༧སྐྱབས་རྗེ་སྨན་རིའི་སློབ་དཔོན་ཡང་སྟོན་འཕྲིན་ལས་ཉི་མ་རིན་པོ་ཆེ། དེ་ཡང་སྟོན་པ་སངས་རྒྱས་གཤེན་རབ་མི་བོ་མཆོག་གིས་གང་ཟག་བློ་དབང་པོ་རབ་བམ་དཀའ་སྤྱད་ཀྱི་སྡེ་ལ་ཐེག་པའི་ཡོངས་རྩེ་རྫོགས་པ་ཆེན་པོའི་སྡེ་སྣོད་བསྟན་པ་སྟེ། གོང་དུ་ཕྱི་མཚན་ཉིད་དང་ནང་གསང་སྔགས་ཀྱི་བོན་རྣམས་བོད་ལ་ཇི་ལྟར་དར་ཚུལ་བཞིན་གསང་བ་རྫོགས་པ་ཆེན་པོའི་བོན་སྡེ་ཡང་དེ་དང་ཕལ་ཆེར་དུས་མཉམ་དུ་དར་བར་མངོན་ནོ། ཡེ་ཉིད་ཀྱི་སྟོན་པ་ཀུན་ཏུ་བཟང་པོ་ནས་གསང་འདུས་ཡན་དགོངས་པས་ཐུགས་ནས་ཐུགས་སུ་བརྒྱུད་པ་དང༌། ལྷ་བོན་ཡོངས་སུ་དག་པ་ནས་ཚེ་སྤུངས་ཟླ་བ་རྒྱལ་མཚན་ཡན་གཅིག་གིས་གཅིག་ལ་གྲོ་ སོག་གི་སྦུབས་ནས་ཚིག་གི་སྙན་དུ་རྒྱུད་པའི་རྫོགས་པ་ཆེན་པོའི་གདམས་པ་འདི་དག་བོད་ཡུལ་གངས་ཅན་ལྗོངས་སུ་དར་ཞིང་རྒྱས་ཚུལ་ནི།

དགེ་བཤེས་རིན་ཆེན་བསྟན་འཛིན། རང་བྱུང་ཁྲོ་བོ་ཕུར་ནག་ལྷ་ལ་ཕྱག་འཚལ་ལོ།  ༧རྒྱལ་བ་སྨན་རི་བའི་སྒྲུབ་པ་བཅུ་གཉིས་ཀྱི་ནང་ཚན་ལས་ལོ་ལྟར།  ཕྲིན་ལས་ཀྱི་ཁྲོ་བོ་ཡི་དམ་དབལ་ཕུར་ནག་པོའི་བསྙེན་སྒྲུབ་ལས་སྦྱོར་གྱི་སྒྲུབ་པ་མཛད་ཀྱི་ཡོད་ཀྱང་། འདི་ལོར་དམིགས་བསལ་༧སྐྱབས་རྗེ་སྨན་རིའི་ཡོངས་འཛིན་སློབ་དཔོན་བསྟན་འཛིན་རྣམ་དག་རིན་པོ་ཆེ་མཆོག་ནས་བཀའ་གསུང་ཕེབས་དོན་བཞིན། སངས་རྒྱས་གཡུང་དྲུང་བོན་གྱི་བསྟན་པ་སྤྱི་དང་། སྒོས་སུ་དེ་འཛིན་གྱི་སྐྱེས་བུ་གང་ན་སུ་བཞུགས་པ་རྣམས་དང་། ཡང་སྒོས་༧རྒྱལ་བ་སྨན་རི་བའི་བསྟན་དང་བསྟན་འཛིན་གྱི་བུ་སློབ་རྣམས་ལ་ཕྱི་ནང་གསང་བའི་འགལ་རྐྱེན་ཇི་སྙེད་རབ་ཏུ་ཞི་ཕྱིར། ༧གཡུང་དྲུང་བོན་གྱི་གདན་ས་གོང་མ་དཔལ་གཤེན་བསྟན་སྨན་རིའི་གླིང་དུ།

༧སྐྱབས་རྗེ་སྨན་རིའི་སློབ་དཔོན་ཡང་སྟོན་འཕྲིན་ལས་ཉི་མ་རིན་པོ་ཆེ། ཐེག་འགྲེལ་ལས། ཇི་སྲིད་འདུ་ཤེས་ཡོད་ཀྱི་བར།དེ་སྲིད་ཐེག་པའི་མཐའ་ལ་ཐུག་མཐའ་མེད། ཅེས་གསུངས་པ་ལྟར། བདག་ཅག་གི་སྟོན་པ་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གདུལ་བྱའི་བློ་དང་དབང་པོའི་ཁམས་མོས་པ་མི་མཐུན་པ་ཇི་སྙེད་ཅིག་ཡོད་པ་ལྟར། དེ་དང་མཐུན་པར་བོན་གྱི་སྒོ་མོ་ཡང་བསམ་གྱིས་མི་ཁྱབ་པར་བསྟན་ཅིང་དེ་ཡང་གདུལ་བྱའི་བློ་ཡི་རིམ་པ་དེ་དག་བསྡུ་ན་གསུམ་དུ་འདུས་པ་སྟེ། བློ་རབ་འབྲིང་ཐ་གསུམ་དུ་འདུས་པའོ། དེ་བཞིན་བོན་གྱི་སྒོ་མོ་བརྒྱད་ཁྲི་བཞི་སྟོང་ལས་སོགས་ཇི་སྙེད་ཅིག་གསུངས་ཀྱང་བསྡུས་ན་ཐེག་པ་ཆེ་ཆུང་གསུམ་མམ་མདོ་སྔགས་སེམས་གསུམ་དུ་མ་འདུས་པ་མེད་ཅིང་དེས་ན། གདུལ་བྱའི་བློ་དབང་པོ་ཐ་མ་ལ་ལྟོས་ཏེ་མདོ་མཚན་ཉིད་ཐེག་པའི་བོན་སྒོ་དང༌།

༧སྐྱབས་རྗེ་སྨན་རིའི་སློབ་དཔོན་ཡང་སྟོན་འཕྲིན་ལས་ཉི་མ་རིན་པོ་ཆེ། ནང་ཟབ་དཀར་གསང་བ་སྔགས་ཀྱི་བོན་སྐོར་གངས་ཅན་ལྗོངས་སུ་དར་ཚུལ་མདོ་མཚན་ཉིད་ཐེག་པ་ལྟར། སྟོན་པ་སངས་རྒྱས་གཤེན་རབ་མི་བོ་མཆོག་གིས་བདུད་བཏུལ་རྣམ་པར་འཇོམས་པའི་མཛད་པའི་སྐབས་སུ། བདུད་ཁྱབ་པ་ལག་རིང་གིས་སྟོན་པའི་རྟ་བདུན་རྐུས་ཏེ་བོད་ཡུལ་དུ་བྲོས་པར་སྟོན་པ་སངས་རྒྱས་ཉིད་རྟ་ལ་ཆགས་པ་མ་ཡིན་ཀྱང་བོད་ཁམས་ཀྱི་འགྲོ་བ་འདུལ་པའི་དུས་ལ་བབས་པར་དགོངས་ཏེ་བོད་དུ་ཕེབས་ཏེ་རྟ་བདུན་ཕྱིར་ལོན་པར་མ་ཟད་རྐོང་རྗེ་དང་ཁྱབ་པ་ལག་རིང་ལས་སོགས་བཏུལ་ཏེ་བོད་ཡུལ་དུ་རྒྱུ་ཡི་བོན་ལས་སོགས་ཀྱི་བསྟན་པ་ཐོག་མར་དར་བར་བྱས། དེ་ནས་རིམ་བཞིན་འབྲས་བུའི་བོན་རྣམས་ཀྱང་དར་བ་སྟེ།