རྩ་བའི་ས་བཅད་དང་པོ་རྒྱ་ཆེ་བ་ཐེག་པ་ཐུན་མོང་གི་ལུགས་དང་བསྟུན་ནས་སྤྱིར་བཀའ་རྟགས་ཀྱི་ཕྱག་རྒྱ་བཞི་ཡི་ངོས་འཛིན་གཏན་ལ་འབེབས་ཚུལ་དང་།   རྩ་བའི་ས་བཅད་གཉིས་པ་ཐེག་པ་ཐུན་མོང་མ་ཡིན་པ་གཞི་ཡེ་གྲོལ་དུ་འདོད་པའི་རྫོགས་པ་ཆེན་པོ་ལ་གསུམ་དུ་བཤད་པའི་ནང་ཚན་གོལ་ས་ཤུགས་ལས་ཆོད་པར་འདོད་པའི་ལུགས་ཀྱི་བཀའ་རྟགས་ཀྱི་ཕྱག་རྒྱ་བཞི་བྱེ་བྲག་ཏུ་གཏན་ལ་འབེབས་ཏེ་ངོས་འཛིན་གནང་ཚུལ་དང་གཉིས་སོ། རྩ་བའི་ས་བཅད་དང་པོ་རྒྱ་ཆེ་བ་ནང་པའི་ཐེག་པ་རིམ་པ་དགུ་ཐུན་མོང་གི་ལུགས་ལྟར་ན།  ལྟ་བ་བཀའ་རྟགས་ཀྱི་ཕྱག་རྒྱ་མདོ་བཞི།  ཞེས་པ། 

༄༅།། གཤེན་ཧོར་ཏི་ཆེན་པོས་ཀུན་མཁྱེན་དོན་གྲུབ་ལ།  ཤེས་པར་བྱས་ནས་དོར་བའི་བོན་དང་གཅིག ཤེས་པར་བྱས་ནས་ཟུར་ལ་བཞག་པའི་བོན་དང་གཉིས།  ཤེས་པར་བྱས་ནས་དང་དུ་བླང་བར་བྱ་བའི་བོན་དང་གསུམ་ཡོད་གསུངས་པའི་ནང་ཚན་ཤེས་པར་བྱས་ནས་དང་དུ་བླང་བའི་བོན།  སྐལ་ལྡན་ལས་ཅན་རྣམས་ཀྱི་དངོས་གྲུབ།

ཐོས་བསམ་སྒོམ་པའི་རྒྱལ་མཚན་ས་སྟེང་བསྒྲེངས།། འཆད་རྩོད་རྩོམ་པའི་རུ་དར་མཁའ་ལ་འཕྱར།། མཁས་བཙུན་བཟང་པོའི་ཡོན་ཏན་ཀུན་ནས་མཛེས།། མཁས་གྲུབ་དུ་མའི་གཙུག་རྒྱན་དེ་ལ་འདུད།།

དབེན་ས་ཁ་ཞེས་གྲགས་པའི་གནས་ཆེན་དེར།། མཁས་གྲུབ་གཉིས་ལྡན་གསེར་རིའི་ཕྲེང་བ་ལྟར།། སངས་རྒྱས་མི་ཡི་གཟུགས་སུ་སྤྲུལ་པའི་སྐུ།། གཡུང་དྲུང་བསྟན་ལ་བཀའ་དྲིན་ཟླ་བྲལ་བ།། ལུང་དང་རིགས་པས་ཕྱུག་པའི་མཁས་གྲུབ་རྗེ།། སྟོན་པ་བཅོ་བརྒྱད་བསྟན་འགྲོའི་དཔལ་དུ་མཛེས།།

རྗེ་བཙུན་མེ་སྟོན་པོས་མཛད་པའི་འདུལ་བ་ཀུན་བཏུས་ཀྱི་གཞུང་རྩ་བར་བཞག་ནས་གཤེན་གྱི་དྲང་སྲོང་ཡེ་ཤེས་རྒྱལ་མཚན་གྱིས་འདུལ་བ་ཀུན་ལས་བཏུས་པའི་ཏི་ཀ་གསལ་བའི་སྒྲོན་མེ་ཞེས་བྱ་བ་འདུལ་འགྲེལ་ཤིན་ཏུ་རྒྱས་པ་ཞིག་བརྩམས་གནང་མཛད་འདུག་པ་དེ་ནི།  ཆེས་ངོ་མཚར་རྨད་དུ་བྱུང་བའི་འདུལ་འགྲེལ་ཞིག་ཏུ་སྣང་ལ།  དེ་ཙམ་དུ་མ་ཟད་རྒྱལ་བ་མཉམ་མེད་ཆེན་པོས་ཀྱང་ཏི་ཀ་གསལ་བའི་སྒྲོན་མེའི་ས་བཅད་ཀྱི་གོ་རིམ་དང་བསྟུན་ནས་འདུལ་འགྲེལ་འཕྲུལ་གྱི་སྒྲོན་མེ་ཞེས་བྱ་བ་འདི་ཉིད་བརྩམས་པ།  འགྲེལ་དེ་ཉིད་ལ་གཟིགས་ཞིབ་གནང་ན་མཁྱེན་རྟོགས་ཐུབ་པར་འདུག་གོ 

སྤྱི་སྤུངས་རྩ་བའི་རྒྱུད་གསུམ་ཞེས་པ་ནི། གསང་བ་འདུས་པ་ཡབ་ཀྱི་རྒྱུད་དང་།  གསང་བ་བསེན་ཐུབ་ཡུམ་གྱི་རྒྱུད།  གཉིས་མེད་དོན་གྲུབ་སྲས་ཀྱི་རྒྱུད་དང་གསུམ་ལ་ངོས་འཛིན་པ་ནི།  རྒྱུད་གཞུང་སོགས་ལས་ཡོངས་སུ་གྲགས་པ་ལྟར་ཡིན་ལ།  དེ་ཡང་ལྷོ་གཏེར་གྱི་ཐེག་པ་བདུན་པ་ཨ་དཀར་གྱི་ཐེག་པ་དང་།  དབུས་གཏེར་གྱི་འབྲས་ཐེག་གསུམ་པ་དངོས་བསྐྱེད་ཐུགས་རྗེ་རོལ་པའི་ཐེག་པའི་གཞུང་ཞིག་ཡིན་པ་ནི་ཡོངས་སུ་གྲགས་པ་ལྟར་རོ།  འོན་ཀྱང་སྤྱི་སྤུངས་རྩ་བའི་རྒྱུད་གསུམ་གྱི་ངོ་སྤྲོད་གཞུང་དང་སྦྱར་ནས་ངོས་འཛིན་གནང་ཕྱོགས་ཐད། 

སྐུ་ཚེ་ཧྲིལ་པོར་བྱ་བྲལ་ཉམས་ཆུང་དང་འདོད་ཆུང་ཆོག་ཤེས་ཁོ་ན་མཛད། ༧ཞྭ་དཀར་བསྟན་པའི་གཙུག་རྒྱན་དུ་གྱུར་ནའང་ཆེ་འདོད་དང་ཁེངས་སེམས་ཀྱི་དྲི་མ་རྡུལ་ཙམ་མི་མངའ། སྤྱི་ཐབ་ཀྱི་གསོལ་ཇ་དང་བཞེས་ལག་རྣམས་བདུད་རྩི་རུ་དམིགས་ཏེ་གྲྭ་པ་དཀྱུས་མ་བཞིན་མཉམ་ཟ་མཉམ་འཐུང་མཛད། མགོ་དགོན་པའི་རྒྱ་ཕིབས་ནས་བཟུང་སྟེ། མཇུག་དགོན་པའི་ལྕགས་རི་ཡན་ཆད་ལ་རིན་པོ་ཆེ་ཁྱེད་ཀྱིས་གཟིགས་ཞིབ་མ་གནང་བ་ཅི་ཡང་མེད། མཐའ་ན་དགོན་པའི་རྩིག་པ་རེ་རེ་ལ་ཁྱེད་ཀྱི་ཕྱག་གིས་མ་རེག་པ་མེད་ཟེར་ནའང་ཆོག བླ་མ་ཡང་ཁྱེད་ཀྱིས་གནང་། དབུ་མཛད་ཡང་ཁྱེད་ཀྱིས་གནང་། མ་བྱན་ཡང་ཁྱེད་ཀྱིས་གནང་། ད་ལྟ་ཟ་ཆོག་ཆོག བཏུང་ཆོག་ཆོག འདུག་ཆོག་ཆོག ཕྲ་ཚུབ་ཚུབ། འོད་ཆེམ་ཆེམ་འདི་ཡང་ཁྱེད་ཀྱི་དྲིན། ཆོས་ལུགས་དང་གྲུབ་མཐའ་ཐམས་ཅད་ལ་སེམས་གཏིང་ནས་དག་སྣང་སྦྱང་བ་ལས་སྐྱོན་བརྗོད་དང་དགག་པ་བྱེད་པའི་ལུགས་སྲོལ་གཏན་ནས་མེད། བཟོད་པའི་གོས་གྱོན་སྙིང་རྗེའི་དམག་དཔུང་བསྐྱེད་དགོས་ན་བླ་མ་འདི་བས་ལྷག་པ་དཀོན། མཐོ་དམན་བར་གསུམ་མི་སུ་འདྲ་ཞིག་མཇལ་ཁ་སླེབས་ནའང་མཇལ་ཁ་ཡོད་ཤག་ཤག སོ་སོ་རང་ཉིད་རྫིག་མདོག་དང་ཆེ་མདོག་བྱེད་ནས་བཞུགས་པའི་ལུགས་སྲོལ་མེད། དགོན་པ་གྲྭ་ཚང་ལ་ཡིན་ནའང་རྫིག་པོ་བྱེད་དུ་མི་བཅུག། རྒྱས་སྤྲོས་ཀྱི་རིགས་ལ་དེ་བས་ཀྱང་ཐུགས་མི་དགྱེས། གྲུམ་ཙེའི་རིགས་དང་ཁྲ་ཁྲ་ཟིང་ཟིང་གི་རིགས་བཏིང་ནས་བཞུགས་པའི་ལུགས་སྲོལ་མེད།