(གནས་ཚུལ་སྔ་མའི་འཕྲོ།) ༢༠༡༧་ཟླ་༩་ཚེས་༣ཉིན་ནས་༧སྐྱང་སྤྲུལ་དྲི་མེད་འོད་ཟེར་རིན་པོ་ཆེས་ཐུགས་བཀོད་དང་དབུ་ཁྲིད་མཛད་དེ་སྐྱང་ཚང་དགོན་སྤྱི་དང་སྒྲུབ་གྲྭ་བ། གྲྭ་ས་བ་བཅས་བླ་སློབ་ཡོངས་ནས་སྟག་ལ་སྲུང་ཟློག་དང་དབལ་གསས་དགྲ་ཟློག སྤྱི་འདུལ་དང་རྟ་མགྲིན་གར་དབང་། སྲིད་རྒྱལ་དང་པོམ་ར་སོགས་སྲུང་མའི་ཚོགས་བརྒྱ། སྟག་ལའི་གཞུང་སྟོང་འདོན་དང་སྐུ་རིམ་རྣམ་གསུམ་བཅས་དཀྱིལ་འཁོར་དུ་མའི་ཞལ་ཕྱེས་ནས་ཡོངས་རྫོགས་བསྟན་པའི་མངའ་བདག་༧རྗེ་སྨན་རི་བ་ལུང་རྟོགས་བསྟན་པའི་ཉི་མ་རིན་པོ་ཆེ་མཆོག་སྐུ་ཚེ་བསྐལ་བརྒྱར་བརྟན་པ་སོགས་ཀྱི་དོན་དུ་ཞབས་བརྟན་འབུལ་བཞིན་པ།

ཕྱོགས་མཐའ་ཀུན་ཏུ་བཞུགས་པའི་རྒྱ་ཆེའི་དད་ལྡན་མང་ཚོགས་རྣམས་ལ་ཞུ་དོན། མཁྱེན་གསལ་ལྟར་༧སྐྱབས་༧རྗེ་རྒྱལ་བ་སྨན་རི་བའི་ཁྲི་འཛིན་རིན་པོ་ཆེ་མཆོག་གྲོང་ཁྱེར་ཅན་དྷི་གྷར་དུ་ཡོད་པའི་ཕོར་ཊིས་ཞེས་པའི་སྨན་ཁང་དུ་སྨན་བཅོས་གནང་བཞིན་བཞུགས་མུས་ཡིན་པ་མ་ཟད། ད་ལྟའི་ཆར་སྐུ་ཡི་སྙུང་གཞིའི་གནས་སྟངས་སྔར་ལས་དྲག་བསྐྱེད་བྱུང་དང་འབྱུང་བཞིན་ཡོད་འདུག་པས།

ཉེ་ཆར་འཛམ་གླིང་བོན་གྱི་གཙུག་རྒྱན་གཡུང་དྲུང་བོན་གྱི་བླ་ཆེན་༧སྐྱབས་རྗེ་༧རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་སྐུ་གསུང་ཐུགས་ཀྱི་མཛད་འཕྲིན་ཟབ་མོ་མཐའ་དག་གེགས་མེད་ལྷུན་གྱིས་འགྲུབ་པ་དང་། སྐུ་ཡི་སྙུང་གཞི་དྭངས་ཤིང་སྐུ་ཚེ་བསྐལ་བརྒྱར་བརྟན་ཕྱིར་དུ། བོད་ཕྱི་ནང་གཉིས་སུ་སྐུའི་ཞབས་བརྟན་གསོལ་འདེབས་སོགས་ཞབས་རིམ་གནད་སྨིན་སྒྲུབ་བཞིན་ཡོད་པའི་གནས་བསྡུས།

༄༅ ། ། ད་ལན་ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་རྒྱལ་བ་སྨན་རི་བ་མཆོག་གི་སྐུ་གསུང་ཐུགས་ཀྱི་མཛད་འཕྲིན་ཟབ་མོ་མཐའ་དག་གེགས་མེད་ལྷུན་གྱིས་འགྲུབ་པ་དང་། སྐུ་ཡི་སྙུང་ཁམས་དྭངས་ཤིང་སྐུ་ཚེ་བསྐལ་བརྒྱའི་བར་དུ་བརྟན་ཅིང་བཞུགས་ཕྱིར། ༧སྐྱབས་རྗེ་དཔོན་སློབ་རིན་པོ་ཆེ་མཆོག་གིས་བཀའ་དགོངས་ལྟར་འདི་གའི་གྲྭ་ཚང་འདུས་མང་ཡོངས་དང་བཙུན་དགོན་རདྞ་སྨན་གླིང་གི་བཙུན་མ་རྣམ་པ་བཅས་ནས་མ་མཆོག་སྲིད་པ་རྒྱལ་མོའི་འབུམ་ཚོགས་རྒྱས་འབུལ་དང་བསྟན་སྲུང་དམ་ཅན་སྡེ་ཚོགས་ལ་བསྐང་གསོལ་དང་འཕྲིན་བཅོལ། གཤེན་གྱི་གསང་སྔགས་སྒོམ་སྒྲུབ་གླིང་དུ་ཀུན་གསལ་བྱམས་མའི་དགྲ་ཟློག་དང་། ལྷ་སྡེ་མི་མང་རྣམ་པས་བྱམས་མའི་སྔགས་བསྟོད་དང་བར་ཆད་ལམ་སེལ་བཅས་སྐུ་ཕྱྭའི་ཞབས་རིམ་བདུན་ཕྲག་གཅིག་གི་རིང་ལ་བསྒྲུབས་ཟིན་པ་དང་།

གཤེན་གྱི་འབྱུང་ལྡན་སུམ་བརྒྱ་དང་གཅིག་གི་བོད་མེ་བྱ་ལོའི་ཟླ་བ་དྲུག་པའི་ཚེས་༢༡རེས་གཟའ་ཉི་མའི་ཉིན་སྟེ། ཕྱི་ལོ་༢༠༡༧ཟླ་བ་༠༨ཚེས་༡༣ཉིན་༧ཞྭ་དཀར་བསྟན་པའི་གཙུག་རྒྱན་གསང་གསུམ་བོན་གྱི་མཛོད་འཛིན་གཡུང་དྲུང་བོན་གྱི་དབུ་ཁྲིད་བླ་ཆེན་༧སྐྱབས་རྗེ་༧རྒྱལ་བ་སྨན་རིའི་ཁྲི་འཛིན་རིན་པོ་ཆེ་མཆོག་ཨ་རིའི་ནེའུ་ཡོག་གཡུང་དྲུང་བོན་གཤེན་གླིང་ནས་རྒྱ་གར་བྱང་ཕྱོགས་ཧི་མ་ཅལ་དུ་གཞིས་ཆགས་པའི་བོན་གཞིས་ཐོབ་རྒྱལ་གསར་པ། ༧གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་དུ་བདེ་འཚམས་ངང་ཞབས་སོར་འཁོད་གནང་ཡོད།

ད་ལམ་༢༠༡༧ཕྱི་ཟླ་༨པའི་ཚེས་༨ཉིན་རང་རིགས་བོན་འབངས་ཤ་མར་འཚོ་བའི་གཟི་ཚ་སྡེ་དགུའི་ཕྱོགས་སུ་རང་བྱུང་ས་ཡོམ་གྱིས་གོད་ཆག་ཆེན་པོ་བྱུང་སྟེ་མི་རྒྱུ་གཉིས་ཀ་ལ་གནོད་སྐྱོན་ཚབས་ཆེན་བྱུང་བར་མ་ཟད།

འབྱུང་ལྡན་༣༠༡བོད་མེ་བྱ་ལོའི་ཟླ་བ་ལྔ་པའི་གནམ་གང་སྟེ་ཕྱི་ལོ་ ༢༠༡༧ ཟླ་ ༠༧ ཚེས་ ༢༣ཉིན་ནས་གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་གི་ གཡུང་དྲུང་བོན་གྱི་བཤད་སྒྲུབ་འདུས་སྡེའི་ཟླ་དྲུག་སྔ་མའི་ཡིག་ཚད་དམ་ལོ་ཕྱེད་ཡིག་རྒྱུགས་ཆེན་མོ་དབུ་འཛུགས་གནང་ཡོད་པ་དང་། དེ་ཡང་གོང་ཚེས་ཉིན་གྱི་ཞོགས་པའི་ཕྱག་ཚོད་བདུན་པ་ཙམ་ནས་སྨན་རིའི་གླིང་གི་འཆད་ར་ཐོས་བསམ་དགའ་ཚལ་གླིང་དུ་འཛིན་གྲྭ་སོ་སོ་ལ་གཞུང་རྒྱུགས་བཏང་ཡོད་པ་དང་། ཕྱི་ཚེས་༢༤ཉིན་འཛིན་གྲྭ་སོ་སོ་ལ་སྐབས་བབས་ཀྱི་གཞུང་སོ་སོའི་འགྲེལ་རྒྱུགས་གཏོང་འཆར་ཡོད་པའི་གནས་ཚུལ།

༧སྨན་རིའི་བཤད་སྒྲུབ་སློབ་དཔོན་དགེ་བཤེས་དགེ་ལེགས་རྒྱ་མཚོ་རིན་པོ་ཆེ་མཆོག་གིས་ཨུ་རུ་སུའི་རྒྱལ་ཁབ་དང་ཡུ་རོབ་ལ་ཏ་ཝ་(LATVIA)རྒྱལ་ཁབ་རྣམས་སུ་བོན་ཁྲིད་སོགས་ཀྱི་མཛད་འཕྲིན་བསྐྱངས་པའི་གནས་བསྡུས།

བོད་མཐོ་སྒང་གི་ས་ཐོག་ཏུ་ལོ་ངོ་ཁྲི་དྲུག་གི་གོང་ནས་འགྲོ་བ་མི་འཚོ་གནས་ཀྱི་ཆགས་རབས་འགོ་འཛུགས་བྱུང་ཡོད་པ་ཞིབ་འཇུག་ར་སྤྲོད་བྱས་འདུག