དགེ་བཤེས་དྲང་སྲོང་རྣམ་རྒྱལ་ལགས་ཀྱི་རྩོམ་དེབ་གསར་པ་གཉིས་པར་དུ་བསྐྲུན་པ།

༡༽ ཡུལ་གངས་ཅན་པའི་བརྡ་སྤྲོད་པའི་བསྟན་བཅོས་ཀུན་ཏུ་བཟང་པོའི་མཆོད་སྤྲིན་མཁས་པ་དགའ་སྐྱེད།

དེབ་འདི་ནི་༢༠༡༡ལོར་རྩེ་དྲུག་དྲི་མེད་ཤེལ་བྲག་གླིང་གི་བཤད་སྒྲུབ་འདུས་སྡེས་ཁྲིན་ཏུ་ནས་དཔར་དུ་བསྐྲུན་པ་ཞིག་རེད། དེབ་འདི་ནི་བོད་ཀྱི་བརྡ་སྤྲོད་ཀྱི་འགྲེལ་བཤད་ཅིག་ཡིན་ཞིང་། ཆོས་བརྒྱུད་རིས་མེད་ཀྱི་བརྡ་སྤྲོད་མཁས་ཅན་མང་པོའི་འགྲེལ་བཤད་ལ་གོ་སྡུར་དང་ཞིབ་འཇུག དེ་བཞིན་ལེགས་ཆ་བླང་ཡོད་པ་མ་ཟད། དོན་གནད་ཐོག་ལ་དྭོགས་སློང་དང་རང་ལུགས་ཀྱི་མཐའ་མའི་སྡོམ་ཚིག་བཞག་སྟེ་བྲིས་པའི་བོད་ཀྱི་བརྡ་སྤྲོད་སུམ་ཅུ་པ་དང་རྟགས་ཀྱི་འཇུག་པའི་དོན་གནད་ཁ་ཚང་བའི་དཔེ་དེབ་ཅིག་ཏུ་གྱུར། རྩེ་དྲུག་དགོན་གྱི་བཤད་སྒྲུབ་འདུས་སྡེའི་དགོས་འདུན་ལྟར་དཔར་ཐེངས་དང་པོར་ཚོད་ལྟའི་ཚུལ་དུ་དཔར་སྐྲུན་བྱས་པ་ཞིག་ཡིན་ལ། དཔར་ཐེངས་གཉིས་པའི་སྐབས་སུ་རྩོམ་པ་པོ་རང་ནས་ལེགས་བཅོས་ཀྱི་འཆར་གཞིའི་ཐོག་བོད་ཀྱི་སྐད་ཡིག་ལ་ཞབས་འདེགས་སུ་འགྱུར་བའི་རེ་བ་འཆང་བཞིན་ཡོད། ། རྩོམ་ཡིག་འདིའི་འཕྲོ་ཀློག »

བགྲེས་པོའི་འབེལ་གཏམ་སྤྱིའི་འདོན་ཐེངས་༡༢པར་བསྐྲུན་མཛད་པ།

བགྲེས་པོའི་སྔོན་གླེང་དྲུང་མུའི་ཆོ་རབས།

ས་སྒང་རིལ་མོ་འདི་ཉིད་ངོས་ཀྱི་རྐང་གཉིས་དག་གི་དད་མོས་སུ་གྱུར་པའི་ལྟ་གྲུབ་མི་འདྲ་མི་གཅིག་པའི་བསྟན་པ་དང་ཆོས་ལུགས་ནི་གྲངས་ཚད་ལས་འདས་ཀྱང། རང་རེའི་མེས་པོ་གོང་མའི་རྣམ་དཔྱོད་ཀྱི་རྣོ་མྱུར་ལས་འཁྲུངས་པའི་ཤེས་རིག་དངོས་སམ་འུ་ཅག་ཧི་མ་ལ་ཡའི་ཕ་ཆོས་ངོ་ཐོག་ནི། མདོ་རྒྱུད་སེམས་གསུམ་དང་ལྡན་པའི་གཡུང་དྲུང་གི་བོན་རིན་པོ་ཆེ་འདི་ཉིད་ཁོ་ན་རུ་ངེས།

ཇི་སྐད་དུ། གཡུང་ནི་སྐྱེ་བ་མེད་ཅིང། དྲུང༷་ནི་འགག་པ་མེད་པ་སྟེ། འབྱུུང་འཇིག་གཉིས་མེད་ཀྱི་ངོ་བོ་བརྟན་པའི་བོ༷ན་ཞེས་འགྲོ་བའི་སྡུག་བསྔལ་སེལ་བའི་ཐབས་མཆོག་ཏུ་གྱུར་པའི་རིང་ལུགས་དེ་ནི། ཞང་བོད་དམ་ཧི་མ་ལ་ཡའི་མི་རིགས་ཀྱི་བགྲེས་པོའམ་བསམ་བློ་བ་ཐོག་མ་རུ་གྲགས་པའི་ཚད་མའི་སྐྱེས་བུ་སྟེ། གཤེན་རབ་མི་བོ་ཆེ་ཞེས་པའི་སྟོན་པ་སངས་རྒྱས་དེས་སྲོལ་བཏོད་དེ། ད་ཕན་མི་ལོ་ཆིག་ཁྲི་བརྒྱད་སྟོང་ལྷག་གི་བྱུང་རབས་ཀྱང་ཟབ།

ཤིང་རྟའི་སྲོལ་འབྱེད་པ་གང་དེས་གདུལ་བྱ་འགྲོ་བའི་མོས་ཁམས་ཅི་རིགས་པ་ལ་ལྟོས་ནས་དེ་དག་གི་གདུང་བའི་ཟུག་རྔུ་ཞི་བར་སྨན་པའི་ཐབས་ལམ་ཡང་སྣ་ཚོགས་སུ་གདམས་ཏེ། ཐོག་མར་ཞང་བོད་རིག་གནས་ཀུན་གྱི་རྨང་གཞིར་གྱུར་པ་བཟོ་རིག་པ་ནས་བཟུང་སྒྲ་རིག་པ་དང་དེ་བཞིན་རྩིས་སྨན་གསོ་བ་རིག་པ་སོགས་མདོར་ན་བློ་རབ་འབྲིང་ཐ་གསུམ་གྱི་རིམ་པ་དགུ་ལ་གཟས་ཏེ་བོན་ཐེག་པ་རིམ་པ་དགུ་ཡིས་གཙོས་པའི་གྱེར་སྒོ་བརྒྱད་ཁྲི་བཞི་སྟོང་སོགས་ནང་དོན་རིག་པས་འགྲོ་བའི་སེམས་ཁམས་གསོ་བར་བྱེད་པའི་འཇུག་སྒོའང་ཟབ་པོར་ཕྱེས། རྩོམ་ཡིག་འདིའི་འཕྲོ་ཀློག »

རྩོམ་པ་པོ་དགེ་བཤེས་དྲང་སྲོང་རྣམ་རྒྱལ་ལགས་ཀྱི་དེབ་གསར།

རྩོམ་པ་པོ་དྲང་སྲོང་རྣམ་རྒྱལ་ལགས་ནི།

བོད་ཁམས་ཕྱོགས་སུ་སྐྱེས་ཤིང་ནང་མིའི་དྲིན་གྱིས་ཆུང་དུས་ནས་ཡི་གེ་འབྲི་ཀློག་གིས་མཚོན་པའི་སློབ་སྦྱོང་ཙམ་ལས་ཞིང་འབྲོག་གི་ལས་ཀར་ཞུགས་མ་མྱོང་། སྔ་ཕྱིར་༧གཡུང་དྲུང་བོན་གྱི་གདན་ས་སྨན་རིའི་གླིང་དང་། སེ་ར་ཐེག་ཆེན་གླིང་། དཔལ་ཁྲི་བརྟན་ནོར་རྩེ་སོགས་སུ་བོད་ཀྱི་ནང་དོན་རིག་པར་སློབ་སྦྱོང་གཙོ་བོ་མཛད་ནས་དགེ་བཤེས་ཀྱི་མཚན་རྟགས་བཞེས། ༢༠༠༣ལོར་ནུབ་ཕྱོགས་དབྱིན་ཡུལ་ཨོཀསི་ཧྤོརཌ་སློབ་གྲྭ་ཆེན་མོར་Oxford Universityརྒྱལ་སྤྱིའི་རིག་གཞུང་ཚོགས་འདུ་སོགས་ལ་མཉམ་ཞུགས་གནང་ཡོད་པ་དང་།

༡༩༩༦ལོར་༼གངས་ལྗོངས་དྲན་པའི་གླུ་དབྱངས་༽དང་། ༢༠༠༣ལོར་༼བོད་ཀྱི་མདོས་གླུད་ལ་དཔྱད་པའི་གཏམ་སྐྱ་རེངས་གསར་པ་༽༢༠༠༥ལོར་༼གངས་རིའི་བརྩེ་དུང་༽༢༠༠༩ལོར་༼བོད་རིག་པའི་ཞིབ་འཇུག་མཁའ་ལྡིང་གཤོག་ཟུང་༽བཅས་རྩོམ་གནང་མཛད་ཡོད། ད་ཆར་བལ་ཡུལ་ཁྲི་བརྟན་ནོར་རྩེ་རུ་སྔར་སྦྱངས་པའི་ཆོས་ལུགས་ཀྱི་དཔེ་ཆར་བལྟ་ཀློག་དང་སྦྱོང་བརྡར་གནང་མུས་སུ་བཞུགས། རྩོམ་ཡིག་འདིའི་འཕྲོ་ཀློག »