གཤེན་གྱི་འབྱུང་ལྡན་སུམ་བརྒྱ་དང་གཅིག་བོད་མེ་བྱ་ལོའི་ཟླ་བ་ ༡༡ པའི་ཚེས་ ༣༠ ཉིན་སྟེ། ཕྱི་ལོ་ ༢༠༡༨ ཟླ་ ༠༡ ཚེས་ ༡༦ ཉིན་ནས་ཞྭ་དཀར་གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་གི་གཡུང་དྲུང་བོན་གྱི་བཤད་སྒྲུབ་འདུས་སྡེའི་ལོ་འཁོར་ཡིག་རྒྱུགས་ཆེན་མོ་དབུ་འཛུགས་གནང་ཡོད་པ་དང་། དེ་ཡང་གོང་ཚེས་ཉིན་གྱི་ཞོགས་པའི་ཕྱག་ཚོད་བརྒྱད་དང་ཕྱེད་ཀ་ནས་འཛིན་གྲྭ་སོ་སོ་ལ་གཞུང་རྒྱུགས་བཏང་ཡོད་པ་དང་། ཕྱི་ཚེས་ ༡༧ ཉིན་ནས་འཛིན་གྲྭ་སོ་སོ་ལ་འགྲེལ་རྒྱུགས་གཏོང་གནང་རྒྱུ་ཡིན་པ་བཅས་ཀྱི་གནས་ཚུལ།

༄༅། །བསྟན་འགྲོའི་མཛད་རྗེས་རྨད་དུ་བྱུང་བའི་ཕྱི་རྒྱལ་ཡུལ་གྲུ་ཁག་ཏུ་གནས་བཞུགས་བོན་ཚོགས་ཁག་གི་དབུ་འཛིན་མཁན་བླ་སྤྲུལ་རྣམ་པ་དང་ཉེ་གནས་སློབ་ཚོགས་ལྷན་རྒྱས་ཀྱི་དྲུང་དེར། ཆེད་དུ་ཞུ་སྙིང་།

༧སྐྱབས་རྗེ་རྒྱལ་བ་སྨན་རིའི་དཔོན་སློབ་རིན་པོ་ཆེ་མཆོག་གིས་སྨན་རིའི་ཁྲི་འཛིན་༣༤པ་བདམས་ཐོན་བྱུང་སྐབས་འཛམ་གླིང་བོན་འབངས་སེར་སྐྱ་ཡོངས་ལ་གནང་བའི་བཀའ་སློབ་བཞུགས།    བཀའ་སློབ་ལ་གཤམ་ནས་གསན་གནང་ཞུ།

ཕྱི་ལོ་༢༠༡༨ཟླ་བ་དང་པོའི་ཚེས་གཅིག་གི་ཕྱི་དྲོར་སྨན་རིའི་ཁྲི་འཛིན་གསར་པ་སྨན་རིའི་གཙུག་ལག་ཁང་གི་ཡང་སྟེང་དུ་གདན་འདྲེན་ཞུས་པ།

གསལ་བསྒྲགས་སྔོན་སོང་ལྟར་ཕྱི་ལོ་ ༢༠༡༨ ཟླ་བ་དང་པོའི་ཚེས་དང་པོ་གཟའ་སྐར་འཕྲོད་སྦྱོར་ཕུན་སུམ་ཚོགས་པའི་ཉིན་༧གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་གཙུག་ལག་ཁང་དུ་དམ་ཅན་བོན་སྐྱོང་སྲུང་མར་བདེན་པ་བདར་གནང་བར་མདོ་སྨད་ཤར་ཁོག་ཏུ་སྐུ་འཁྲུངས་པ་བཀའ་རབ་འབྱམས་པ་དགེ་བའི་བཤེས་གཉེན་ཆེན་མོ་དྲང་སྲོང་ཟླ་བ་དར་རྒྱས་མཆོག་༧རྒྱལ་བ་སྨན་རིའི་ཁྲི་འཛིན་ ༣༤ པར་རྟགས་སྒྲིལ་དུ་བབས་འདུག་པའི་གནས་ཚུལ།

༄༅། །བསྟན་པའི་མཆོག་གྱུར་འཁྲུལ་མེད་བོན་ལུགས་ཀྱི། །སྐྱབས་གནས་མཆོག་གྱུར་རྩ་གསུམ་མཆོག་གསུམ་དང་། །བསྟན་སྲུང་མཆོག་གྱུར་བོན་སྐྱོང་སྡེ་དྲུག་གི། །མཁྱེན་བརྩེའི་མཆོག་གྱུར་གཡེལ་མེད་འདིར་གཟིགས་ཤིག །མཁས་པའི་མཆོག་གྱུར་མཉམ་མེད་ཤེས་རྒྱལ་གྱི། །བསྟན་འཛིན་མཆོག་གྱུར་སྐྱེས་བུ་འདི་ཡིན་ཞེས། །ལུང་བསྟན་མཆོག་གྱུར་ངེས་གསལ་བསྟན་དུ་གསོལ། །ངེས་པའི་མཆོག་གྱུར་འཁྲུལ་མེད་བསྩལ་དུ་གསོལ། །

གཤེན་གྱི་འབྱུང་ལྡན་སུམ་བརྒྱ་དང་གཅིག་བོད་མེ་བྱ་ལོའི་ཟླ་བ་བཅུ་གཅིག་པའི་ཚེས་གཅིག་ཉིན་ཏེ། ཕྱི་ལོ་ ༢༠༡༧ ཟླ་ ༡༢ ཚེས་ ༡༩ ཉིན་ནས་བོན་གཞིས་ཐོབ་རྒྱལ་གསར་པའི་ལ་མགོ་རུ་རྟེན་གཞིར་བྱས་པ་༧གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་དུ་༧རྒྱལ་བ་སྨན་རིའི་ཁྲི་འཛིན་༣༤པ་རྟགས་སྒྲིལ་གྱི་ལས་རིམ་དབུ་འཛུགས་གནང་བ།

འཆར་ཅན་ལྟར་ཕྱི་ལོ་ ༢༠༡༧ ཟླ་བ་ ༡༢ ཚེས་ ༡༨ ཉིན་ནས་བོན་གཞིས་ཐོབ་རྒྱལ་གསར་པར་བརྟེན་གཞིར་བྱས་པའི་གསོ་རིག་འབུམ་བཞིའི་མཐོ་སློབ་ཁང་གི་ལོ་མཇུག་ཡིག་ཚད་དབུ་འཛུགས་གནང་ཡོད་པ་དང་།

༄༅། །ཞྭ་དཀར་གཡུང་དྲུང་བོན་གྱི་བསྟན་པའི་རྗེས་སུ་འཛིན་པའི་རྒྱལ་ཕྱི་ནང་གང་ན་བཞུགས་པའི་དད་ལྡན་བོན་འབངས་ཡོངས་ཀྱི་སྙན་དབང་དུ་ཞུ་གསོལ།

ཕྱི་ལོ་༢༠༡༧་ཟླ་བ་༡༢་ཚེས་༢༡་དང་བོད་མེ་བྱ་ལོའི་བོད་ཟླ་༡༡་ཚེས་༣་ཉིན་༧གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་དུ་༧ཞྭ་དཀར་གཡུང་དྲུང་བོན་གྱི་བསྟན་པའི་གཙུག་རྒྱན་རྒྱལ་བ་སྨན་རི་བའི་ཁྲི་འཛིན་སོ་བཞི་པའི་རྟགས་སྒྲིལ་གྱི་ཆེད་དུ་བོན་གཞིས་ཐོབ་རྒྱལ་གསར་པའི་གཞིས་དགོན་གཉིས་ནས་རྒྱུན་བཞིའི་གེགས་སེལ་ཞུ་རྒྱུ་དང་།