བརྒྱུད་པ་བཞི་དང་འབྲེལ་ནས་འཆད་ཐབས་སྙིང་བསྡུས།
འཁོར་འདས་གཉིས་ཀྱི་འབྱུང་གཞི། ཐེག་པ་ཐམས་ཅད་ཀྱི་ཡང་རྩེ། གྲུབ་མཐའ་ཐམས་ཅད་ཀྱི་མཐར་ཐུག རྒྱུད་རྣམས་ཀུན་གྱི་རྒྱལ་པོ། བཀའ་རྣམས་ཀུན་གྱི་འབྱུང་གནས། མན་ངག་ཀུན་གྱི་ཉིང་ཁུ། བསྟན་པ་ཀུན་གྱི་སྙིང་པོ། བདེར་གཤེགས་དགོངས་རྒྱུད་དགུའི་ཐུགས་བཅུད། གང་ཟག་ཉི་ཤུ་རྩ་བཞིའི་སྙན་རྒྱུད། གྲུབ་ཐོབ་བླ་མ་རྣམས་ཀྱི་ཉམས་རྒྱུད། སྐལ་ལྡན་རྣམས་ཀྱི་བདུད་རྩི། སྐལ་མེད་རྣམས་ཀྱི་བཙན་དུག་དུ་གྲགས་པའི་སྙིང་པོ་ཐིག་ལེ་ཉག་གཅིག། རང་གྲོལ་རིག་པའི་རྒྱལ་པོ། གསལ་སྟོང་འཛིན་མེད་ཀྱི་རིག་པ། དེ་བཞིན་མཚན་གྱི་རྣམ་གྲངས་དུ་མས་བརྒྱན་པའི་རྒྱལ་བ་ཀུན་ཏུ་བཟང་པོའི་ཐུགས་ཉིད་ཟབ་མོ་དེ་ཉིད།།