དེ་རིང་བོད་མེ་རྟ་ལོའི་བོད་ཟླ་དང་པོའི་ཚེས་པ་ ༡༦ ཉིན་བོན་གྱི་གདན་ས་སྨན་རིའི་གླིང་སྐབས་ ༢༣ པའིདགེ་བཤེས་མཛད་སྒོ་མཇུག་ལེགས་པར་གྲུབ་པ།

སྤྱི་་ལོ་ ༢༠༢༦ ལོའི་ཕྱི་ཟླ་ ༣ པའི་ཚེས ༣ བོད་མེ་རྟ་ལོའི་བོད་ཟླ་དང་པོའི་ཚེས་ ༡༥ སྟེ་བདག་གི་སྟོན་རྣམ་འདྲེན་བརྒྱད་པ་རྒྱལ་བ་གཤེན་རབ་མི་བོ་མཆོག་ཉི་རྣམ་འདྲེན་བརྒྱད་པ་རྒྱལ་བ་གཤེན་རབ་མི་བོ་མཆོག་སྐུ་སྐྱེ་བ་མི་རུ་བཞེས་ནས་མི་ལོ་ ༡༨༠༤༤ འཁོར་བའི་དུས་མཆོད་དང་སྐབས་༢༣་པའི་དགེ་བཤེས་མཛད་སྒོའི་ཉིན་ལྔ་པའི་མཛད་རིམ་བསྐྱངས་གནང་སོང་ལ། 

གཤེན་གྱི་འབྱུང་ལྡན་ ༣༠༡ གི་ནང་ཚན་བོད་མེ་རྟ་ལོའི་བོད་ཟླ་ ༡ པོའི་ཚེས་ ༡༣ ཉིན་སྟེ། ཕྱི་ལོ་ ༢༠༢༦ ཟླ་ ༣ ཚེས་ ༡ རེས་གཟའ་ཉི་མའི་ཉིན་གྱི་ཞོགས་པའི་ཆུ་ཚོད་དགུ་པའི་ཐོག་ནས་

གདན་ས་སྨན་རིའི་གླིང་གི་སྐབས་ ༢༣ པའི་དགེ་བཤེས་མཛད་སྒོ་དེ་ཉིད་སྤྱི་ལོ་ ༢༠༢༦ ཟླ་ གཉིས་པའི་ཚེས་པ་༢༦ ཉིན་དབུ་འཛུགས་གནང་ནས་དེ་རིང་ཉིན་གསུམ་པའི་མཛད་རིམ་རྣམ་བསྐྱངས་ཡོད་པ་དང་།

དེ་རིང་སྟེ་ཕྱི་ལོ་༢༠༢༦ཟླ་༢ཚེས་༢༧ཉིན་གཡུང་དྲུང་བོན་གྱི་དཔེ་མཛོད་ཁང་དུ་ཉེ་ཆར་གཡུང་དྲུང་བོན་གྱི་དཔེ་མཛོད་ཁང་ནས་པར་སྐྲུན་ཞུས་པའི་བྱང་ཆུབ་གསང་བའི་དབྱངས་ཞེས་པའི་འགྱུར་དེབ་གསར་པ་ཞིག་པར་སྐྲུན་གྲུབ་ནས་དབུ་འབྱེད་མཛད་སྒོ་སྤེལ་ཡོད་པ་དང་།

ཕྱི་ལོ་ ༢༠༢༦ ལོའི་ཕྱི་ཟླ་ ༢ པའི་ཚེས ༢༧ ཉིན་གདན་ས་སྨན་རིའི་གླིང་གི་སྐབས་ ༢༣ པའི་དགེ་བཤེས་མཛད་སྒོའི་ཉིན་གཉིས་པ་བཀའ་རམས་པ་བཞིའི་བཤད་པ་དང་། སྟོང་སྒོ་ཆེན་མོ་གནང་ཡོད་པ་དང་།

རྒྱལ་བ་གཤེན་གྱི་འབྱུང་ལྡན་ ༣༠༡ བོད་རྒྱལ་ལོ་ ༣༡༦༣ མེ་ཕོ་རྟ་ལོའི་བོད་ཟླ་ ༡ ཚེས་ ༡༠ དང་། ཕྱི་ལོ་ ༢༠༢༦ ལོའི་ཕྱི་ཟླ་ ༢ པའི་ཚེས ༢༦ ཉིན་གདན་ས་སྨན་རིའི་གླིང་གི་སྐབས་ ༢༣ པའི་དགེ་བཤེས་མཛད་སྒོ་དབུ་འཛུགས་གནང་སོང་ལ། འདི་ལོར་དགེ་བའི་བཤེས་གཉེན་གྱི་མཚན་རྟགས་བཞེས་གནང་མཁན་བཀའ་རམས་པ་ ༡༣ ཡོད་འདུག གོང་ཚེས་ཉིན་གྱི་ཞོགས་པར་ཞོགས་འཚོགས་གྲོལ་རྗེས་ཉིན་འདིའི་བཀའ་རམསཔ་རྣམས་ནས་ལྷ་རྫས་ཀྱི་མཆོད་པ་ཅི་རིགས་པ་དང་བཅས། སྐྱབས་རྗེ་༸རྒྱལ་བ་སྨན་རིའི་མཁན་སློབ་རྣམས་གཉིས་ལ་མཇལ་བཅར་ཞུས། སྔ་དྲོའི་ཆུ་ཚོད་༩:༠༠སྟེང་། གྲྭ་ཚང་མཆོད་དཔོན་ནས་རྡོ་ཏིང་གི་ཚོགས་བརྡ་བཏངས་རྗེས་༧སྐྱབས་རྗེ་མཁན་སློབ་རྣམ་གཉིས་ཚོགས་ཁང་གི་གཡས་གཡོན་ནས་སྤོས་སྣ་རྒྱ་གླིང་གིས་ཕེབས་བསུ་དང་། བཤད་སྒྲུབ་མཁན་སློབ་རྣམ་གཉིས་དང་ཉིན་འདིའི་བཀའ་རམས་པ་བར་གླེ་དྲང་སྲོང་ཤེས་རབ་གཙུག་ཕུད་རྒྱལ་མཚན། བཀའ་རམས་པ་མེ་ཉག་དྲང་སྲོང་གཡུང་དྲུང་ཕྱོགས་ལས་རྣམ་རྒྱལ། བཀའ་རམས་པ་སྤུ་ལ་དྲང་སྲོང་གཡུང་དྲུང་བསྟན་དར་རྒྱལ་མཚན། བཀའ་རམས་པ་ལྟ་ཁ་དྲང་སྲོང་འགྱུར་མེད་ཤེས་རབ་ཀུན་གྲགས་བཅས་འཆམ་རའི་ཤར་ལྷོ་གཉིས་ནས་དུས་གཅིག་ཏུ་ཕེབས་བསུ་དང་བཅས་ཚོགས་ཁང་དུ་ཕེབས་ནས་བཞུགས་ཁྲི་དང་བཞུགས་གྲལ་དུ་འཁོད་པ་དུས་མཚུངས་སྤྱི་སྒེར་གྱི་སྐུ་མགྲོན་རྣམས་ཀྱང་བཞུགས་གནས་སུ་འཁོད་གནང་ཡོད་པ་དང་། དེ་མཚམས་འདུས་མང་ཡོངས་ནས་ཀུན་གསལ་བྱམས་མའི་སྔགས་བསྟོད་གྲུབ་རྗེས་ཉིན་འདིའི་བཀའ་རམས་པ་རྣམས་ཀྱི་འབྲས་སིལ་དང་ཟབ་ཇ་འདེགས་འབུལ། དེ་བཞིན་གཏོང་སྒོ་ཆེན་མོའི་སྐུ་འགྱེད་ཀྱི་མཛད་རིམ་བསྐྱངས། ཚོགས་ཆེན་ཞལ་ངོ་ནས་ཉིན་འདིའི་གཞུང་བཤད་གནང་མཁན་གྱི་བཀའ་རམས་པ་རྣམས་ལ་ཆབ་ཕུལ་མཚམས་སྔར་སྲོལ་ལྟར་༧སྐྱབས་རྗེ་མཁན་སློབ་རྣམས་ལ་མཇལ་ཁ་ཞུས་རྗེས་གྲལ་མཇུག་ནས་རྩེ་ཞྭ་ཕྱག་ཏུ་བསྣམས་ནས་ལུས་གུས་པ་དང་བཅས་བཞེངས་ཏེ། ༧སྐྱབས་རྗེ་སྨན་རིའི་དཔོན་སློབ་རིན་པོ་ཆེ་མཆོག་ནས་ཚིག་བཤད་ཉི་ཟེར་གཞའ་འོད་གུར་ཁྱིམ་དབྱངས་སུ་གྱེར་གནང་བ་དང་། དེ་རྗེས་བར་གླེ་དྲང་སྲོང་ཤེས་རབ་གཙུག་ཕུད་རྒྱལ་མཚན་ལགས་ནས་སྔོན་འགྲོའི་ཚིག་བཤད་གཤེན་རབ་སྤངས་རྟོགས་སོགས་གྱེར་ཡོད་པ་དང་།  དེ་རྗེས་རིམ་བཞིན་ ཀའ་རམས་པ་མེ་ཉག་དྲང་སྲོང་གཡུང་དྲུང་ཕྱོགས་ལས་རྣམ་རྒྱལ་དང་བཀའ་རམས་པ་སྤུ་ལ་དྲང་སྲོང་གཡུང་དྲུང་བསྟན་དར་རྒྱལ་མཚན།བཀའ་རམས་པ་ལྟ་ཁ་དྲང་སྲོང་འགྱུར་མེད་ཤེས་རབ་ཀུན་གྲགས་བཅས་དཀའ་ཆེན་དང་དཀའ་ཆུང་སོ་སོའི་གཞུང་བཤད་གྱེར་གྲུབ་མཚམས་འདུས་མང་ཡོངས་ནས་བར་ཆད་ལམ་སེལ་གསུངས་ནས་ཚོགས་ཐུན་དང་པོ་གྲོལ་བ་དང་། ཆུ་ཚོད་༡༢།༠༠སྟེང་ཚོགས་བརྡ་དང་བཅས་འདུས་མང་ཚོགས་བཞུགས་ཀྱིས་གཏོང་སྒོའི་དམ་ཐུག་ཆེན་མོ་གསོལ་ནས་སྔ་དྲོའི་མཛད་རིམ་མཇུག་གྲུབ་ཡོད་པ་རེད། ཕྱི་དྲོའི་ཆུ་ཚོད་ ༢།༣༠ སྟེང་གོང་ལྟར་༧སྐྱབས་རྗེ་མཁན་སློབ་གདན་འདྲེན་དང་སྣུམ་འཁུར་བཀྲ་ཇ་མཆོད་གྲུབ་རྗེས། སྔར་ལྟར་ཚོགས་ཆེན་ཞལ་ངོ་མཆོག་ནས་ཆབ་ཕུལ་མཚམས། གྲལ་མཇུག་ཏུ་ཕེབས་ནས་མཆོད་ཚིག་དང་། བཀྲ་ཤིས་མངའ་དབུལ་གྱི་ཚིག་བཤད་སོགས་གྱེར་ཞོར་བཀྲ་ཤིས་མཆོད་འབྲུ་གཏོར་ནས་མཇུག་རྗེ་རྒྱལ་བ་སོགས་སྨོན་ལམ་གྲུབ་ནས་ཚོགས་ཐུན་གསུམ་པ་གྲོལ། ཕྱི་དྲོའི་ཆུ་ཚོད་ ༤།༠༠ སྟེང་འདུས་མང་ཡོངས་ནས་སྨོན་ལམ་རྣམ་གསུམ་གསུང་ནས་བཞེས་ཐུག་མཆོད་རྗེས་སྐབས་ ༢༣ པའི་ཉིན་དང་པོའི་དགེ་བཤེས་མཛད་སྒོ་མཇུག་གྲུབ་ཡོད་པ་བཅས་ཀྱི་གནས་བསྡུས་སུ།

འདི་ནི་ཉེ་ཆར་མཁན་པོ་མཆོག་བལ་གཞུང་བློན་ཆེན་ལྷན་ཚོགས་ཀྱི་ཐག་གཅོད་གནང་བ་ལྟར།  བལ་གཞུང་ནང་ཆོས་དར་སྤེལ་དང་དགོན་པ་འཕེལ་རྒྱས་ལྷན་ཚོགས་(the Buddhist Philosophy Promotion and Monastery Development ommittee)ཀྱི་ཚོགས་གཙོར་བསྐོ་བཞག་བྱུང་བའི་ཕྱག་ཡིག་གནང་བའི་རྗེས་སུ་༸གདན་ས་སྨན་རིར་ཕེབས་ཐེངས་དང་པོ་དེ་ཡིན་པ་དང་།