གཡུང་དྲུང་བོན་གྱི་དྲྭ་རྒྱ།

བོན་བུ་ཁྱིམ་ཁང་དབུ་ཚུགས་ནས་མི་ལོ་༣༡འཁོར་བའི་དུས་ཆེན་སྲུང་བརྩི་ཞུས་པའི་གནས་བསྡུས།

དེ་ཡང་ཕྱི་ལོ་༢༠༡༩།ཟླ་༧ཚེས་༡ཉིན་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་ཉེ་འདབས་སུ་ཆགས་པའི་བོན་བུ་ཁྱིམ་ཁང་བཙུགས་ནས་མི་ལོ་༣༡འཁོར་བའི་དུས་དྲན་སྲུང་བརྩི་ཞུས་ཡོད་པ་དང་། དེ་ཡང་བོན་བུ་ཁྱིམ་ཁང་གི་དབུ་འཛིན་བླ་ཁྲི་མཁན་པོ་དགེ་བཤེས་ཉི་མ་གྲགས་པ་དབུས་གཡུང་དྲུང་བོན་འཛིན་སྐྱོང་ལྷན་ཚོགས་དང་། སྨན་རིའི་གྲྭ་ཚང་། གཡུང་དྲུང་བོན་གྱི་བཤད་སྒྲུབ་འདུས་སྡེ། ས་གནས་གཞིས་འགོ བོན་ཕྲུག་བདེ་དོན། གསོ་རིག་འབུམ་བཞིའི་མཐོ་སློབ། བོན་གཞིས་ཉིན་སློབ་ཀྱི་སློབ་སྤྱི་གཙོས་སློབ་དགེ་རྣམས་དང་སློབ་ཕྲུག་དག དེ་བཞིན་ཚོགས་སྡེ་ཁག་གི་འཐུས་ཚབ་མི་སྣ་བཅས་ཉིན་འདིའི་དུས་ཆེན་མཛད་སྒོར་ཆེད་ཕེབས་གནང་འདུག་ལ།

སྨན་རིའི་གླིང་དུ་འཚོགས་པའི་རིས་མེད་བགྲོ་གླེང་སྐབས་ཀྱི་དཔལ་ལྡན་རྒྱལ་བ་ཇོ་ནང་པ་མཁན་པོ་ཀུན་དགའ་འཚམས་ཆུང་མཆོག་གི་རྩོམ་ཤོག

  ༄༅། ། དཔལ་ལྡན་རྒྱལ་བ་ཇོ་ནང་བའི་མདོ་སྔགས་ཟུང་གི་ལྟ་གྲུབ་ངོ་བོ་གཅིག་པ་ སྟོང་གཞི་དོན་དམ་བདེ་གཤེགས་སྙིང་བོའི་སྐོར་ཉུང་ཙམ་གླེང་བ་ བློ་གསལ་དགའ་བའི་མུན་སེལ་སྒྲོན་མེ། རྩོམ་པ་པོ།   མཁན་པོ་ཀུན་དགའ་འཚམས་ཆུང་།  འཕགས་ཡུལ་ཇོ་ནང་མ་དགོན།

སྨན་རིའི་གླིང་དུ་འཚོགས་པའི་རིས་མེད་བགྲོ་གླེང་སྐབས་ཀྱི་རི་བོ་དགེ་ལྡན་པའི་ལྷ་རམས་པ་ངག་གི་དབང་ཕྱུག་མཆོག་གི་རྩོམ་ཤོག

༄།།རི་བོ་དགེ་ལྡན་པས་མདོ་སྔགས་ཀྱི་འོད་གསལ་དོན་དམ་བདེན་པ་ བཞེད་མི་བཞེད་ཀྱི་བཟུང་མཚམས་བཞུགས་སོ། ། རྩོམ་པ་པོ། ལྷ་རམས་པ་ངག་གི་དབང་ཕྱུག ། དེ་ཡང་མདོ་སྔགས་གཉིས་ཀའི་གཞུང་མང་པོར་འོད་གསལ་ལ་སྟོང་ཉིད་དམ་དོན་དམ་པའི་བདེན་པ་ཞེས་ཚིག་ཟུར་ལ་ཡོད་ཀྱང་། སྔ་རབས་པ་རྣམས་ནི་ཡེ་ཤེས་ལ་དོན་དམ་སྤྲོས་བྲལ་དངོས་བཞེད་ཅིང་། རི་བོ་དགེ་ལྡན་པས་ནི་ཡུལ་གྱི་མིང་ཡུལ་ཅན་ལ་བཏགས་པར་བཞེད་དོ། ། དེ་ཡང་ཤེར་མདོ་ལས་སྟོང་གཞི་ཤེས་པ་ཕྲ་རགས་གཅིག་པོ་ལ་མི་འཇོག་པར། གཟུགས་ནས་རྣམ་མཁྱེན་བར་གྱི་ཆོས་ཐམས་ཅད་བདེན་པས་སྟོང་པས་ན་འོད་གསལ་བར་གསུངས། དཔེར་ན། ཡུམ་གྱི་མདོ་ལས། གཟུགས་ལ་གཟུགས་མ་མཆིས་ཏེ། གཟུགས་ཀྱི་རང་བཞིན་འོད་གསལ་བའི་ཕྱིར། ཅེས་པ་ནས་རྣམ་མཁྱེན་གྱི་བར་དུ་དེ་ལྟར་གསུངས་སོ། །

ཉེ་སྔོན་སྨན་རིའི་གླིང་དུ་འཚོགས་པའི་རིས་མེད་བགྲོ་གླེང་སྐབས་ཀྱི་རྒྱལ་བ་བཀའ་བརྒྱུད་པའི་མཁན་པོ་ཚུལ་ཁྲིམས་ཉི་མ་མཆོག་གི་རྩོམ་ཤོག

རྒྱལ་བ་བཀའ་བརྒྱུད་པའི་མདོ་དང་སྔགས་ཀྱི་ལྟ་གྲུབ་མཚོན་ཙམ་བརྗོད་པ་དྭགས་བརྒྱུད་བླ་མ་དགྱེས་པའི་ཞལ་ལུང་ཞེས་བྱ་བ།།                                                

༢༽ ༧རྒྱལ་བ་སྨན་རིའི་ཁྲི་འཛིན་༣༤པར་ཕུལ་བའི་འཚམས་འཕྲིན་གལ་ཆེན་ཁག་གཅིག

གཉིས་པ། ཞྭ་དཀར་བསྟན་པའི་གཙུག་རྒྱན་སྐྱབས་རྗེ་༧རྒྱལ་བ་སྨན་རིའི་ཁྲི་འཛིན་༣༤པ་དགེ་བའི་བཤེས་གཉེན་ཆེན་མོ་དྲང་སྲོང་ཟླ་བ་དར་རྒྱས་རིན་པོ་ཆེ་མཆོག་ལ་བོད་ཕྱི་ནང་གཉིས་དང་ཕྱི་རྒྱལ་ཡུལ་གྲུ་ཁག་ནས་ཕུལ་འབྱོར་བྱུང་བའི་འཚམས་འཕྲིན་གལ་ཆེན་ཁག་གཅིག

༧རྒྱལ་བ་སྨན་རིའི་ཁྲི་འཛིན་༣༤པར་ཕུལ་བའི་འཚམས་འཕྲིན་གལ་ཆེན་ཁག་གཅིག

ཞྭ་དཀར་བསྟན་པའི་གཙུག་རྒྱན་སྐྱབས་རྗེ་༧རྒྱལ་བ་སྨན་རིའི་ཁྲི་འཛིན་༣༤པ་དགེ་བའི་བཤེས་གཉེན་ཆེན་མོ་དྲང་སྲོང་ཟླ་བ་དར་རྒྱས་རིན་པོ་ཆེ་མཆོག་ལ་བོད་ཕྱི་ནང་གཉིས་དང་ཕྱི་རྒྱལ་ཡུལ་གྲུ་ཁག་ནས་ཕུལ་འབྱོར་བྱུང་བའི་འཚམས་འཕྲིན་གལ་ཆེན་ཁག་གཅིག

བོན་གྱི་བཀའ་འགྱུར་ཞུ་སྒྲིག་དང་དེབ་གཟུགས་དཔར་སྐྲུན་བྱ་བའི་གྲོས་ཚོགས་ཀྱི་དབུ་འབྱེད་མཛད་སྒོ་སི་ཁྲོན་ཁྲིན་ཏུའུ་ལ་སྤེལ་བ།

༢༠༡༦ལོའི་ཟླ་༩པའི་ཚེས་༢༤ཉིན་གྱི་སྔ་དྲོར་སི་ཁྲོན་མི་རིགས་དཔེ་སྐྲུན་ཁང་གི་ཀྲུང་ཧྭའི་བཀའ་བསྟན་ཆེན་མོ་ལས་བོན་གྱི་༼བཀའ་འགྱུར༽དཔེ་སྐྲུན་ལས་གཞིའི་དབུ་འབྱེད་དང་མ་དཔེ་སྒྲིག་ཞུ་གཏན་འབེབས་ཚོགས་འདུ་ཁྲེན་ཏུའུ་རུ་འཚོགས། སི་ཁྲོན་མི་རིགས་དཔེ་སྐྲུན་ཁང་གི་འགོ་གཙོ་སྤྱི་ཁྱབ་རྩོམ་སྒྲིག་པ་ཨ་སྔགས་ཚེ་རིང་བཀྲ་ཤིས་ལགས་ཀྱིས་ཚོགས་འདུར་ཤིས་ཚིག་ཕུལ་བ་དང་། སི་ཁྲོན་མི་རིགས་དཔེ་སྐྲུན་ཁང་གི་འགོ་གཙོ་ཡི་ལག་རོགས་པ། བོད་ཡིག་དཔེ་སྐྲུན་ལྟེ་གནས་ཀྱི་ཀྲུའུ་རེན་འོད་ཟེར་གྱིས་ཚོགས་འདུར་གཙོ་སྐྱོང་གནང་།

མིའི་རིགས་ཀྱི་ཤེས་རིག་གི་གྲོལ་ཕུག་དེ་གདོད་མའི་བོན་གྱི་རིག་གནས་རེད།

འདི་ནི་ངས་བཤད་འདོད་པའི་སྐད་ཆ་ཞིག་སྟེ་མིའི་རིགས་ཀྱི་རིག་གནས་དང་ཆོས་ལུགས་རིག་གནས་གང་ཡིན་ཡང་འབྱུང་ཁུངས་སམ་མ་ཡུམ་ནི་བོན་གྱི་རིགས་གནས་རེད་ཅེས་པའི་ཤེས་རིག་ཐད་ཀྱི་ཐོག་མའི་འབོད་པ་དེ་ཡིན།   ང་ནི་བོད་ནས་སྐྱེས་ཤིང་བོན་ལ་དད་པའི་མི་ཞིག་ཡིན་པས་ངས་བོད་ཀྱི་རིག་གནས་དང་ལོ་རྒྱུས། འཚོ་གནས་ཀྱི་ལམ་བུ་རེ་རེ་ལ་གཟབ་ནན་གྱི་ངང་ནས་འཚོལ་དཔྱོད་བྱས་པ་ཡིན། རིག་གནས་ལོ་རྒྱུས་ཀྱི་དུས་ཡུན་ལ་གཞིགས་ན་བོད་པ་ཡོད་ཚད་བོན་ནས་སྐྱེས་ཤིང་བོན་ནས་འདས་པའི་སྟབས་ཀྱིས་བོན་པོ་མ་ཡིན་པའི་བོད་པ་ཞིག་གང་ན་མཆིས། ངས་ཀྱང་ལོ་ངོ་སྟོང་ཕྲག་མང་པོའི་ཡ་ཐོག་གི་མེས་པོ་རྣམས་ཀྱི་རིག་གནས་ཏེ་བོན་གྱི་རིག་གནས་འདི་ལ་དད་གུས་དང་དག་སྣང་འཇོག་ཞོར་ཞང་ཞུང་རིག་གནས་འདིའི་ངོ་སྲུང་ཞིང་དར་སྤེལ་ལ་རེམ་ནས་ཡོད། དེའི་རྐྱེན་པས། ངས་རང་གི་བོད་པའི་ཡབ་མེས་གོང་མ་རྣམ་པ་དང་ཡབ་མེས་ཚོའི་རིག་གནས་ལ་རྒྱབ་འགལ་དང་ཁྲེལ་མེད་བཟོས་མེད་ལ་ངོ་གནོང་དགོས་པ་དེ་བས་ཀྱང་མེད། འདི་ནི། ངའི་ཁྱིམ་རྒྱུད་ཀྱི་ཡབ་མེས་རྣམ་པས་བཞུད་ཟིན་པའི་མེས་པོ་གོང་མའི་རིག་གནས་སྲུང་བའི་བརྟན་བརླིང་གི་རང་ཚུགས་མངའ་བའི་བག་ཆགས་དེས་གནང་བ་རེད།

དགའ་མལ་དགོན་ཆེན་གྱི་དྲ་བ་ཤར་གཏོང་གནང་བ།

 མདོ་སྨད་གཡུང་དྲུང་བོན་གྱི་འདུས་སྡེ་ཆེན་མོ་༧དཔལ་གཤེན་བསྟན་དགའ་མལ་དགོན་ཆེན་གྱི་དྲ་ཚིགས་ཤར་གཏོང་གནང་བ། ཐ་ཚན་མུ་ཙུག་སྨྲར་རོ། །དེང་དུས་རབས་ཉེར་གཅིག་པའི་སྐབས་འདིར་འཛམ་གླིང་ས་ཡི་སྒང་བ་འདིར་རྒྱལ་ཁབ་དང་མི་རིགས་གྲུབ་མཐའ་རིག་གཞུང་གི་རྣམ་པ་ཡོངས་སུ་ཁྱབ་སྤེལ་བྱེད་པ་ལ་མེད་དུ་མི་རུང་བའི་ཆ་རྐྱེན་ནི་དྲ་བ་ལ་རག་ལས་སྟབས། ད་ཆར་བོད་མི་རིགས་ལ་མཚོན་ན་ཡང་རྒྱལ་ཕྱི་ནང་དང་གཞུང་སྒེར་གང་ཐད་ནས་གཉེར་བའི་བོད་ཡིག་དྲ་ཚིགས་ལོ་རེ་ནས་ལོ་རེ། ཟླ་རེ་ནས་ཟླ་རེ་བཞིན་འཕེལ་རྒྱས་ཀྱི་རྣམ་པར་འགྲོ་བཞིན་པ་ནི་སྨྲོས་མ་དགོས་པ་རེད།

གཡུང་དྲུང་བོན་གྱི་དྲ་ཚིགས་ཁང་གིས་སྤེལ་བའི་ལོ་ཐོ་གསར་པ།

ཕྱི་ལོ་༢༠༡༤ལོ་ནས་འདི་ག་གཡུང་དྲུང་བོན་གྱི་དྲ་ཚིགས་ལས་ཁུངས་ནས་སྟེགས་འཇོག་ལོ་ཐོ་གསར་པ་ཞིག་དཔར་འགྲེམ་ཞུ་བཞིན་ཡོད། ལོ་ཐོ་འདིར་དམིགས་བསལ་གཡུང་དྲུང་བོན་གྱི་གལ་ཆེའི་དུས་ཆེན་ཁག་དང་། ལྷག་པར་དུ་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་གི་སྒྲུབ་པ་བཅུ་གཉིས་བཅས་ཀྱི་ཚེས་གྲངས་སོགས་ནམ་ཡིན་གསལ་པོར་བཀོད་ཡོད་པའི་ཁྱད་བོན་ལྡན་པ་ཡིན། རྒྱས་པར་གཤམ་ནས་གཟིགས།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།

གཡུང་དྲུང་བོན་གྱི་དྲ་རྒྱ་ངོ་སྤྲོད།

གཡུང་དྲུང་བོན་གྱི་དྲ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲ་ཚིགས་ཤིག་ཡིན།

གཡུང་དྲུང་བོན་གྱི་དྲྭ་རྒྱའི་ངོ་སྤྲོད།