གཡུང་དྲུང་བོན་གྱི་དྲྭ་རྒྱ།

སངས་རྒྱས་གཡུང་དྲུང་བོན་གྱི་བསྟན་པའི་མངའ་བདག་༧སྐྱབས་རྗེ་རྒྱལ་བ་སྨན་རིའི་ཁྲི་འཛིན་༣༤པ་མཆོག་ལ་ཕུལ་བའི་ཤིས་ཚིག།

གཉུག་མའི་ཡེ་ཤེས་རང་ཞལ་གསལ་མཛད་པའི།།
གཡུང་དྲུང་བོན་གྱི་བསྟན་པའི་རྒྱལ་ཚབ་མཆོག།
སྨན་རིའི་ལུང་རྟོགས་པད་མོ་འཛུམ་པའི་གཉེན།།
གསེར་ཁྲིའི་མངའ་བདག་ཉིན་བྱེད་སྣང་བའི་མགོན།།

ཕྱི་ལྟ་བ་སྤྱི་གཅོད་མན་ངག་ལེའུ་བཅུ་གཉིས་པའི་གཞུང་ལས་གསལ་བའི་རིམ་གྱིས་པ་དང་ཐོད་རྒལ་བ་གཅིག་ཆར་བ་གསུམ་གྱི་གོ་དོན་སྙིང་བསྡུས།

སྙན་རྒྱུད་མན་ངག་ལེའུ་བཅུ་གཉིས་པའི་གཞུང་གི་ནང་ཚན་ལེའུ་བཞི་པ་ལས།

རྩ་བའི་བླ་མའི་གསོལ་འདེབས་ཀྱི་འགྲེལ་བདེ་ལེགས་ཀུན་འབྱུང་།

ཨེ་མ་ཧོ། རབ་འབྱམས་ཕྱོགས་བཅུའི་རྒྱལ་བ་སྲས་བཅས་ཀྱི།། མཁྱེན་བརྩེའི་ཡེ་ཤེས་ངོ་བོ་གཅིག་བསྡུས་པ།། ཟབ་རྒྱས་གཤེན་བསྟན་སྤེལ་བའི་འཕྲིན་ལས་ཅན།། ལུང་རྟོགས་བསྟན་པའི་ཉི་མ་རྟག་འཆར་ཤོག།།

རྩ་བའི་བླ་མའི་གསོལ་འདེབས་ཀྱི་འགྲེལ་རིག་པ་རང་ཤར།

ཨེ་མ་ཧོ། བསླབ་གསུམ་བསྟན་པའི་བདག་ཉིད་འགྲོ་བའི་མགོན།། ཀུན་མཁྱེན་ཉི་དབང་རྣམ་རོལ་དགོངས་རྩལ་རྫོགས།། མདོ་སྡེ་སྔགས་ཀྱི་གནས་ལུགས་རྫོགས་པ་ཆེའི།། བསྟན་པ་འཛིན་སྐྱོང་འཕྲིན་ལས་རྣམ་པར་དག།། ཡོངས་འཛིན་སྨྲ་བའི་དབང་པོར་གསོལ་བ་འདེབས།།

༧ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་རྒྱལ་བ་སྨན་རིའི་ཁྲི་འཛིན་སོ་བཞི་པ་རིན་པོ་ཆེ་མཆོག་ཉེ་ཆར་ཐེ་ལན་ཌི་Thailand རུ་འགྲོ་དོན་དུ་ཕྱོགས་ཕེབས་མཛད་པའི་སྐོར།

དེ་ཡང་གཡུང་དྲུང་བོན་གྱི་དབུ་ཁྲིད་བླ་ཆེན་༧ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་རྒྱལ་བ་སྨན་རིའི་ཁྲི་འཛིན་སོ་བཞི་པ་རིན་པོ་ཆེ་མཆོག་རྒྱལ་སྤྱིའི་ཧི་མ་ལ་ཡ་ཞང་ཞུང་རྫོགས་ཆེན་གླིང་གི་དབུ་འཛིན་བླ་མ་ཨ་དཀར་པ་རིན་པོ་ཆེ་མཆོག་གིས་ཆེད་དུ་གདན་ཞུས་ཇི་ལྟར་གསོལ་བ་བཏབ་པ་ལྟར། སྤྱི་ལོ་༢༠༡༩། ཟླ་བ་༡༢། པའི་ཚེས་༡༠། ཉིན་རྒྱལ་ས་ལྡི་ལི་རྒྱལ་སྤྱིའི་གནམ་ཐང་ནས་ཆིབས་ཐོན་གྱིས། མཁའ་ལམ་བརྒྱུད་ཐེ་ལན་ཌའི་རྒྱལ་ས་བྷན་གྷོ་Bangkok རུ་བདེ་ལེགས་ངང་ཕེབས་འབྱོར་ཆིབས་བསུ་གནང་།

སྔགས་སེམས་ཀྱི་གཞུང་ཟབ་མོ་འགའ་ཞིག་ནས་གསུངས་པའི་ལུས་གནད་ཀྱི་སྐོར།

གསང་བ་སྔགས་ཀྱི་གཞུང་དང་ཡང་གསང་བླ་མེད་ཀྱི་གཞུང་དུ་མ་ནས་ཟབ་མོ་འཕོ་བའི་ཉམས་ལེན་དང་། རིམ་གཉིས་བསྐྱེད་རྫོགས་ཀྱི་ཉམས་ལེན། དེ་བཞིན་རིག་པ་རང་གྲོལ་གྱི་ཉམས་ལེན་སྐྱོང་བའི་སྐབས་རྣམས་སུ། ལུས་ངག་ཡིད་གསུམ་དང་འབྲེལ་བའི་ཉམས་ལེན་གྱི་གནད་བསམ་གྱིས་མི་ཁྱབ་པ།  དགོས་པ་རྒྱུ་མཚན་རེ་རེ་དང་འབྲེལ་ནས་མཚོན་དོན་དང་བརྡ་དོན་སོགས་ཐུན་མོང་མ་ཡིན་པའི་འགྲེལ་བརྗོད་དང་རྣམ་བཤད་ཇི་སྙེད་ཅིག་གུད་དུ་བཞུགས་ཡོད་པ་སྨོས་ཅི་ལ་དགོས།  ད་ལན་དེ་དག་གི་ནང་ནས་བཅའ་བ་ལུས་ཀྱི་གནད་ལ་ཆ་ལུགས་ལྔ་ལྡན་དང་དྲུག་ལྡན་བདུན་ལྡན་དགུ་ལྡན་སོགས་ཀྱིས་མཚོན་པའི་ལུས་གནད་ཀྱི་སྐོར།  རྗེ་སྤྲུལ་པའི་སྐུ་ཡིས་གདམས་པའི་སྙན་རྒྱུད་གཞུང་གི་ནང་ཚན་མཉམ་བཞག་སྒོམ་པའི་ལག་ལེན་དང་།  འགྲོ་མགོན་ཚེ་དབང་རིག་འཛིན་གྱིས་མཛད་པའི་ཚེ་དབང་བོད་ཡུལ་མིའི་གཞུང་གི་ལག་ཁྲིད་མ་རིག་མུན་སེལ་དང་།  བྲུ་ཡི་གཤེན་པོ་རྒྱལ་བ་གཡུང་དྲུང་གིས་མཛད་པའི་ཉམས་རྒྱུད་རྒྱལ་བའི་ཕྱག་ཁྲིད་དང་།  གྲུབ་དབང་བསྟན་འཛིན་རིན་ཆེན་རྒྱལ་མཚན་གྱིས་མཛད་པའི་དམར་ཁྲིད་དུག་ལྔ་རང་གྲོལ་གྱི་གཞུང་དང་།  ཀུན་ཏུ་བཟང་པོས་གསུངས་པའི་ལམ་མངོན་སངས་རྒྱས་པའི་རྒྱུད་ཀྱི་གཞུང་དང་། བོན་གྱི་སྤྱན་ལྡན་ཆེན་པོ་འ་ཞ་འགྲོ་མགོན་བློ་གྲོས་རྒྱལ་མཚན་གྱིས་མཛད་པའི་ཁྲོ་འགྲེལ་གསལ་བྱེད་ཉི་མའི་འཁོར་ལོ་དང་དྲུག་ལས་ཟུར་དུ་ཕྱུངས་ཏེ།  རང་གཞན་ཀུན་གྱིས་གཟིགས་པ་བདེ་བའི་ཕྱིར་དུ་འདིར་དྲངས་ནས་འགོད་པར་འདོད་དོ།

 བོད་ཀྱི་དཔེ་རྙིང་མྱུར་སྐྱོབ་པ་སྐུ་ཞབས་རྗེན་Ellis Gene Smithལགས་ངོ་སྤྲོད།

༡] འཁྲུངས་འདས་དང་། མཚན། ཁྱིམ་རྒྱུད།   སྐུ་ཞབས་རྗེན་སི་མི་ཐི་མཆོག་ནི། ཨ་རིའི་(Utah)ཨུ་ཏ་ས་གནས་ཀྱི་(Ogden)ཨོ་ཏན་ཞེས་པར་ཕྱི་ལོ་༡༩༣༦ ཟླ་༨ པའི་ཚེས་༡༠ ཉིན་ཡེ་ཤུ་མོ་མི་ནེ་སིམ་ཆོས་བརྒྱུད་ཀྱི་སྲོལ་གཏོད་པ་སྙན་གྲགས་ཅན་(Joseph Smit)ཇོ་སེབ་སི་མེ་ཐིའི་ཁྱིམ་རྒྱུད་དུ་སྐུ་འཁྲུངས། མཚན་དངོས་ལ་(Ellis Gene Smith)ཨེ་ལི་སི་རྗེན་སི་མི་ཐི་ཞེས་བྱ་ཞིང་། ཁོང་ལ་སྐུ་སྲིང་གསུམ་ཡོད། དུས་རྒྱུན་ཉེ་འབྲེལ་གྱི་མི་དག་གིས་ཁོང་ལ་རྗེན་ཞེས་འབོད། ད་ཕན་བོད་ཡིག་ཐོག་སྐུ་ཞབས་ཁོང་གི་མཚན་འབྲི་སྐབས་རྗེན་སི་མི་སི་ [1]དང་། ཇེན་སི་མི་ཐི་ཞེས་འབྲི་སྲོལ་གཉིས་སྣང་མོད། རྗེན་སི་མི་ཐི་ [2]ཞེས་བྲིས་ན་དབྱིན་ཡིག་གི་སྒྲ་དང་ཉེ་བར་སྣང་། དམ་པ་ཁོང་དགུང་གྲངས་དོན་བཞིར་སོན་པ། ཕྱི་ལོ་༢༠༡༠ ལོའི་ཕྱི་ཟླ་༡༢ ཚེས་༡༦ ཉིན་ཨ་རིའི་ནེའུ་ཡོག་ཏུ་སྐུ་གཤེགས་ཤིང་། དེ་སྐབས་བོད་ཕྱི་ནང་གི་གནད་ཡོད་མི་སྣ་མང་པོས་མྱ་ངན་གུས་འདུད་ཞུས་ཏེ།

ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་༧རྒྱལ་བ་སྨན་རིའི་ཁྲི་འཛིན་༣༤ཆེན་པོ་མཆོག་ཨ་རིའི་བོན་གཤེན་གླིང་བོན་ཚོགས་སུ་ཆིབས་བསྒྱུར་བསྐྱངས་པ།

ཕྱི་ཟླ་༨ པའི་ཚེས་༡༢ ཉིན་ཨ་རིའི་འོལ་མོ་གླིང་བོན་ཚོགས་ནས་ཆིབས་ཐོན་མཛད་དེ་ཨ་རིའི་གྲོང་ཁྱེར་ནེའུ་ཡོག་New York རྒྱལ་སར་ཕེབས་འབྱོར་བྱུང་། ནེའུ་ཡོག་རྒྱལ་སྤྱིའི་གནམ་ཐང་དུ་ཨ་རིའི་བོན་ཚོགས་བོན་གཤེན་གླིང་གི་དབུ་བླ་སྐྱོང་སྤྲུལ་དགེ་བཤེས་བསྟན་འཛིན་རྣམ་རྒྱལ་རིན་པོ་ཆེ་དབུས། ས་གནས་ནེའུ་ཡོག་བོད་རིགས་སྤྱི་མཐུན་ཚོགས་པའི་ཚོགས་གཙོ་དང་། མདོ་སྨད་ཚོགས་གཙོ། དེ་བཞིན་མདོ་ཁམས་ཆུ་བཞི་སྒང་དྲུག་གི་ཚོགས་གཙོ་བྱས་ནེའུ་ཡོག་དང་། ཁོ་ནེ་ཊི་གེཊ། ནིའུ་ཇེའེ་སི་བཅས་ཀྱི་གཡུང་དྲུང་བོན་ལ་དད་དམ་གཡོ་བ་མེད་པའི་ལྷ་སྡེ་དང་། ཕྱི་རྒྱལ་བ་དད་ལྡན་སློབ་མ། བོན་ཕྲུག་བདེ་དོན་སློབ་ཟུར་རྣམ་པས་བཀྲ་ཤིས་པའི་ཕྱེ་མར་དང་། བདུད་རྩིའི་ཆང་ཕུད། དྲི་མེད་ཀྱི་ལྷ་དར་སོགས་མཆོད་པའི་རྫས་སྣ་ཚོགས་ཀྱིས་སྣེ་དྲངས་ནས་ཨ་རིའི་བོན་གཤེན་གླིང་དུ་ཕེབས་བསུ་ཟབ་རྒྱས་ཀྱིས་ཚོགས་ཁང་དུ་གདན་ཞུ་གནང་སྟེ་གཅན་ལྔ་རིན་ཆེན་ཁྲི་ལ་མངའ་གསོལ་མཛད་ནས་བོན་གཤེན་གླིང་གི་དབུ་བླ་སྐྱོང་སྤྲུལ་རིན་པོ་ཆེ་མཆོག་ནས་མ་འདལ་སྐུ་གསུང་ཐུགས་རྟེན་འདེགས་འབུལ་གྱི་རིམ་པ་དང་། མི་དམངས་ནས་མཆོད་པ་རྣམ་ལྔ་སོགས་བསྟར་འབུལ་ཞུས།

༧ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་༧རྒྱལ་བ་སྨན་རི་བའི་ཁྲི་འཛིན་༣༤ཆེན་པོ་མཆོག་འོལ་མོ་གླིང་བོན་ཚོགས་སུ་ཆིབས་བསྒྱུར་བསྐྱངས་པ།

ཕྱི་ཟླ་༨ པའི་ཚེས་ ༥ ཉིན་ ༸ ཞྭ་དཀར་བསྟན་པའི་གཙུག་རྒྱན་༧དཔལ་རྒྱལ་བ་སྨན་རི་བ་ལུང་རྟོགས་ཟླ་བ་དར་རྒྱས་རིན་པོ་ཆེ་དཔལ་བཟང་པོ་མཆོག་བྱང་ཨ་རིའི་མི་ནེ་སོ་ཏྲར་གཡས་རུ་བོན་གྱི་སྒྲུབ་སྡེ་ནས་ཆིབས་ཐོན་མཛད་ནས་པིས་བྷར་Pittsburgh རྒྱལ་སྤྱིའི་གནམ་ཐང་བརྒྱུད་འོལ་མོ་གླིང་བོན་ཚོགས་སུ་ཞབས་སོར་འཁོད་ཡོད་པ་དང་།

ཀུན་གཟིགས་བོན་བརྒྱ་ཐམས་ཅད་མཁྱེན་པ་དགེ་ལེགས་ལྷུན་གྲུབ་རྒྱ་མཚོའི་གསུང་འབུམ་པར་དུ་བསྐྲུན་པ།

འཛམ་གླིང་མཁས་གྲུབ་བྱེ་བའི་གཙུག་རྒྱན་རྗེ་བོན་བརྒྱ་དགེ་ལེགས་ལྷུན་གྲུབ་རྒྱ་མཚོ་རིན་པོ་ཆེ་མཆོག་གི་གསང་གསུམ་ཡེ་ཤེས་ཀྱི་འཁོར་ལོ་བསམ་གྱིས་མི་ཁྱབ་པ་ལས། ཤེས་བྱ་རིག་པའི་གནས་ཆེན་སྤྱི་དང་། ལྷག་ཏུ་ཐེག་ཆེན་སངས་རྒྱས་གཡུང་དྲུང་བོན་གྱི་མདོ་སྔགས་སེམས་གསུམ་གྱི་བརྗོད་བྱའི་དོན་རྣམས་ལུང་རིགས་དཔེ་གསུམ་གྱིས་རྣམ་པར་བཀོད་པ་ལ། ཐོག་མར་རྒྱལ་བའི་བཀའ་དང་བཀའ་བརྟེན་གྱི་དགོངས་དོན་མ་ལུས་ལུང་གི་སྙིང་པོར་གཞི་བཅོལ་ཏེ། གསུང་རབ་དཔེ་རྒྱུན་གྱི་མཐུན་རྐྱེན་གང་འཛོམས་ལ་བརྟེན་ནས་རིག་པའི་གདར་ཤ་བཅད། ཚད་མ་གསུམ་དང་འབྲེལ་བའི་གྲུབ་མཐའི་བཞེད་གཞུང་དང་ལོ་རྒྱུས་ཁུངས་ཐུབ་ཀྱིས་ཟུར་བརྒྱན་ཏེ། བོད་ཀྱི་སྐད་དང་ཡི་གེ ཆོས་ལུགས་ལོ་རྒྱུས། རིག་གནས་སྒྱུ་རྩལ། སྒྲ་དག་སྙན་ངག རྩིས་དང་སྡེབ་རིས། ཡིག་གཟུགས་མཛེས་རྩལ། མདོ་སྔགས་སེམས་གསུམ་ཀུན་ལ་ཐོས་བསམ་ལྷུར་བཞེས་གནང་བས་མཁས་པའི་གྲགས་པ་འཛིན་མའི་ཁྱོན་དུ་ལྡིར་ཡོད་ལ། དེ་ལས་རྒྱལ་ཁབ་ཕྱི་ནང་གི་མཁས་པ་སྤྱི་དང་། བོད་རིག་པའི་ཞིབ་འཇུག་པ་དང་དགེ་སློབ་ནམ་མཁའི་སྤྲིན་བཞིན་འདུས་ཤིང་། དེ་དག་ལ་རྒྱུད་ལ་ཕན་པའི་གསོ་སྐྱོང་གང་ལེགས་མཛད་པ་དང་། སྤྱི་ཚོགས་གསར་རྙིང་གཉིས་ཀྱི་བསྣོལ་མཚམས་སུ་བོད་ཀྱི་རིག་གནས་ལ་ཉམས་པ་སོར་ཆུད་དང་། མ་ཉམས་གོང་འཕེལ་དུ་འཛིན་སྐྱོང་སྤེལ་གསུམ་གྱིས་མཛད་རྗེས་བླ་མེད་བཞག་པས། བོད་རིག་པའི་གཞུང་ལུགས་ལ་དཀའ་འགྲེལ་ཁ་གསལ་ཅན་དང་རྒྱལ་རབས་ལོ་རྒྱུས་ཀྱི་ཐད་ལ་དྲང་བདེན་དཔྱད་གསུམ་ཚད་མ་ཡང་དག་གིས་གཞལ་ནས། གསུང་འབུམ་གླེགས་བམ་བཅུ་ཕྲག་གཅིག་གི་བདག་ཉིད་ཅན་དུ་གྲུབ་ཡོད།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན།

མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།

གཡུང་དྲུང་བོན་གྱི་དྲ་རྒྱ་ངོ་སྤྲོད།

གཡུང་དྲུང་བོན་གྱི་དྲ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲ་ཚིགས་ཤིག་ཡིན།

གཡུང་དྲུང་བོན་གྱི་དྲྭ་རྒྱའི་ངོ་སྤྲོད།