གསོ་རིག་འབུམ་བཞིའི་མཐོ་སློབ་སྨན་རིའི་གླིང་གི་ལོ་འཁོར་རྒྱུགས་སྤྲོད་དང་སྐབས་གསུམ་པའི་སྨན་པ་དཀའ་བཅུ་པའི་ཐོན་རྒྱུགས་ཆེན་མོ་མཇུག་ལེགས་པར་གྲུབ་པ།
སྨན་རིའི་གསོ་རིག་འབུམ་བཞིའི་མཐོ་སློབ་སྨན་རིའི་གླིང་གི་ལོ་འཁོར་རྒྱུགས་སྤྲོད།
སྨན་རིའི་གསོ་རིག་འབུམ་བཞིའི་མཐོ་སློབ་སྨན་རིའི་གླིང་གི་ལོ་འཁོར་རྒྱུགས་སྤྲོད།
བལ་ཡུལ་དུ་ཆིབས་བསྒྱུར་བསྐྱངས་པའི་གནས་བསྡུས།
སྐབས་༡༥པའི་བོད་ཀྱི་མཐོ་རིམ་སློབ་མའི་ཚོགས་ཆེན་གྱི་མཇུག་བསྡོམས་མཛད་སྒོ་
༧གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་ཁུངས་གཏོགས་བཙུན་དགོན་རཏྣ་སྨན་གླིང་དུ་ཁ་སང་ལྟར་སྐབས་དང་པོའི་དགེ་བཤེས་མའི་མཛད་སྒོ་ཚོགས་ཡོད་པ་རེད།
འཛམ་གླིང་ཡངས་པའི་རྒྱལ་ཁམས་སུ་ཚན་རྩལ་རིག་རླབས་ཇི་ཆེར་འབར་བའི་
དེ་ཡང་ད་ལོར་རྒྱལ་བ་གཤེན་གྱི་གདུང་སྲས་ཆེན་མོ་སྐུ་མི་རྟག་དགོངས་པ་
༄༅།། རྒྱལ་གཤེན་བསྟན་མཆོག་མིང་ཙམ་ལྷག་པའི་ཚེ།།
རྒྱལ་འཕགས་རིག་འཛིན་གོང་མའི་སྨོན་ལམ་མཐུས།།
བདག་ཅག་གི་སྟོན་པ་རྣམ་འདྲེན་བརྒྱད་པ་རྒྱལ་བ་གཤེན་རབ་མི་ཀུན་ལས་རྣམ་པར་རྒྱལ་བས་འགྲོ་བ་རང་མཐུན་གྱི་ཆ་ལུགས་བསྟན་ནས་མཛད་ཆེན་བཅུ་གཉིས་མཛད་པའི་ནང་ཚན། མཛད་པ་བཅུ་པ་ཁྱིམ་སྤངས་རབ་བྱུང་གི་མཛད་པའི་སྐབས། དགུང་ལོ་སོ་གཅིག་གི་སྟེང་གསས་མཁར་ཁྲི་སྨོན་རྒྱལ་བཞད་ཀྱི་སྒོ་དྲུང་དུ་བྱོན་ནས་ཕྱོགས་བཞིར་སྐྱེ་རྒ་ན་འཆི་ཡི་ཆུ་བོ་ཆེན་པོ་བཞི་ལ་གཟིགས་པའི་ངེས་འབྱུང་གི་རྐྱེན་དྲག་པོས་བསྐུལ་ཏེ། རྒྱལ་སྲིད་ལོངས་སྤྱོད་ཐམས་ཅད་མཆིལ་མའི་ཐལ་བ་བཞིན་དོར་ནས་བྱང་ནུབ་མཆོད་རྟེན་རྣམ་དག་དཀར་པོའི་དྲུང་དུ་རང་སེམས་ལ་རང་གིས་དཔང་པོར་བཙུགས་ཏེ་གཙང་མ་གཙུག་ཕུད་ཀྱི་ཁྲིམས་ཉི་ཤུ་རྩ་ལྔ་རྣམས་རང་ལས་ཐོབ་པའི་ཚུལ་བསྟན།
གཡུང་དྲུང་བོན་གྱི་བཀའ་བརྟེན་ནི་ཞང་བོད་ཀྱི་མཁས་གྲུབ་ལོ་པན་རྩོམ་པ་པོ་ཚད་ལྡན་རྣམས་ཀྱིས་རྒྱལ་བའི་བཀའ་རིན་པོ་ཆེ་ལ་བརྟེན་ནས་བརྩམས་པའམ་སྙན་རྒྱུད་དགོངས་གཏེར་ཅི་རིགས་ལས་བྱུང་བའི་བསྟན་པའི་གསལ་བྱེད་དམ་པར་གྱུར་བ་ཤ་སྟག་གི་གསུང་པོད་བསྡུ་སྒྲིག་བྱས་པ་ལས་གྲུབ་པ་ཞིག་ཡིན་ཞིང་པོད་གྲངས་འདི་ཙམ་ཡོད་ཅེས་ཚད་བཟུང་ལ་ངེས་པའང་མེད།
ལོ་རྒྱུས་ཀྱི་ཕུགས་ཐག་རིང་ཞིང་ཞང་བོད་མཐོ་སྒང་གི་ས་སྐྱེས་རྡོ་སྐྱེས་ཀྱི་ཕ་ནོར་༧གཡུང་དྲུང་བོན་གྱི་བསྟན་པ་རིན་པོ་ཆེ་གངས་ཅན་ཁ་བའི་ལྗོངས་སུ་དར་གུད་རིམ་པ་བྱུང་ཡང་གསུང་རྟེན་ཁྱད་པར་ཅན་བཀའ་འགྱུར་རམ་རྒྱལ་བའི་བཀའ་རིན་པོ་ཆེ་དྲི་མ་མེད་པ་ཞིང་འདིར་དར་ཚུལ་གྱི་དབང་དུ་བྱས་ན་བཀའ་གཏེར་སྙན་བརྒྱུད་ཅི་རིགས་ལ་བརྟེན་ནས་བསམ་གྱིས་མི་ཁྱབ་པ་ཞིག་བྱུང་ཡོད་ཅིང་མཁས་པ་རྣམས་ཀྱིས་བཀའ་བརྟེན་འགྱུར་སྒྲིག་ཚུལ་གྱི་པོད་གྲངས་ལའང་མང་ཉུང་ཐད་གཅིག་གྱུར་ཞིག་བྱུང་མེད།
མདོ་སྔགས་ཟུང་འབྲེལ་ཐེག་ཆེན་གཡུང་དྲུང་བོན་ཞེས་པའི་མཚོན་དོན་མདོར་བསྡུས། དེ་ཡང་གཡུང་དྲུང་གཉིས་ནི་འདུལ་བ་མདོ་ཡི་སྡེ་དང༌། གསང་བ་ཟབ་དཀར་སྔགས་ཀྱི་སྡེ་གཉིས་མཚོན་པར་བྱེད་པ་ད ང༌། བར་གྱི་ལྕུམ་བཞོགས་དེ་ནི་ཐེག་པའི་ཡོངས་རྩེ་རྫོགས་པ་ཆེན་པོ་སེམས་ཀྱི་སྡེ་བཅས་མདོར་ན་མི་ལོ་ཆིག་ཁྲི་བརྒྱད་སྟོང་གི་གོང་དུ་བྱོན་པའི་རྣམ་འདྲེན་ཚེ་ལོ་བརྒྱ་བའི་སྟོན་མཆོག་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་མཆོག་གིས་གཏན་ལ་ཕབས་པའི་བོན་སྒོ་བཞི་མཛོད་ལྔའམ་ཐེག་པ་རིམ་དགུ་མཚོན་པར་བྱེད་དོ།
གཡུང་དྲུང་བོན་གྱི་དྲ་ཚིགས་ཆེན་མོ་འདི་ནི་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བཀའ་འཁྲོལ་གཞིར་བཟུང་འོག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་འཛིན་འོག་ཆེད་དུ་གསར་སྒྲུབ་བྱས་པའི་བོད་གནའ་བོའི་རིག་གཞུང་སྣ་ཚོགས་དང་འབྲེལ་བའི་གཡུང་དྲུང་བོན་སྤྱི་བའི་དྲ་ཚིགས་ཤིག་ཡིན།