དེ་ཡང་སངས་རྒྱས་གཡུང་དྲུང་བོན་གྱི་བསྟན་པའི་གསལ་བྱེད་དམ་པ་རྒྱལ་བ་གཤེན་རབ་མི་བོ་དེ་ཉིད་ཀྱི་བཀའ་འཁོར་རྣམ་པ་གསུམ་གྱིས་འདིའི་ཕྱིའི་ཕན་བདེ་མཁའ་ལ་ཉི་ཤར་གྱི་ཚུལ་དུ།

བརྡ་ཆད་གཙོ་བོ། རྩོམ་ཡིག་འདིའི་ནང་དུ་བརྗོད་བྱའི་བརྡ་ཆད་ལ་“གཤོས་ཀྱི་ལྷ་བོན་”དང་། “གྲོངས་ཀྱི་འདུར་བོན”། “ཡང་དག་པའི་སེམས་བོན་”ཞེས་པ་འདི་ལྟར་འཐད་ལྡན་ཡིན་པར་བོན་དཔེ་རྙིང་གྲས་འགའ་ཞིག་ཁུངས་སུ་དྲངས་ནས་བཀོལ་ཡོད་ལ། དེ་དག་ལས་དེང་སང་མ་དག་རྒྱུན་འབྱམས་སུ་སོང་བ་”གྲོང་གི་འདུར་བོན་”ཞེས་པ་གྲོང་སྡེའི་ནང་དུ་སྦྱད་བྱ་རུ་གོ་བར་བླངས་ཏེ་བརྡ་དོན་ལོག་པ་འདི་བཞིན་འབྲི་བཀོལ་བྱེད་བཞིན་པ་ནི་ནོར་འཁྲུལ་ཅན་ཞིག་ཡིན་པར་ར་སྤྲོད་བྱས་ཡོད་པ་མ་ཟད། དེ་བཞིན་“གཤོས་ཀྱི་ལྷ་བོན་”ཞེས་པའང་བཤོས་ཆའམ་དཀར་གཤོས་ཀྱི་གཏོར་མ་ལྷ་ལ་འབུལ་བའི་ནང་དོན་ཅན་ལྟ་བུར་འགྲེལ་བཤད་བྱས་དང་བྱེད་བཞིན་པ་དག་ནི་མིང་དོན་གཤའ་མ་ལས་རིང་དུ་འཆུགས་པ་སྟེ། དེའི་སྐབས་ཀྱི་གཤོས་”ཀྱི་གོ་དོན་ནི་”གསོན་”ནམ་”གསོན་པོའི་”གོ་དོན་དང་འབྲེལ་བར་དཔེ་རྙིང་ཁུངས་དང་སྦྲེལ་ནས་བརྡ་དོན་ཇི་བཞིན་ཁུངས་འཕེར་གསལ་བཤད་བྱས་ཡོད།

 གཤེན་གྱི་འབྱུང་ལྡན་༣༠༡གི་ནང་ཚན་བོད་ལྕགས་གླང་ལོའི་བོད་ཟླ་དང་པོའི་ཚེས་བདུན་སྟེ། ཕྱི་ལོ་ ༢༠༢༡ཟླ་ ༢ ཚེས་༡༨རེས་གཟའ་ཕུར་བའི་ཉིན་གྱི་ཞོགས་པའི་ཆུ་ཚོད་དགུ་བའི་ཐོག་ནས་༧ཞྭ་དཀར་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་དུ་༧སྐྱབས་རྗེ་མཁན་སློབ་རྣམ་གཉིས་དབུ་བཞུགས་འོག་གཤེན་གྱི་གར་འཆམ་ཆེན་མོ་དབུ་འཛུགས་གནང་ཡོད་པ་རེད།

འདི་ག་སྨན་རིའི་གཡུང་དྲུང་བོན་གྱི་དཔེ་མཛོད་ཁང་ནས་གཤེན་གྱི་འབྱུང་ལྡན་ ༣༠༡ བོད་རྒྱལ་ལོ་ ༣༡༥༨ ལོ། བོད་རབ་བྱུང་བཅུ་བདུན་པའི་འཕར་བ་ཞེས་པ་ལྕགས་མོ་གླང་གི་ལོ་སྟེ། ཕྱི་ལོ་ ༢༠༢༡ ལོའི་སྟེགས་འཇོག་ལོ་ཐོ་དཔར་སྐྲུན་འགྲེམ་སྤེལ་བྱས་ཡོད།