དེ་ཡང་སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་གི་འདི་ལོའི་༢༠༡༩ནང་གི་ལས་རིམ་བང་བསྒྲིགས་ལྟར་ཉེ་བའི་ཟླ་བ་གཅིག་གི་སྔོན་ནས་ས་གནས་མངའ་སྡེ་འདྲ་མིན་ནང་དུ་བོད་ཀྱི་ཆོས་བརྒྱུད་རིས་མེད་ཀྱི་སྨོན་ལམ་ཚིག་མཛོད་ཆེན་མོའི་རྩོམ་སྒྲིག་ཚོགས་ཁག་ཕལ་མོ་ཆེར་བསྐོར་བསྐྱོད་རྟོག་ཞིབ་གྲུབ་སྟེ། སྤྱི་ལོ་༢༠༡༩ཟླ་བ་༠༥ཚེས་༡༨ཉིན་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རི་གླིང་དུ་ཕེབས་ནས། འདི་ག་གཡུང་དྲུང་བོན་གྱི་ཚིག་མཛོད་རྩོམ་སྒྲིག་པ་རྣམས་དང་མཉམ་དུ་༧གཡུང་དྲུང་བོན་གྱི་དབུ་ཁྲིད་༧ཞྭ་དཀར་བསྟན་པའི་གཙུག་རྒྱན་སྐྱབས་རྗེ་རྒྱལ་བ་སྨན་རིའི་ཁྲི་འཛིན་སོ་བཞི་པ་ལུང་རྟོགས་ཟླ་བ་དར་རྒྱས་མཆོག་ལ་མཇལ་བཅར་ཞུས་ནས་ཆོས་བརྒྱུད་རིས་མེད་ཀྱི་༼སྨོན་ལམ་ཚིག་མཛོད་ཆེན་མོའི་༽འདས་མ་ད་གསུམ་གྱི་གལ་ཆེན་རང་བཞིན་ཁག་སྙན་སྒྲོན་ཞུས་ཤིང་། ༧ཁྲི་འཛིན་རིན་པོ་ཆེ་མཆོག་ནས་ཀྱང་ངས་མི་ངོར་བལྟས་ནས་ཤོད་པ་མ་ཡིན་པ་ལས་གཞི་འདི་བཞིན་ཧ་ཅང་གི་གལ་ཆེན་དང་དེ་བཞིན་སྤྱི་ཚོགས་ལ་ཕན་ཐོགས་ཆེན་པོ་ཞིག་ཡོད་པ་ཚོར་གྱིན་ཡོད་ཅེས་སོགས་ཐུགས་དགྱེས་ཚོར་ཆེན་པོས་བསྔགས་བརྗོད་གནང་བ་དང་ཁྲི་འཛིན་སྐུ་གོང་མས་རྒྱབ་སྐྱོར་ཇི་ལྟར་བསྩལ་བ་བཞིན་ཁོང་གིས་ཀྱང་ཞུ་དང་ཞུ་འཆར་སོགས་ཀྱི་བཀའ་སློབ་ལམ་སྟོན་རྒྱ་ཆེར་བསྩལ་གནང་མཛད།

རྩོམ་པ་པོ། ས་དམར་ཚེ་རིང་དོན་གྲུབ། [གནད་བཏུས] ཕྱི་དར་གྱི་སྐབས་སུ་བླ་རབས་གདུང་འཛིན་པ་གཤེན་རྨེའུ་སྤ་དང་བྲུ། ཞུ་དང་ཁྱུང་བཅས་མང་པོ་བྱུང་། ཞུའི་གདུང་རྒྱུད་དུ་བླ་མ་གྲགས་ཅན་ཞུ་སྒོམ་འཁྲུལ་ཞིག་བྱ་བ་བྱུང་ནས། དབུས་གཙང་དང་མདོ་ཁམས་ཕྱོགས་སུ་མཛད་པ་བསྐྱངས་ཏེ་ཞལ་སློབ་ཞིག་ཆེན་བཅོ་བརྒྱད་ཅེས་པའི་སྐུ་གསུང་ཐུགས་ཀྱི་སློབ་བུ་མང་པོ་བྱུང་། ཡིན་ཡང་དུས་ད་ལྟའི་བར་དུ་ཞིག་པོའི་གདུང་རྒྱུད་ཀྱི་བུ་སློབ་བཅོ་བརྒྱད་དང་། སྒོས་སུ་ཞུ་སྒོམ་འཁྲུལ་ཞིག་གི་མི་ཚེའི་འཕྲིན་ལས་སོགས་ལ་རྒྱལ་ཕྱི་ཀུན་ཏུ་ཞིབ་འཇུག་བྱས་པའི་ཆེད་རྩོམ་སོགས་བཙལ་ཀྱང་མ་རྙེད་པས། ཆེད་དམིགས་ཀྱིས་འདིའི་རྣམ་ཐར་བཙལ་བར་བོན་གྱི་བཀའ་བརྟེན་ཆེན་མོ་ལས་རྣམ་ཐར་གཅིག་དང་། རྔ་བ་རྟོགས་ལྡན་དགོན་པའི་བླ་བྲང་དཔེ་མཛོད་དུ་སྐྱེས་རབས་རྣམ་ཐར་གཅིག་བཞུགས་པ་ལག་སོན་བྱུང་། རྣམ་ཐར་འདི་གཉིས་ནི་བོན་གྱི་རིག་གཞུང་བསམ་བློ་དང་ལྷག་པར་དུ་བོན་གྱི་འདུལ་བསྟན་ཕྱི་དར་སྐབས་ཀྱི་ཡིག་ཆ་གལ་ཆེན་དུ་མཐོང་ནས་དཔྱད་པ་བཏང་ཡོད།

                                              གལ་ཆེའི་གསལ་བསྒྲགས། ཕན་བདེའི་འབྱུང་གནས་སངས་རྒྱས་གཡུང་དྲུང་བོན་གྱི་རྒྱལ་བསྟན་རིན་པོ་ཆེ་སྤྱི་དང་བྱེ་བྲག་རང་རེའི་ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་མཁན་སློབ་རྣམ་པ་གཙོས་པའི་རིས་མེད་ཀྱི་སྐྱེས་ཆེན་རྣམ་པའི་སྐུ་ཚེ་བསྐལ་བརྒྱར་བརྟན་ཆེད་དང་། ཡངས་པའི་ཁམས་སུ་སྐྱེ་འགྲོ་ཀུན་གྱི་མི་མཐུན་རྒུད་པའི་ཚོགས་རྣམས་ཉེ་བར་ཞི་སྟེ་མཐར་བདེ་སྐྱིད་ཀྱི་དཔལ་ལ་རོལ་བའི་ཆེད་དུ།

གཡུང་དྲུང་བོན་བཤད་སྒྲུབ་སློབ་གླིང་གི་དཀའ་གནད་གཞུང་བརྒྱའི་བགྲོ་གླིང་ཁང་ཆེན་ནས་སྤྱི་ལོ་༢༠༡༩ལོའི་ཟླ་༤ཚེས༡༤་ཉིན་སློབ་མ་རྣམས་ལ་བརྩལ་བའི་གཏམ་བཤད་སྒྲ་བཤུས། ལེགས་སོ།  ཐོག་མར་གོང་བཞུགས་ཀྱི་དགེ་བའི་བཤེས་གཉེན་རྣམ་པ་དང་།  སློབ་མ་ཡོངས་ལ་འཚམས་འདྲིའི་བཀྲ་ཤིས་བདེ་ལེགས་ཞུ་བ་ཡིན།  (ཐལ་མོ་རྡེབ་སྒྲ)   ང་རང་ཚོས་སློབ་གསོའི་ལས་རིམ་འདི་སྤེལ་གྱི་ཡོད་བ་བཞིན། ལས་རིམ་སྤེལ་སྟངས་ཀྱི་ཁྲོད་དུ་ཐོག་མར་ངས། རེ་བའམ་བསམ་འཆར་ཞིག་ཡོད་པ་ནི།   ང་རང་ཚོ་ལས་དང་སྨོན་ལམ་གྱི་སྟོབས་ཀྱིས་དགེ་རྒན་དང་སློབ་མའི་འབྲེལ་བ་བྱུང་སོང་བ་རེད།  དེ་འདྲ་ཡིན་ཙང་།  ཁྱེད་རྣམ་པར་སློབ་གསོ་བྱེད་པའི་ཁ་ཐུག་ལ།  འཁྲབ་སྟོན་དང་།  གར་སྟབས་ཙམ་གྱི་རྣམ་པ་མི་འཛིན་པར།  གང་བཤད་པའི་ནང་གི་ལེགས་ཆ་ཅི་ཡོད་པ་དེ། ཡང་དག་པའི་སྒོ་ནས་ཉམས་སུ་ལེན་རྒྱུ་དེ་ཐོག་མར་སེམས་གཏིང་གི་རེ་བ་ཡིན།  དེ་མ་ཡིན་པར། དེ་རིང་གཅིག་གིས་རྫིག་པོ་ཞིག་བཤད་སོང་།  གཉིས་ཀྱིས་ཡག་པོ་བཤད་མ་སོང་ཟེར་བ་འདྲ་བོ།  ཕལ་ཆེ་བས་རྫིག་པོ་ཞིག་

བོད་ཅེས་པའི་གོ་དོན་བཤད་པ། རྩོམ་པ་པོ། ཆབ་འགག་རྟ་མགྲིན། གངས་རིའི་ཁྲོད་ཀྱི་མི་རིགས་འདིའི་མིང་ལ་བོད་ཅེས་འབོད་དོན་ཅི་ཡིན་པའི་ཐད་མཁས་པ་སོ་སོའི་བཞེད་ཚུལ་མི་འདྲ་སྟེ། ཁ་ཅིག་གིས་བུད་པའམ་བྱོན་པ་ཞེས་པ་ལས་བྱུང་བར་བཤད་པ་དང་། ཁ་ཅིག་གིས་འོད་དེ་ཞེས་པ་ལས་བྱུང་བར་བཞེད། ཁ་ཅིག་གིས་འདོད་རྒྱལ་གྱི་མིང་དུ་འདོད། ཁ་ཅིག་གིས་བོན་ལས་བོད་ཀྱི་ཐ་སྙད་བྱུང་བར་བཞེད། དེ་ཡང་བཞེད་པ་དང་པོའི་རྟེན་སའི་ལུང་ནི་སློབ་དཔོན་ཤེས་རབ་གོ་ཆས་མཛད་པའི་《ལྷ་ལས་ཕུལ་བྱུང་གི་བསྟོད་འགྲེལ》ལས། “རུ་པ་ཏི་བྱ་བའི་རྒྱལ་པོ་དཔུང་གི་ཚོགས་གཅིག་དང་བཅས་པ་གཡུལ་འགྱེད་པའི་ཚེ། བུད་མེད་ཆ་ལུགས་སུ་བྱས་ཏེ་བྲོས་ནས་རི་ཁ་བ་ཅན་གྱི་རི་ཁྲོད་དུ་ཞུགས་ཏེ།