བོན་གྱི་༸གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་དུ་ཕྱི་ལོ་ ༢༠༢༦ཕྱི་ཟླ་༠༥ ཚེས་༡༨ ནས་ ༢༧ བར་དང་། བོད་ཟླ་༠༤ ཚེས་༠༢ ནས་ ༡༡ བར་ཏེ། ཉིན་བཅུའི་རིང་འདི་ག་ྋགཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གྲྭ་ཚང་ནས་༸གཤེན་རབ་རྣམ་པར་རྒྱལ་བའི་ཁྲི་མཆོད་དང་གཡང་སྐྱབས་ཀྱི་གཏེར་བུམ་རྒྱས་འབུལ་སྒྲུབ་རྒྱུ་ལགས་ན།

རང་གཞུང་བོད་མིའི་སྒྲིག་འཛུགས་ཀྱི་དཔལ་ལྡན་ཆོས་རིག་ལས་ཁུངས་དང་༸བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གཉིས་ནས་གོ་སྒྲིག་ཞུས་པའི་བརྗོད་གཞི་“ཤེས་རབ་ཀྱི་ཕ་རོལ་དུ་ཕྱིན་པའི་སྐོར་”ཆོས་རྒྱུད་རིས་མེད་གཞུང་ཆེན་ལྟ་གྲུབ་བགྲོ་གླེང་གི་ཉིན་གཉིས་པ་སྟེ་དེ་རིང་གཏམ་བཤད་པ་དྲུག་གི་གཏམ་བཤད་ལས་རིབས་བསྐྱངས་སོང་

དེ་རིང་གཤེན་གྱི་འབྱུང་ལྡན་ ༣༠༡ བོད་རྒྱལ་ལོ་ ༣༡༦༣ མེ་ཕོ་རྟ་ཡི་ལོའི་བོད་ཟླ་གཉིས་པའི་ཚེས་ ༡༦  དང་ཕྱི་ལོ་ ༢༠༢༥ ཟླ་ ༤ པའི་ཚེས་ ༢ ཉིན་༧བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་དུ་གཡུང་དྲུང་བོན་གྱི་བཤད་སྒྲུབ་འདུས་སྡེ་དབུ་བརྙེས་ནས་མི་ལོ་ ༤༨ འཁོར་བའི་དུས་ཆེན་མཛད་སྒོ་འཚོགས་གནང་སོང་།

དེ་རིང་བོད་མེ་རྟ་ལོའི་བོད་ཟླ་དང་པོའི་ཚེས་པ་ ༡༦ ཉིན་བོན་གྱི་གདན་ས་སྨན་རིའི་གླིང་སྐབས་ ༢༣ པའིདགེ་བཤེས་མཛད་སྒོ་མཇུག་ལེགས་པར་གྲུབ་པ།

གཡུང་དྲུང་བོབ་གྱི་བཤད་སྒྲུབ་འདུས་སྡེའི་བོད་ཤིང་སྦྲུལ་ལོའི་བོད་ཟླ་བརྒྱད་པའི་བགྲོ་གླེང་དེ་ཉིད་༸སྐྱབས་རྗེ་རྒྱལ་བ་སྨན་རི་བ་མཆོག་དབུ་བཞུགས་འཚོགས་ཡོད་པ་དང་། བགྲོ་གླེང་གཏམ་བཤད་པ་བཀའ་རམས་པ་ངག་དབང་ཤེས་རབ་དང་། སློབ་གཉེར་བ་མཁས་གྲུབ་རིན་ཆེན། གནམ་གང་ཚེ་རིང་གསུམ་གྱིས་སོ་སོའི་བརྗོད་གཞིའི་ཐོག་སྐར་མ་བཅོ་ལྔ་གཏམ་བཤད་དང་སྐར་མ་བཅོ་ལྔར་དྲི་བ་དྲིས་ལན་

༄༅། །ཕྱི་ལོ་ ༢༠༢༥ ཕྱི་ཟླ་ ༩ ཚེས་ ༢༦ ཉིན་གྱི་ཞོགས་པའི་ཆུ་ཚོད་ ༩ དང་སྐར་མ་ ༥༥ ཙམ་ལ་༧འཇམ་དགོན་རྒྱལ་བའི་རྒྱལ་ཚབ་ཞྭ་སེར་བསྟན་པའི་མངའ་བདག ༧སྐྱབས་རྗེ་དགའ་ལྡན་ཁྲི་ཟུར་རྗེ་བཙུན་བློ་བཟང་བསྟན་འཛིན་རིན་པོ་ཆེ་མཆོག་དགུང་གྲངས་ ༩༠ ཐམ་པ་ལ་ཕེབས་པའི་ཐོག རྒྱ་གར་ལྷོ་ཕྱོགས་སེར་བྱེས་ཁྲི་ཟུར་རིན་པོ་ཆེའི་གཟིམ་ཆུང་དུ་དགོངས་པ་ཆོས་དབྱིངས་སུ་འཐིམ་ཚུལ་བསྟན་པའི་ཡིད་སྐྱོའི་གནས་ཚུལ་ཐོས་པས་ཧ་ཅང་གི་བློ་ཕམ་བྱུང་། ཡིན་ནའང་། མཛད་བསྟོད་ལས། རྒྱལ་བའི་མཆོག་ལ་སྐྱེ་འཆི་མི་མངའ་ཡང་། །རྟག་པ་འཛིན་རྣམས་སུན་ཕྱུང་དགེ་བསྐུལ་ཕྱིར། །མི་རྟག་ཚུལ་བསྟན་དགོངས་པ་མྱ་ངན་འདས། །བདེ་ཆེན་དབྱིངས་གཤེགས་མཛད་ལ་ཕྱག་འཚལ་ལོ། །ཞེས་གསུངས་པ་ལྟར། གདུལ་བྱ་རྣམས་ཀྱི་རྟག་འཛིན་ལྡོག་པའི་ཕྱིར། རེ་ཞིག་མྱ་ངན་འདས་ཚུལ་བསྟན་པས། དེ་ཕྱིར་རྗེས་འཇུག་བུ་སློབ་ལྟོས་བཅས་ཡོངས་ལ་ཐུགས་གསོའི་འཚམས་འདྲི་དང་གདུང་སེམས་མཉམ་སྐྱེད་ཞུ་བཞིན་ཡོད། ཞིང་གཤེགས་དམ་པ་གང་གི་ཐུགས་ཀྱི་དགོངས་པ་རྫོགས་པའི་ཕྱིར། ཁོང་གི་ལམ་སྟོན་གྱི་གདམ་ངག་རྣམས་ཡིད་ལ་དྲན་པའི་ཐོག་ནས་ཕྱག་ལེན་ལ་ཁེལ་ཐུབ་པ་བྱ་རྒྱུ་ནི་ཐུགས་དགོངས་རྫོགས་པའི་མཆོད་པ་ཡག་ཤོས་ཡིན་པ་ལ་ངོས་འཛིན་དང་བཅས།                ༧རྒྱལ་བ་སྨན་རིའི་ཁྲི་འཛིན་སོ་བཞི་པ་ལུང་རྟོགས་ཟླ་བ་དར་རྒྱས་ཀྱིས།                                      …

དེ་རིང་བོད་ཤིང་སྦྲུལ་ལོའི་བོད་ཟླ་བདུན་པའི་ཚེས་པ་ ༢༩ དང་སྤྱི་ལོ་ ༢༠༢༥ ཟླ་བ་ ༩ པའི་ཚེས་པ་ ༢༠ ཉིན་གྱི་ཕྱི་དྲོར། གཡུང་དྲུང་བོན་གྱི་བཤད་སྒྲུབ་འདུས་སྡེའི་ཚོགས་ཁང་དུ་༧སྐྱབས་རྗེ་རྒྱལ་བ་སྨན་རིའི་ཁྲི་འཛིན་རིན་པོ་ཆེ་དབུ་བཞུགས་ཐོག བཤད་སྒྲུབ་འདུས་སྡེའི་ཚོགས་འདུ་ཆེན་མོ་བསྐང་འཚོགས་གནང་སྟེ། སྐབས་ ༤༥ པའི་གཡུང་དྲུང་བོན་གྱ་བཤད་སྒྲུབ་འདུས་སྡེའི་རྒྱུན་ལས་ཀྱི་ལས་ཡུན་གཙང་རྗེས་སྐབས་ ༤༦པའི་རྒྱུན་ལས་ཀྱིས་རྩིས་ལེན་དང་། ལས་ཁུར་དབུ་འཛུགས་གནང་ཡོད་པ་རེད།

སྤྱི་ལོ་ ༢༠༢༥ ཟླ་ ༩ ཚེས་ ༡༤ དང ༡༥ བོད་ཤིང་སྦྲུལ་ལོའི་བོད་ཟླ་ ༧ པའི་ཚེས་པ་ ༢༢ དང་ ༢༤ ཉིན་གཉིས་ཀྱི་རིང་༸གདན་ས་སྨན་རིའི་གླིང་དང་བཙུན་དགོན་རདྣ་སྨན་གླིང་བོན་གཞིས་ཉིན་སློབ་སོགས་སུ་༸ཞིང་བཤེགས་དམ་པ་༸སྐྱབས་རྗེ་རྒྱལ་བ་སྨན་རིའི་ཁྲི་འཛིན་ ༣༣ པ་རིན་པོ་ཆེ་མཆོག་གི་འདས་མཆོད་ཆེན་མོ་འཚོགས་གནང་ཡོད་པ་དང་་