རྒྱལ་བ་གཤེན་གྱི་འབྱུང་ལྡན་སུམ་བརྒྱ་དང་གཅིག་བོད་ས་ཕོ་ཁྱི་ལོའི་བོད་ཟླ་དང་པོའི་ཚེས་ལྔ་ཉིན་ཏེ། ཕྱི་ལོ་ ༢༠༡༨ ཟླ་ ༠༢ ཚེས་ ༢༠ ཉིན་༧ཞྭ་དཀར་གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་དུ་རྗེ་མཉམ་མེད་ཆེན་པོའི་དུས་ཆེན་དང་། སྨན་རིའི་མཁན་རབས་སོ་བཞི་པ་ཁྲི་བཞེངས་མཛད་སྒོ། སྐབས་བཅུ་དགུ་པའི་དགེ་བཤེས་མཛད་སྒོ་བཅས་དུས་ཆེན་སུམ་འཛོམས་ཉིན་མོར་དགེ་བཤེས་མཛད་སྒོ་དབུ་འཛུགས་གནང་ཡོད་པ་དང་།

  དེ་ཡང་གསལ་བསྒྲགས་སྔོན་སོང་ལྟར་༧རྒྱལ་བ་གཤེན་གྱི་འབྱུང་ལྡན་སུམ་བརྒྱ་དང་གཅིག་བོད་ས་ཕོ་ཁྱི་ལོའི་བོད་ཟླ་དང་པོའི་ཚེས་ལྔ་ཉིན་ཏེ། ཕྱི་ལོ་ ༢༠༡༨ ཟླ་ ༠༢ ཚེས་ ༢༠ ཉིན་༧རྒྱལ་བ་མཉམ་མེད་ཆེན་པོའི་འཁྲུངས་མཆོད་དུས་ཚེས་བཟང་པོ་དང་སྟབས་བསྟུན་ཞོགས་པ་ཕྱག་ཚོད་བདུན་པའི་ཐོག་བོད་གཞིས་བྱེས་བོན་འབངས་ཡོངས་ཀྱི་བསྟན་པའི་དབུ་ཁྲིད། རྒྱལ་བ་མཉམ་མེད་ཆེན་པོའི་གདུང་འཚོབ་ལྷ་མི་ཟུང་འབྲེལ་གྱི་ཐུགས་དམ་གཡོ་མེད་ངང་ནས་བསྟན་པའི་དབུ་འདེགས་སུ་ཕེབས་པ་༧ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་རྒྱལ་བ་སྨན་རིའི་ཁྲི་འཛིན་སོ་བཞི་པ་མཆོག་སྐལ་བཟང་གསེར་ཁྲིར་མངའ་གསོལ་མཛད།

༡༽ བོད་ས་ཕོ་ཁྱི་ལོའི་བོད་ཟླ་དང་པོའི་ཚེས་ལྔ་དང་། ཕྱི་ལོ་ ༢༠༡༨ ཟླ་ ༠༢ ཚེས་ ༢༠ ཉིན་ཏེ་རྒྱལ་བ་མཉམ་མེད་ཆེན་པོའི་འཁྲུངས་མཆོད་དུས་ཚེས་བཟང་པོར་ཞོགས་པ་ཕྱག་ཚོད་ ༧ པའི་ཐོག་༸ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་རྒྱལ་བ་སྨན་རིའི་ཁྲི་འཛིན་སོ་བཞི་པ་མཆོག་སྐལ་བཟང་གསེར་ཁྲིར་མངའ་གསོལ་གནང་རྒྱུ། ༢༽ སྔ་དྲོའི་ཕྱག་ཚོད་ ༧།༣༠ ཐོག་མཛད་སྒོའི་སྐུ་མགྲོན་གཙོ་བོ་རང་གཞུང་ཆོས་རིག་བཀའ་བློན་མི་རྗེ་སྐུ་ངོ་གཡུ་ཐོག་ཀརྨ་དགེ་ལེགས་མཆོག་ནས་མཛད་སྒོ་དང་འབྲེལ་བའི་བཀའ་སློབ་བསྩལ་གནང་རྒྱུ།

འཆར་ལ་ཉེ་བའི་འདི་ལོའི་གནམ་ལོ་གསར་ཚེས་ལ་བོན་ཕྱོགས་དང་འབྲེལ་བའི་བྱེད་སྒོ་ཁག་མ་གཏོགས་དགའ་སྟོན་སྤྲོ་སྐྱིད་ཀྱི་ལོ་གསར་མེད་པར་ཉེ་སྔོན་༧དབུས་གཡུང་དྲུང་བོན་འཛིན་སྐྱོང་ལྷན་ཚོགས་ངོས་ནས་གསལ་བསྒྲགས་སྤེལ་བ་བཞིན་དགོངས་འཇགས་ཡོད་པ་དང་། དེ་འབྲེལ་བོད་ས་ཁྱི་ལོའི་ཚེས་གཅིག་ཞོགས་པར་༧དཔལ་ལྡན་སྨན་རིའི་བླ་བྲང་ནས་གྲྭ་ཚང་འདུས་མང་ཡོངས་ལ་མང་ཇ་གཏོང་གནང་དང་དེ་བཞིན་ཚིག་བཀྲའི་ཚོགས་བཤད་གྱེར་འདོན་མ་གཏོགས།

༄༅།། རྒྱ་ཆེའི་དད་ལྡན་བོན་འབངས་ཡོངས་ཀྱི་སྙན་དབང་དུ་ཞུ་རྒྱུ། ཚེ་རབས་གཏན་གྱི་སྐྱབས་གནས་༧ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་བདེ་བར་གཤེགས་པ་རྒྱལ་བ་སྨན་རིའི་ཁྲི་འཛིན་སོ་གསུམ་པ་མཆོག་དགོངས་པ་བོན་དབྱིངས་སུ་གཤེགས་ནས་ལོ་ངོ་ཧྲིལ་པོར་མ་འཁོར་བས། དེས་ན་ཕྱི་ལོ་ ༢༠༡༨ བོད་ས་ཕོ་ཁྱི་ལོའི་ལོ་གསར་འཆར་ལ་ཉེ་བར་རྟེན། ལོ་གསར་པའི་སྐབས་དེར་རྒྱུན་སྲོལ་ལྟར་བོན་ཕྱོགས་དང་འབྲེལ་བའི་བྱེད་སྒོ་ཁག་ལས་དགའ་སྤྲོ་དགྱེས་སྟོན་གྱི་བྱ་བ་སོགས་གནང་ན་མི་མཛེས་པས། དེ་ལུགས་དད་ལྡན་བོན་འབངས་རྣམས་ཀྱི་ཐུགས་དབུས་སུ་འཇགས་པར་ཞུ།།

གཤེན་གྱི་འབྱུང་ལྡན་སུམ་བརྒྱ་དང་གཅིག་བོད་མེ་བྱ་ལོའི་ཟླ་བ་ ༡༡ པའི་ཚེས་ ༣༠ ཉིན་སྟེ། ཕྱི་ལོ་ ༢༠༡༨ ཟླ་ ༠༡ ཚེས་ ༡༦ ཉིན་ནས་ཞྭ་དཀར་གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་གི་གཡུང་དྲུང་བོན་གྱི་བཤད་སྒྲུབ་འདུས་སྡེའི་ལོ་འཁོར་ཡིག་རྒྱུགས་ཆེན་མོ་དབུ་འཛུགས་གནང་ཡོད་པ་དང་། དེ་ཡང་གོང་ཚེས་ཉིན་གྱི་ཞོགས་པའི་ཕྱག་ཚོད་བརྒྱད་དང་ཕྱེད་ཀ་ནས་འཛིན་གྲྭ་སོ་སོ་ལ་གཞུང་རྒྱུགས་བཏང་ཡོད་པ་དང་། ཕྱི་ཚེས་ ༡༧ ཉིན་ནས་འཛིན་གྲྭ་སོ་སོ་ལ་འགྲེལ་རྒྱུགས་གཏོང་གནང་རྒྱུ་ཡིན་པ་བཅས་ཀྱི་གནས་ཚུལ།

༄༅། །བསྟན་འགྲོའི་མཛད་རྗེས་རྨད་དུ་བྱུང་བའི་ཕྱི་རྒྱལ་ཡུལ་གྲུ་ཁག་ཏུ་གནས་བཞུགས་བོན་ཚོགས་ཁག་གི་དབུ་འཛིན་མཁན་བླ་སྤྲུལ་རྣམ་པ་དང་ཉེ་གནས་སློབ་ཚོགས་ལྷན་རྒྱས་ཀྱི་དྲུང་དེར། ཆེད་དུ་ཞུ་སྙིང་།

༧སྐྱབས་རྗེ་རྒྱལ་བ་སྨན་རིའི་དཔོན་སློབ་རིན་པོ་ཆེ་མཆོག་གིས་སྨན་རིའི་ཁྲི་འཛིན་༣༤པ་བདམས་ཐོན་བྱུང་སྐབས་འཛམ་གླིང་བོན་འབངས་སེར་སྐྱ་ཡོངས་ལ་གནང་བའི་བཀའ་སློབ་བཞུགས།    བཀའ་སློབ་ལ་གཤམ་ནས་གསན་གནང་ཞུ།

ཕྱི་ལོ་༢༠༡༨ཟླ་བ་དང་པོའི་ཚེས་གཅིག་གི་ཕྱི་དྲོར་སྨན་རིའི་ཁྲི་འཛིན་གསར་པ་སྨན་རིའི་གཙུག་ལག་ཁང་གི་ཡང་སྟེང་དུ་གདན་འདྲེན་ཞུས་པ།

གསལ་བསྒྲགས་སྔོན་སོང་ལྟར་ཕྱི་ལོ་ ༢༠༡༨ ཟླ་བ་དང་པོའི་ཚེས་དང་པོ་གཟའ་སྐར་འཕྲོད་སྦྱོར་ཕུན་སུམ་ཚོགས་པའི་ཉིན་༧གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་གཙུག་ལག་ཁང་དུ་དམ་ཅན་བོན་སྐྱོང་སྲུང་མར་བདེན་པ་བདར་གནང་བར་མདོ་སྨད་ཤར་ཁོག་ཏུ་སྐུ་འཁྲུངས་པ་བཀའ་རབ་འབྱམས་པ་དགེ་བའི་བཤེས་གཉེན་ཆེན་མོ་དྲང་སྲོང་ཟླ་བ་དར་རྒྱས་མཆོག་༧རྒྱལ་བ་སྨན་རིའི་ཁྲི་འཛིན་ ༣༤ པར་རྟགས་སྒྲིལ་དུ་བབས་འདུག་པའི་གནས་ཚུལ།