༸རྒྱལ་བ་སྨན་རི་བ་མཆོག་ནས་བོད་ཤིང་འབྲུག་ ༢༠༢༤ ལོའི་བོད་དང་པོ་སྨྲ་སེང་སྒྲུབ་པའི་ཉིན་མཐའ་མར་བཀའ་དབང་བསྩལ་གནང་འདུག

༸གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་འདིར་དེ་རིང་བོད་ཟླ་དང་པོའི་ཚེས་ ༢༣ ནས་གནམ་གོང་བར་རིག་པའི་ལྷ་མཆོག་ཤེས་རབ་སྨྲ་བའི་སེང་གེའི་སྒྲུབ་པ་འཚོགས་རྒྱུ་ཡིན་འདུག

དེ་རིང་བོད་ཤིང་འབྲུག་ལོའི་བོད་ཟླ་ ༡ ཚེས་ ༡༥ གདན་ས་སྨན་རིའི་གླིང་དུ་རྣམ་འདྲེན་བརྒྱད་པ་རྒྱལ་བ་གཤེན་རབ་མི་བོ་མཆོག་སྐུ་སྐྱེ་བ་མི་རུ་བཞེས་ནས་མི་ལོ་ ༡༨༠༤༢ འཁོར་བའི་དུས་མཆོད་དང་སྐབས་ཉེར་གཉིས་པའི་དགེ་བཤེས་མཛད་སྒོའི་ཉིན་དྲུག་པའི་མཛད་རིམ་བསྐྱངས་གནང་སོང་ལ། 

དེ་རིང་བོད་ཤིང་འབྲུག་ལོའི་བོད་ཟླ་ ༡ ཚེས་ ༡༤ དང་། ཕྱི་ལོ་ ༢༠༢༤ ལོའི་ཕྱི་ཟླ་ ༢ པའི་ཚེས ༢༣ ཉིན་གདན་ས་སྨན་རིའི་གླིང་གི་སྐབས་ཉེར་གཉིས་པའི་དགེ་བཤེས་མཛད་སྒོའི་ཉིན་ལྔ་པའི་མཛད་རིམ་བསྐྱངས་གནང་སོང་ལ།  དེ་ཡང་སྔ་དྲོ་བཀའ་རམས་པ་བརྒྱད་ཀྱིས་དམ་བཅའི་ཚིགས་བཤད་བློ་རྒྱུགས་ཕུལ། ཕྱི་དྲོ་དུས་ཚོད་༡།༣༠ ནས་ ༥།༠༠ པའི་བར་བཀའ་རམས་པ་བརྒྱད་དམ་བཅར་བཞུགས་ཤིང་རབ་འབྱམས་དགེ་བའི་བཤེས་རྣམས་ཀྱིས་རིམ་པར་རྟགས་གསལ་རྩོད་གནང་སོང་།

 གདན་ས་སྨན་རིའི་གླིང་གི་སྐབས་ ༢༢ པའི་དགེ་བཤེས་མཛད་སྒོའི་ཉིན་བཞི་པ།

བཀའ་རམས་པ་རག་ཤི་དྲང་སྲོང་ནམ་མཁའ་ཀུན་གསལ་རྒྱལ་མཚན་ནས་དགེ་བཤེས་མཛད་སྒོ་དང་འབྲེལ་ཁོང་ཉིད་ཀྱིས་བརྩམས་པའི་ཆབ་ནག་སྲིད་པ་རྒྱུད་ཀྱི་བོན་སྐོར་ལ་དཔྱད་པ་ཞེས་པའི་དཔེ་གསར་པ་གཅིག་དབུ་འབྱེད་གནང་སོང་།

༧ གདན་ས་སྨན་རིའི་གླིང་གི་སྐབས་ ༢༢ པའི་དགེ་བཤེས་མཛད་སྒོའི་ཉིན་གསུམ་པ།

འདི་ལོར་དགེ་བའི་བཤེས་གཉེན་གྱི་མཚན་རྟགས་བཞེས་གནང་མཁན་བཀའ་རམས་པ་བཅུ་བདུན་ལས་ཉིན་དང་པོ་དང་གཉིས་པ། གསུམ་པ་བཅས་ལ་མི་བཞི་རེ་དང་ཉིན་བཞི་པར་མི་ལྔ་ཡིས་གཞུང་བཤད་དང་གཏོང་སྒོ་ཆེན་མོ། ཉིན་ལྔ་པ་དང་དྲུག་པར་སྔ་ཕྱི་དྲོར་རྒྱུགས་སྤྲོད་དམ་བཅའ་ཆེན་མོ་དང་། ཉིན་བདུན་པར་ཕྱག་འཁྱེར་བསྩལ་གནང་མཛད་རྒྱུདང་ཕྱི་དྲོེ་ཁྲི་བཞེངས་ཀྱི་མཛད་རིམ་བཅས་རིམ་པར་སྐྱོང་གནང་རྒྱུ་ཡིན་འདུག

སྐབས་ ༢༢ པའི་དགེ་བཤེས་མཛད་སྒོའི་ཉིན་དང་པོར་བཀའ་རམས་པ་སྤྱང་རུ་དྲང་སྲོང་ཡེ་ཤེས་རྒྱལ་བ་རྒྱ་མཚོ་དང་། ཁྱུང་པོ་དྲང་སྲོང་གཡུང་དྲུང་འཕྲིན་ལས་རྒྱ་མཚོ་དབྲ་ཚ་དྲང་སྲོང་གཙུག་འཇིགས་མེད་རྒྱ་མཚན། མགར་རུ་དྲང་སྲོང་ཡེ་ཤེས་ཀུན་བཟང་རྒྱ་མཚོ་བཅས་ཀྱི་གཞུང་བཤད་དང་་གཏོང་སྒོ་ཆེན་མོ་གནང་ཡོད་པ་རེད།

གདན་ས་སྨན་རིའི་གླིང་དུ་གཤེན་གྱི་གར་འཆམ་ཆེན་མོ་གཟིགས་འབུལ་ཞུས་ཡོད་པ་དང་། སྐབས་དེར་སྐུ་མགྲོན་གཙོ་བོ་ཧི་མ་ཅཱལ་མངའ་སྡེའི་ལམ་བཟོའམ་གཞུང་ལམ་གྲོང་ཁྱེར་འཛུགས་སྐྲུན་གྱི་བློན་ཆེན་སྐུ་ཞབས་ཝིཀ་ར་མ་དྷི་ཡ་སིངྒ་མཆོག་ཆེད་ཕེབས་གནང་ཡོད་པ་རེད།