ལུ༷ང་རིགས་མཛོད་འཆང་རྒྱུད་གསུམ་མདོ་འཛིན་མཚན་ལྡན་དཔོན་གསས་བླ་མ་རྗེ།། རྟོག༷ས་གྲོལ་ཡོན་ཏན་གཤོག་དྲུག་འདབ་རྒྱས་འཁོར་འདས་སྤྱི་རྒྱ་རླབས་ཀྱིས་གཅོད།། བསྟ༷ན་པ༷འི་གསལ་བྱེད་རྒྱུན་གནས་བཞི་ཡིས་ཐུགས་རྗེའི་འཇུག་པ་རྒྱུན་དུ་བསྲིངས།། ཉི༷་མ༷་འོད་ཆེན་བསྟན་འགྲོའི་གཙུག་རྒྱན་འགྲོ་བའི་མུན་སེལ་ཁྱེད་ལ་འདུད།།

ཨེ་མ་ཧོ། རབ་འབྱམས་ཕྱོགས་བཅུའི་རྒྱལ་བ་སྲས་བཅས་ཀྱི།། མཁྱེན་བརྩེའི་ཡེ་ཤེས་ངོ་བོ་གཅིག་བསྡུས་པ།། ཟབ་རྒྱས་གཤེན་བསྟན་སྤེལ་བའི་འཕྲིན་ལས་ཅན།། ལུང་རྟོགས་བསྟན་པའི་ཉི་མ་རྟག་འཆར་ཤོག།།

ཨེ་མ་ཧོ། བསླབ་གསུམ་བསྟན་པའི་བདག་ཉིད་འགྲོ་བའི་མགོན།། ཀུན་མཁྱེན་ཉི་དབང་རྣམ་རོལ་དགོངས་རྩལ་རྫོགས།། མདོ་སྡེ་སྔགས་ཀྱི་གནས་ལུགས་རྫོགས་པ་ཆེའི།། བསྟན་པ་འཛིན་སྐྱོང་འཕྲིན་ལས་རྣམ་པར་དག།། ཡོངས་འཛིན་སྨྲ་བའི་དབང་པོར་གསོལ་བ་འདེབས།།