རྨད་བྱུང་བསླབ་གསུམ་རིན་ཆེན་ས་གཞིའི་དབུས། །
ཐོས་བསམ་སྒོམ་པའི་གསེར་གྱི་ལྷུན་པོ་འཕགས། །
ཕྲིན་ལས་རྣམ་བཞིའི་དཔག་བསམ་རྒྱས་པའི་རྩེར། །
མི་ནུབ་བསྟན་པའི་རྒྱལ་མཚན་བསྒྲེང་དེར་འདུད། །
བླ་མ་དང་ལྷག་པའི་ལྷ་ཤེས་རབ་སྨྲ་བའི་སེང་གེ་ལ་ཕྱག་འཚལ་ལོ། ། ༡ རྨད་བྱུང་རྒྱལ་བ་རྒྱ་མཚོ་འདུས་པའི་སྐུ། ། སྐུ་མཆོག་ཁྱབ་གདལ་སྨྲ་བའི་དཀྱིལ་འཁོར་ལྷ། ། ལྷ་ཚོགས་འཁོར་བཅས་ཏིལ་གྱི་གོང་བུ་ལྟར། ། མདུན་གྱི་མཁའ་ལ་མངོན་སུམ་ས་ལེར་བ། ། ༢ རབ་བརྗིད་ལྷུན་ཆགས་གསེར་གྱི་རི་བོ་ལ། ། རབ་དཀར་ཉིན་བྱེད་འབུམ་གྱིས་འཁྱུད་པའི་མདངས། ། རབ་མཛེས་དམར་སེར་འོད་ཕུང་ལྷམ་མེ་བ། ། རབ་འབྱམས་རྒྱ་མཚོའི་སྐུ་མངའ་སྨྲ་བའི་སེང་། །
༡ ངག་གི་བདུད་རྩི་འཇོ་བའི་དཔལ། ། དྭངས་གསལ་འོ་མའི་མདངས་འཛིན་ཅན། ། བློ་གྲོས་མིག་གི་གཏེར་གྱུར་ལྷ། ། སྒྲ་དབྱངས་རྒྱལ་མོས་ལན་གཅིག་གསོན། །
མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།
གཡུང་དྲུང་བོན་གྱི་དྲ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲ་ཚིགས་ཤིག་ཡིན།
