དེ་ཡང་སྔར་སྲོལ་བཞིན་བོད་ཟླ་༠༨ པའི་ཚེས་༠༡ ནས་༠༨ བར་ཉིན་བདུན་གྱི་རིང་ལ་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་དུ་དྲི་མེད་གཤེན་གྱི་དཀའ་ཐུབ་ཆེན་མོ་ལོ་ལྟར་འཚོགས་སྲོལ་ཡོད་པ་བཞིན། ད་ལོར་ཏོག་དབྱིབས་ནད་ཡམས་ཀྱི་ཁྱབ་ཚད་ཤུགས་དྲགས་རྐྱེན་༧སྐྱབས་རྗེ་མཁན་སློབ་རྣམ་པ་དབུ་བཞུགས་ཐོག་གྲྭ་ཚང་རྒྱུན་ལས་རྣམ་པ་གྲོས་འཛོམས་ཀྱིས་ད་ལོར་འདུས་མང་ཡོངས་ཚོགས་གསུམ་བགོས་ཀྱིས་འཚོགས་རྒྱུ་དང་། ཞོགས་ཟས་རྗེས་ཀྱི་འདུལ་འགྲེལ་ཁྲིད་དང་མཚན་མོའི་སྐྱོར་སྦྱོང་སོགས་གནས་སྐབས་སུ་བཞག་ཅིང་། ཉིན་དེར་ཚོགས་དགོས་ཀྱི་བླ་གྲྭ་མ་གཏོགས་གཞན་རྣམས་ནས་རང་ཤག་ཏུ་གསོ་སྦྱོང་དང་དཀའ་ཐུབ་ཆོ་ག་གསུང་ནས་བཞུགས་དགོས་པ་དང་།

དེ་ཡང་ཕྱི་ལོ་༢༠༢༠ལོའི་ཕྱི་ཟླ་༩ཚེས་༡༠།༡༡བོད་ཟླ་༧པའི་ཚེས་༢༣།༢༤བཅས་ཉིན་གཉིས་རིང་༧གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་དུ་༧སྐྱབས་རྗེ་ཞིང་གཤེགས་དམ་པ་རྒྱལ་བ་སྨན་རིའི་ཁྲི་འཛིན་སོ་གསུམ་པ་ཆེན་མོ་མཆོག་དགོངས་པ་བོན་དབྱིངས་སུ་གཤེགས་ནས་མི་ལོ་གསུམ་ཧྲིལ་བོར་འཁོར་བའི་དུས་ཆེན་ཁྱད་པར་ཅན་སྲུང་བརྩི་བྱས་ཡོད་ཅིང་།

དེ་རིང་སྟེ་ཕྱི་ལོ་༢༠༢༠ལོའི་ཕྱི་ཟླ་༤ཚེས་༢༢རེས་གཟའ་ལྷག་པའི་ཉིན་སྙིགས་དུས་ཀྱི་འདྲེན་པ་ཆེན་མོ་གྲུབ་དབང་ནམ་མཁའ་རྒྱལ་མཚན་རིན་པོ་ཆེ་སྐུའི་བཀོད་པ་བོན་དབྱིངས་སུ་བསྡུས་ནས་སྐུ་གདུང་ཞུགས་འབུལ་གྱི་དུས་འདིར།

དེ་རིང་སྟེ་སྤྱི་ལོ་༢༠༢༠ལོའི་ཟླ་༤ཚེས་༤ཉིན་གྱི་ཞོགས་པའི་ཆུ་ཚོད་༩།༠༠སྟེང་༧ཞྭ་དཀར་བསྟན་པའི་གཙུག་རྒྱན་སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་མཆོག་གི་བཀའ་དགོངས་ཕེབས་པ་བཞིན། བོན་གཞིས་དཔལ་གཤེན་བསྟན་སྨན་རིའི་གསང་སྔགས་སྒོམ་སྒྲུབ་གླིང་གི་མདུན་སྒོར་དཀའ་ངལ་འཕྲད་བཞིན་པའི་ཁྱིམ་མཚེས་རྒྱ་གར་གྲོང་གསེབ་པ་དག་ལ་ཟ་འབྲུ་སོགས་བསྩལ་ཡོད་པ་རེད། དེང་པྲོག་དབྱིབས་ནད་དུག་འཛམ་གླིང་གང་སར་མཆེད་ནས་མི་མང་པོར་དཀའ་ངལ་འཕྲད་བཞིན་པ་དང་།