུས་ཏམ་བུ་ར༎སྐལ་བཟང་རྣ་བར་འཇེབས་ལས་ཡིད་ཆེས་ཀྱི༎ངེས་ཤེས་འདྲེན་པའི་ཕོ་ཉར་འགྱུར་ལ་རེ༎ཚུལ་འདི་ལོ་རྒྱུས་ཆེད་གཉེར་མཁས་རྣམས་ལས༎བླུན་རྨོངས་ཐ་ཤལ་བདག་འདྲའི་ཁུར་མིན་ཀྱང་༎གནའ་བོའི་ལོ་རྒྱུས་དབྱིངས་སུ་ཡལ་དོགས་ནས༎ཤེས་ཚོར་གསོང་པོར་གླེང་ལ་འགལ་བ་ཅི༎འོན་ཀྱང་ཁོ་བོའི་སྐྱེས་སྦྱངས་དམན་པ་དང་༎ལོ་རྒྱུས་ཤིན་ཏུ་ལྐོག་གྱུར་ཡིན་པའི་ཕྱིར༎འདི་ལ་ནོངས་དང་འགལ་འཁྲུལ་ཅི་མཆིས་པ༎གཟུར་གནས་དཔྱོད་ལྡན་རྣམས་ཀྱིས་སེལ་བར་མཛོད༎

རིག་དངོས་ཀྱི་རྒྱབ་ན་ཞང་ཞུང་ཡོད་དམ།

—<ཐང་གི་ཕོ་ཉའི་བྲག་བརྐོས་ཡི་གེ>ལ་བརྟག་དཔྱད་བྱས་པའི་མྱོང་ཚོར། འདས་ཟིན་པའི་ལོ་རྒྱུས་ཀློག་དུས་སུ་ང་ཚོའི་བསམ་པའི་འཁྱེར་སོ་དེའང་འདས་ཟིན་པའི་སྤྱི་ཚོགས་ཀྱི་ཁྲོད་དུ་འཇོག་འོས་ཤིང་། དེ་ལྟར་བྱས་ན་ད་གཟོད་མེས་པོའི་སྣང་བརྙན་དང་གནའ་བོའི་ཚོ་ཁག་གི་འཐབ་འཛིང་གི་ངར་སྒྲ་ཐོས་ཐུབ་པ་ཡིན། གནའ་བོའི་བོད་ཀྱི་ནུབ་ཕྱོགས་སུ་གངས་ཏི་སེ་བྱ་བའི་བླ་རི་ཞིག་ཡོད་ཅིང་། གནའ་བོའི་རྒྱ་གར་གྱི་གཅེར་བུ་བ་དང་དབང་ཕྱུག་པའི་གྲུབ་མཐའི་རྗེས་འཇུག་ཁག་གིས་ཡུལ་དེ་ནི་ཐུན་མོང་གིས་ཏི་རི་བྷི་ཁེ་ཊག་ཡིན་པར་ངོས་འཛིན་བྱུང་ཞིང་། དེ་ནི་ལེགས་སྦྱར་གྱི་སྐད་དེ་བོད་སྐད་དུ་སུམ་ཅུ་རྩ་གསུམ་གྱི་གནས་ཞེས་པའི་དོན་ཡིན།

རྒྱལ་སྤྱིའི་ཞང་ཞུང་རིག་གནས་དཔྱད་གླེང་ཚོགས་འདུ་ཡོངས་སུ་མཇུག་བསྡུས་པ།

Last day of “International conference on Zhangzhung studies” in Beijing. ཕྱི་ལོ་༢༠༡༥ཟླ་བ་༠༩ཚེས་༢༡ཉིན་གྱི་ཞོགས་པའི་ཆུ་ཚོད་བརྒྱད་དང་ཕྱེད་ཀའི་སྟེང་རྒྱལ་སྤྱིའི་ཞང་ཞུང་རིག་གནས་དཔྱད་གླེང་ཚོགས་འདུའི་མཇུག་མཐའི་ཉིན་གྱི་ཚོགས་ཆེན་གྱི་དབུ་འཛུགས་གནང་། ཐོག་མར་མཛོད་དགེ་ཨ་སྐྱིད་སྐྱང་ཚང་དགོན་པའི་བླ་མ་སྐྱང་སྤྲུལ་དྲི་མེད་འོད་ཟེར་རིན་པོ་ཆེ་ཚང་ནས༼ཞང་ཞུང་གི་ལོ་རྒྱུས་རིག་གནས་དང་ཆོས་ལུགས་ལ་དཔྱད་པ༽ཞེས་ཞང་ཞུང་གི་ཡུལ་དང་རྒྱལ་རབས་སོགས་བོན་གཞུང་ལས་བྱུང་བ་གཞིར་བཞག་སྟེ།

རྒྱལ་སྤྱིའི་ཞང་ཞུང་རིག་གནས་དཔྱད་གླེང་ཚོགས་འདུའི་ཉིན་དང་པོ།

ཕྱི་ཟླ་༩བའི་ཚེས་༡༩ནས་ཉིན་གསུམ་ལ་ཀྲུང་དབྱང་མི་རིགས་སློབ་གྲྭ་ཆེན་མོ་དང་བོད་རང་སྐྱོང་ལྗོངས་མི་རིགས་ཆོས་ལུགས་ལས་དོན་ཨུ་ཡོན་ལྷན་ཁང་གཉིས་ཀྱིས་མཉམ་འབྲེལ་ཐོག་གཙོ་གཉེར་བྱས་ཤིང་སི་ཁྲོན་སློབ་གྲྭ་ཆེན་མོའི་བོད་རིག་པའི་སྡེ་ཁག་དང་པེ་ཅིན་ཞང་ཞུང་རིག་གནས་ཁྱབ་སྤེལ་མཐུན་གཉེར་ཁང་གཉིས་ཀྱིས་རོགས་འདེགས་བྱས་པའི་ཀྲུང་གོའི་རྒྱལ་སྤྱིའི་ཞང་ཞུང་རིག་གནས་དཔྱད་གླེང་ཚོགས་འདུ་སྐབས་དང་པོ་ དེ་པེ་ཅིན་གྱི་བོད་ལྗོངས་གསོལ་མགྲོན་ཁང་དུ་འཚོག་འགོ་ཚུགས།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།

གཡུང་དྲུང་བོན་གྱི་དྲ་རྒྱ་ངོ་སྤྲོད།

གཡུང་དྲུང་བོན་གྱི་དྲ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲ་ཚིགས་ཤིག་ཡིན།

གཡུང་དྲུང་བོན་གྱི་དྲྭ་རྒྱའི་ངོ་སྤྲོད།