-
༧སྨན་རིའི་བཤད་སྒྲུབ་མཁན་རིན་པོ་ཆེ་མཆོག་གི་མཛད་འཕྲིན་གནས་བསྡུས།
ཇི་སྐད་དུ། དགག་སྒྲུབ་ཚུལ་ལ་མཁས་པ་ཡི། སྐྱེས་བུ་དེ་ནི་བསྟོད་འོས་ཏེ། བདེ་ཆེན་ལམ་སྟོན་སངས་རྒྱས་ཀྱི། བསྟན་པ་དེ་ཡིས་འཛིན་པ་ཡིན། ཞེས་བསླུ་མེད་ལུང་གིས་ཇི་ལྟར་བསྔགས་པ་ལྟར། ༧སྨན་རིའི་བཤད་སྒྲུབ་མཁན་པོ་དགེ་བཤེས་ཉི་མ་དོན་གྲུབ་རིན་པོ་ཆེ་མཆོག་ནི། བོན་གྱི་གྲྭ་ས་གོང་མ་༧དཔལ་གཤེན་བསྟན་སྨན་རིའི་གླིང་དུ་བགྲང་བྱ་དུ་མའི་རིང་གཏན་བཞུགས་གནང་སྟེ་བསྟན་པ་འཛིན་སྐྱོང་སྤེལ་གསུམ་གྱི་ཁུར་རླབས་པོ་ཆེ་བཞེས་གནང་མཁན་ཞིག་ཡིན་པ་ཀུན་གྱིས་མཁྱེན་གསལ་ལྟར་ཡིན།
-
༧དཔལ་གཤེན་བསྟན་སྨན་རིའི་གླིང་དུ་༧མཁན་ཟུར་ཤེས་རབ་ཚུལ་ཁྲིམས་རིན་པོ་ཆེ་སྐུ་གཤེགས་ནས་མཆོད་འབུལ་སྨོན་ལམ་ཞུས་པ།
ཕྱི་ལོ་༢༠༡༩ཟླ་༢ ཚེས་༡༨ཉིན་འདི་གར་༧གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་དུ་༧དཔལ་གཤེན་བསྟན་དགའ་མལ་དགོན་ཆེན་གྱི༧མཁན་རབས་དང་པོ་ཤེས་རབ་ཚུལ་ཁྲིམས་མཐར་ཕྱིན་རིན་པོ་ཆེ་མཆོག་རེ་ཞིག་དགོངས་པ་བོན་དབྱིངས་སུ་བསྡུས་ནས་མྱ་ངན་གུས་འདུད་དང་གདུང་སེམས་མཉམ་སྐྱེད་ཀྱི་སྒོ་ནས་༧དཔལ་ལྡན་སྨན་རིའི་བླ་བྲང་དང་དཔལ་ལྡན་སྨན་རིའི་འདུས་སྤྱི་ཐུན་མོང་ནས་གཤེན་གྱི་དགེ་སྤྱོད་རྣམ་པར་དག་པའི་ཆོ་གའི་ཞལ་ཕྱེ་བ་དང་དུས་མཚུངས་སུ་སེམས་དཔའ་འདུས་སྡེ་རྒྱ་མཚོ་ལ་སྨོན་ལམ་མང་ཇ་དང་སྐུ་འགྱེད་བཅས་ཕུལ་ནས་མཆོད་འབུལ་སྨོན་ལམ་ཞུས་ཡོད་པ་རེད།
-
ལུང་ཚང་དགེ་བཤེས་ལུང་རྟོགས་བསྟན་འཛིན་ཀུན་ཁྱབ་མཆོག བཙུན་དགོན་རདྣ་སྨན་གླིང་གི་མཚན་ཉིད་མཁན་པོར་ཁྲི་བཞེངས་མངའ་གསོལ་གནང་བ།
ཕྱི་ལོ་༢༠༡༩ ཟླ་བ་༢ པའི་ཚེས་༩ བོད་ས་ཕག་ལོའི་ཟླ་བ་དང་པོའི་ཚེས་༥སྟེ་༧རྗེ་རྒྱལ་བ་གཉིས་པ་མཉམ་མེད་ཤེས་རབ་རྒྱལ་མཚན་མཆོག་ཉིད་སྐུ་འཁྲུངས་པའི་ལོ་ཚིགས་ཀྱི་དུས་མཆོད་ཁྱད་པར་ཅན་ཉིན་༧དཔལ་གཤེན་བསྟན་སྨན་རིའི་གླིང་དུ་ལུང་ཚང་དགེ་བཤེས་བསྟན་འཛིན་ཀུན་ཁྱབ་མཆོག་བཙུན་དགོན་རདྣ་སྨན་གླིང་གི་མཚན་ཉིད་མཁན་པོ་ཁྲི་བཞེངས་མངའ་གསོལ་མཛད་ཡོད་པ་རེད། དེ་ཡང་གོང་ཚེས་ཀྱི་ཞོགས་པའི་ཕྱག་ཚོད་བརྒྱད་པའི་སྟེང་༧དཔལ་གཤེན་བསྟན་སྨན་རིའི་གྲྭ་ཚང་གི་གོ་སྒྲིག་འོག་སྤོས་འདྲེན་དང་དུང་རྒྱ་གླིང་པ་བཅས་ཀྱིས་བསུ་མ་ཞུས་ཏེ་སྨན་རིའི་གཙུག་ལག་ཁང་དུ་གདན་ཞུས་ཀྱིས་བཞུགས་ཁྲི་ལ་མངའ་གསོལ་བ་ཆབས་ཅིག
-
༧དཔལ་གཤེན་བསྟན་སྨན་རིའི་གླིང་གི་ལོ་འཁོར་ཡིག་རྒྱུགས་ཆེན་མོའི་གྲུབ་འབྲས་ཁོངས་ནས་གནས་རིམ་རྩེ་ཕུད་བྱུང་བ་ཁག
༧ཞྭ་དཀར་གཡུང་དྲུང་བོན་གྱི་༧གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་གི་བཤད་སྒྲུབ་སློབ་གཉེར་བ་རྣམས་ཀྱིས་གཤེན་གྱི་འབྱུང་ལྡན་༣༠༡བོད་ས་ཁྱི་ལོའི་ཟླ་བ་ལྔ་པའི་ཚེས་ ༣༠ དང་། ཟླ་བ་དྲུག་པའི་ཚེས་ ༡ ཉིན་བཏང་གནང་བའི་ཟླ་དྲུག་སྔ་མའི་རྒྱུགས་འབྲས་དང་། བོད་ས་ཁྱི་ལོའི་ཟླ་བ་བཅུ་གཅིག་པའི་ཚེས་༡༧ དང་༡༨ ཉིན་གཉིས་ལ་བཏང་གནང་བའི་ཟླ་དྲུག་ཕྱི་མའི་ལོ་འཁོར་ཡིག་རྒྱུགས་ཆེན་མོའི་གྲུབ་འབྲས་ཁོངས་ནས་གནས་རིམ་རྩེ་ཕུད་བྱུང་བ་ཁག་གཤམ་གསལ།
-
༧གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་གི་གཡུང་དྲུང་བོན་གྱི་བཤད་སྒྲུབ་འདུས་སྡེའི་ལོ་འཁོར་ཡིག་རྒྱུགས་ཆེན་མོ་ལེགས་པར་གྲུབ་པ།
དེ་ཡང་གཤེན་གྱི་འབྱུང་ལྡན་༣༠༡བོད་ས་ཁྱི་ལོའི་ཟླ་བ་ ༡༡ པའི་ཚེས་ ༡༧ ཉིན་སྟེ་ཕྱི་ལོ་ ༢༠༡༨ ཟླ་ ༡༢ ཚེས་༢༤ཉིན་གྱི་ཞོགས་པའི་ཕྱག་ཚོད་བརྒྱད་དང་ཕྱེད་ཀ་ནས་དབུ་འཛུགས་ཐོག་༧ཞྭ་དཀར་གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་གི་གཡུང་དྲུང་བོན་གྱི་བཤད་སྒྲུབ་འདུས་སྡེའི་ལོ་འཁོར་ཡིག་རྒྱུགས་ཆེན་མོ་ལས་འཛིན་གྲྭ་སོ་སོ་ལ་གཞུང་སོ་སོའི་རྩ་གཞུང་ངག་རྒྱུགས་བཏང་ཡོད་པ་དང་། ཕྱི་ཚེས་ ༢༥ ཉིན་ནས་འཛིན་གྲྭ་སོ་སོ་ལ་གཞུང་སོ་སོའི་འགྲེལ་བ་འབྲི་རྒྱུགས་བཏང་ཡོད་པ་བཅས་ཀྱི་གནས་ཚུལ།
-
རྗེ་ཙོང་ཁ་པ་ཆེན་པོའི་གསུང་དྲང་ངེས་ལེགས་བཤད་སྙིང་པོའི་དཀའ་གནད་ལ་ཆོས་བརྒྱུད་སེར་སྐྱ་རིས་མེད་ཀྱི་མཁས་པའི་བགྲོ་གླེང་སྟེང་དུ་༧བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་དཔོན་སློབ་རིན་པོ་ཆེས་གཡུང་དྲུང་སེམས་དཔའ་སྤྲོས་མེད་པའི་ལྟ་བའི་བསྡུས་དོན་ལེགས་པར་བཤད་པ་ཞེས་བྱ་བའི་སྐོར་གྱི་བགྲོ་གླེང་བརྙན་དུམ།
དེ་ཡང་བོད་ཟླ་༡༡ཚེས་༡༣དང་ཕྱི་ལོ་༢༠༡༨ལོའི་ཟླ་༡༢ཚེས་༢༠ཉིན་༧གོང་ས་སྐྱབས་མགོན་ཆེན་མོ་དབུ་བཞུགས་ཐོག
-
༧སྐྱབས་རྗེ་རྒྱལ་བ་སྨན་རིའི་ཁྲི་འཛིན་༣༤པ་ལུང་རྟོགས་ཟླ་བ་དར་རྒྱས་རིན་པོ་ཆེ་མཆོག་བོན་བུ་ཁྱིམ་ཁང་དུ་ཞབས་སོར་འཁོད་པའི་གནས་བསྡུས།
དེ་ཡང་ཕྱི་ཚེས་༢༠༡༨ལོའི་སྤྱི་ཟླ་༡༡པའི་ཚེས་༢བོད་རྩིས་ལྟར་བོད་ས་ཕོ་ཁྱི་ལོའི་ཟླ་༡༠པའི་ཚེས་༢༥ཉིན། ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་རྒྱལ་བ་སྨན་རིའི་ཁྲི་འཛིན་༣༤པ་ལུང་རྟོགས་ཟླ་བ་དར་རྒྱས་རིན་པོ་མཆོག བོན་བུ་ཁྱིམ་ཁང་གི་དབུ་འཛིན་བླ་ཁྲི་མཁན་པོ་དགེ་བཤེས་ཉི་མ་གྲགས་པ་མཆོག་གིས་གདན་ཞུས་ལྟར་བོན་བུ་ཁྱིམ་ཁང་དུ་ཆིབས་བསྒྱུར་བསྐྱངས་ཡོད་པ་དང་།
-
ཨུ་རུ་སུ་ཡི་རྒྱལ་ས་མོ་སི་ཁོ་རུ་རྟེན་གཞི་བྱས་པའི་༸གཡུང་དྲུང་བོན་གྱི་སྔགས་དང་རྫོགས་ཆེན་གྱི་གཞི་རིམ་སློབ་ཐོན།
གཡུང་དྲུང་བོན་གྱི་སྔགས་དང་རྫོགས་ཆེན་གྱི་གཞི་རིམ་སློབ་ཐོན། ཨུ་རུ་སུ་ཡི་རྒྱལ་ས་མོ་སི་ཁོ་རུ་རྟེན་གཞི་བྱས་པའི་༸གཡུང་དྲུང་བོན་གྱི་སྔགས་དང་རྫོགས་ཆེན་གྱི་གཞི་རིམ་སློབ་གྲྭའི་སྐབས་དང་པོ་དང་གཉིས་པའི་སློབ་ཐོན་བརྒྱུད་རིམ་གཤམ་གསལ། དེ་ཡང་ཨུ་རུ་སུ་གཡུང་དྲུང་བོན་གྱི་སྔགས་དང་རྫོགས་ཆེན་གྱི་གཞི་རིམ་སློབ་གྲྭ་སྐབས་དང་པོའི་འཛིན་གྲྭ་ཕྱི་ལོ་ ༢༠༡༥ ཟླ་ ༡ ཚེས་ ༣ ནས་དབུ་བརྩམས་ཏེ། སློབ་གྲྭའི་བཅའ་སྒྲིག་གི་རེའུ་མིག་བཞིན་ཐོས་བསམ་སྒོམ་སྒྲུབ་ལ་བརྩོན་པ་ཆེར་བསྐྱེད་གནང་མཐར། ཕྱི་ལོ་ ༢༠༡༧ ཟླ་ ༡༡ ཚེས་ ༨ ཉིན་སློབ་མ་ ༣༣ ཙམ་ལ་སློབ་ཐོན་འབྲས་རྟགས་ཕྱག་འཁྱེར་ཕུལ་བ་དང་འབྲེལ་མི་ལོ་གསུམ་གྱི་རིང་སྒོམ་སྒྲུབ་ལ་བར་ཆད་མ་བྱུང་བར་སློབ་པ་མཐར་སོན་གྱི་དགའ་སྟོན་དང་གཏང་རག་གི་ཚུལ་དུ་མཆོག་གསུམ་རྒྱལ་བ་སྲས་དང་བཅས་པར་བླ་མ་མཆོད་པའི་ཚོགས་མཆོད་རྒྱས་པར་ཕུལ།
-
༧སྐྱབས་རྗེ་སྨན་རིའི་ཁྲི་འཛིན་རིན་པོ་ཆེ་མཆོག འབྲས་ལྗོངས་ཀྱི་ཕྱོགས་སུ་ཆིབས་བསྒྱུར་དང་བཀའ་དབང་ཟབ་མོ་བཀའ་དྲིན་བསྩལ་གནང་བ།
དེ་ཡང་༧ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་རྒྱལ་བ་སྨན་རིའི་ཁྲི་འཛིན་རིན་པོ་ཆེ་མཆོག་༧འབྲས་ལྗོངས་སོག་གཡུང་དྲུང་གླིང་གི་མཁན་པོ་ཡོན་ཏན་རྒྱ་མཚོ་མཆོག་དང་ཞུ་རི་ཞིང་གཡུང་དྲུང་ཀུན་གྲགས་གླིང་གི་དགེ་རྒན་དགེ་བཤེས་ཡེ་ཤེས་རྒྱ་མཚོ་རྣམ་གཉིས་ཀྱིས་གདན་ཞུས་ལྟར་ཕྱི་ལོ་༢༠༡༨ཟླ་༡༠པའི་ཚེས་༡༥ཉིན་གྱི་སྔ་དྲོའི་ཕྱག་ཚོད་༡༡ཙམ་ལ་གོང་འཁོད་བཞིན་༧འབྲས་ལྗོངས་སོག་གཡུང་དྲུང་གླིང་དགོན་དུ་ཞབས་སོར་བདེ་བར་བཀོད་པ་དང་།
-
༧ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་སྨན་རིའི་ཁྲི་འཛིན་༣༤ པ་མཆོག་གི་སྐལ་བཟང་དགྱེས་སྟོན་ཆེན་མོའི་མཛད་སྒོའི་ཉིན་དང་པོ།
དེ་ཡང་ཕྱི་ལོ་ ༢༠༡༨ ཟླ་ ༠༩ ཚེས་ ༠༦ ཉིན་གྱི་སྔ་དྲོའི་ཕྱག་ཚོད་༧།༣༠ ཐོག་སེར་སྐྱ་མི་མང་རྣམས་ལྷ་རྒྱལ་རི་རྕེར་ལྷན་འཛོམས་ཀྱིས་དཀར་ཕྱོགས་སྐྱོང་བའི་ལྷ་སྲུང་རྣམས་ལ་བསང་གསོལ་གྱི་བསང་དུད་གཡུ་འོད་ནམ་མཁའ་གང་བ་དང་དྲི་བདའ་སྨན་སྤོས་སོགས་ཀྱིས་བསུང་ཞིམ་ས་གཞིར་ཁྱབ་པ་དང་དགུང་སྔོན་དབྱིངས་སུ་རླུང་རྟའི་འོད་ཀྱིས་འཚེར་བར་གནང་ཞིང་དེ་བཞིན་རླུང་རྟ་སྒྲོན་འཛུགས་དང་ཀི་བསོ་ལྷ་རྒྱལ་སོགས་ཀྱི་ཚིག་བཤད་དབྱངས་སུ་འཐེན་ནས་བསང་གསོལ་གྲུབ་རྗེས། གོང་ཚེས་ཀྱི་སྔ་དྲོའི་ཕྱག་ཚོད་༩ པའི་ཐོག༧ ༧སྨན་རིའི་དཔོན་སློབ་རིན་པོ་ཆེ་དབུས་པའི་ ༧སྨན་རིའི་བཤད་སྒྲུབ་མཁན་སློབ་རྣམ་གཉིས་དང་བླ་སྤྲུལ་དགེ་བའི་བཤེས་གཉེན་སེམས་དཔའ་དགེ་འདུན་གྱི་སྡེ་དང་། བོད་མིའི་སྒྲིག་འཛུགས་ཀྱི་སྲིད་སྐྱོང་མཁས་དབང་བློ་བཟང་སེང་གེ་དབུས་པའི་དམིགས་གསལ་སྐུ་མགྲོན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བརྟན་འཕེལ་མཆོག་དང་དེ་བཞིན་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་སྡེ་ཁག་གི་དབུ་འཛིན་དང་སྐུ་མགྲོན་སྦྱིན་བདག་བཅས་འདུལ་ཁང་ཆེན་མོར་རྒྱས་འཛོམས་བྱུང་རྗེས་སུ་༧སྐྱབས་རྗེ་རྒྱལ་བ་སྨན་རིའི་ཁྲི་འཛིན་༣༤ པ་རིན་པོ་ཆེ་མཆོག་
-
༧ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་སྨན་རིའི་ཁྲི་འཛིན་རིན་པོ་ཆེ་མཆོག་རྒྱ་གར་གྱི་མངའ་ཁོངས་(Sikkimའབྲས་ལྗོངས་)སུ་བསྟན་འགྲོའི་དོན་དུ་མཛད་འཕྲིན་སྐྱོང་བ།
༧ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་རྒྱལ་བ་སྨན་རིའི་ཁྲི་འཛིན་རིན་པོ་ཆེ་མཆོག་ཕྱི་ལོ་༢༠༡༨ཟླ་བ་༡༠པའི་ཚེས་༡༣ཉིན་(ཅང་དྷི་གྷར་Chandigarh) ནས་རྒྱ་གར་གྱི་རྒྱལ་ས་(ལྡི་ལིར་Delhi)ཕེབས་འབྱོར་བྱུང་བ་དང་།
-
༧གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་གཡས་རུ་འཆད་རྩོད་ཆེན་མོ་ཐེངས་ཉེར་གཅིག་པ་དབུ་འཛུགས་གནང་བའི་གནས་བསྡུས།
ཕྱི་ལོ་ ༢༠༡༨ ལོའི་ཟླ་ ༡༠ ཚེས་ ༡༠ བོད་ས་ཁྱི་ལོའི་བོད་ཟླ་དགུ་པའི་ཚེས་གཅིག་ཉིན་ནས་༧གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་དུ་གཡས་རུ་འཆད་རྩོད་ཆེན་མོ་ཐེངས་ཉེར་གཅིག་པ་དངོས་སུ་དབུ་འཛུགས་གནང་ཡོད་པ་དང་། དེ་ཡང་༧གདན་ས་ཆེན་མོ་གཡས་རུ་དབེན་ས་ཁའི་ཕྱག་སྲོལ་བཞིན་གཡས་རུའི་འཆད་རྩོད་ཆེན་མོ་ཞེས་པ་འདི་ནི།ཐོག་མར་༧གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་དུ་ཕྱི་ལོ་༡༩༩༧ལོར་༧གསང་གསུམ་བོན་གྱི་མཛོད་འཛིན་ངེས་པ་དོན་གྱི་བདག་ཉིད་༧སྐྱབས་རྗེ་༧རྒྱལ་བ་སྨན་རི་བའི་ཁྲི་འཛིན་སོ་གསུམ་པ་རིན་པོ་ཆེ་མཆོག་གི་ཐུགས་བསྐྱེད་ཉེར་ལེན་ཟབ་མོ་ལ་བརྟེན་ནས་གསར་འཛུགས་མཛད་པ་དང་།