ཞང་ཞུང་གི་སྐད་དུ།  །གྱེར་ཞི་ཐ་ཚན་ཏི་ཀ་ཏན་ཏྲ་ད་དོད་ཅི།  །རྒྱ་གར་གྱི་སྐད་དུ།  །ཏིར་ཏི་ཀ་ཤན་ཏི།  །རྒྱལ་ནམ་པ་ལྡོང་གི་སྐད་དུ།  །ལྡན་ཏོ་དེ་བ་ཙེ།  །མེ་ཉག་གི་སྐད་དུ།  །མི་ལཱ་མུ་ཕེད།  །གེ་སར་གྱི་སྐད་དུ།  །རག་ཤའི་རྦེང་ཆིལ། །སུམ་པའི་སྐད་དུ། །ཁྲེ་ཟེ་ཉོ་པེ་ན།  །བོད་སྐད་དུ།  །བོན་ཐམས་ཅད་ཀྱི་ཡང་སྙིང།  །གཏན་ཚིགས་ངེས་པའི་གལ་མདོ།  །ཏན་ཏྲ་ཉི་མའི་འཁོར་ལོ་ཞེས་བྱ་བ། །གཤེན་རབ་སྟོན་པའི་སྐུ་ལ་ཕྱག་འཚལ་ལོ། །རེས་ཤིག་མཚོ་མུ་ལེ་ཏིང་འདུས་ཀྱི་འགྲམ། །གྲོང་ཁྱེར་རྒྱལ་བ་མཉེས་བྱེད་ཀྱི་དབུས། །ཤིང་ཨ་པར་ལྗོན་པའི་བསིལ།  །མཁར་ཟོ་བོ་ཁྱུང་རྩེ་ཞེས་བྱ་བ་ན།  །མཁས་པ་ཆེན་པོ་ད་མི་ཐད་གེ་ཞེས་བྱ་བ་བཞུགས་པ་ལ།  །གཤེན་མ་ངོར་པྲ་ཕུད་ཅེས་བྱ་བས།  །གཡུང་དྲུང་སེམས་ཀྱི་དོན་ཞུས་ཏེ། །དགེ་སྤྱོད་དང་དུ་བཞེས་ཤིང།  །གསང་སྤྱོད་མཐིལ་དུ་ཕབ་པས། །གྲུབ་པའི་མངའ་བསྙེམས་ཏེ།  །

ཞང་ཞུང་སྐད་དུ།  ཏ་རད་ཏ་བཅ་སྤུངས་ཀྱི་སྨྲ།  རྒྱ་ནག་སྐད་དུ།  ཏད་ཀྱ་’མ’ ”ལ”ཝ་རྦིངས། རྒྱ་གར་སྐད་དུ།  ཨུད་པ་དེ་ཤ་ཀ་ལ་པྲ་མ་རྦོམ།  བོད་སྐད་དུ།  མན་ངག་ལུང་གི་ཚད་མ།  རྟོག་པའི་དྲྭ་བ་སེལ་མཛད་པ།  ཀུན་མཁྱེན་དེ་ལ་ཕྱག་འཚལ་ལོ། ཟབ་མོ་ཆ་ཤས་བརྟག་དཀའ་བ།  ཚད་མས་གཏན་ལ་དབབ་པར་བྱ། སྐྱེས་བུ་མི་བསླུ་མ་འཁྲུལ་པ།  མངོན་གསུམ་པ་དང་རྗེས་སུ་དཔག།  དེ་ཡི་མ་འཁྲུལ་མི་བསླུ་བྱེད། འདི་དང་བོན་སྐུ་གཉིས་མེད་དེ།  འདུག་པ་ཐ་དད་མེད་པའི་ཕྱིར་རོ།  གལ་ཏེ་ཐ་དད་ཡོད་པ་ན།  སྣང་བ་འདི་ནི་ལོགས་ཤིག་གམ།  དེ་ལྟར་ཡིན་ན་སྟོང་པ་ཡི།  བཙལ་ཡང་རྙེད་པར་མི་འགྱུར་རོ།

༄༅།།  ཀ་པི་ལྷ་ཡི་སྐད་དུ།  ལྡན་ཏོ་དེ་བ་ཀ་ཀུ་ནང།  ཞང་ཞུང་གི་སྐད་དུ།  མང་བཱེར་ནེ་ར་ཨག་ཐེར་གྱིན།  ནམ་པ་ལྡོང་གི་སྐད་དུ།  ཨ་ཏི་ཧ་ར་མུ་བཱེ་རེ།  སྤུ་རྒྱལ་བོད་ཀྱི་སྐད་དུ།  བཀའ་ལུང་རིག་པ་འཇལ་བའི་ཚད་སྲང།  མན་ངག་གཏན་ཚིགས་རིགས་པའི་དངོས་གཞི།  ཤེས་རབ་རྣམ་པར་འབྱེད་པའི་ལྡེ་མིག་ཅེས་བྱ་བ།  ཐུགས་རྗེས་གཞེན་བཏབ་གསུང་གི་འོད་ཟེར་གྱིས།  འགྲོ་དམན་བློ་ཡི་མུན་པ་སེལ་མཛད་པ།  གཤེན་རབ་སྟོན་པའི་མཆོག་ལ་ཕྱག་འཚལ་ལོ།  མཁའ་ལ་ཉི་ཟླའི་འོད་ཤར་བས།  རིས་སྒྲིབ་མུན་པ་བསལ་བ་བཞིན། སྟོན་པའི་ཐུགས་ལས་འོད་ཤར་བས། རྨོངས་པ་བློ་ཡི་མུན་བསལ་ཕྱིར།  རྗེས་སུ་འཇུག་པའི་གཤེན་རབ་ལ། གོ་བར་བསྟན་གྱིས་འབྲེལ་བར་གྱིས།  འདི་ལ་ངང་གིས་གོམས་བྱས་ན།  རང་རིག་རང་ལ་འཆར་བར་འགྱུར།  རྣམ་འབྱེད་འཕྲུལ་གྱི་ལྡེ་མིག་འདི།