-
༧མཁས་དབང་བོན་བརྒྱ་དགེ་ལེགས་ལྷུན་གྲུབ་རྒྱ་མཚོ་མཆོག་སྐུ་ཞི་བར་གཤེགས་པར་༧སྨན་རིའི་སྐྱབས་རྗེ་མཁན་སློབ་རྣམ་གཉིས་ནས་ཐུགས་གསོའི་འཚམས་འཕྲིན་དང་༧དཔལ་གཤེན་བསྟན་སྨན་རིའི་གླིང་གི་འདུས་མང་ཡོངས་ནས་གདུང་སེམས་མཉམ་བསྐྱེད་ཀྱི་མཆོད་འབུལ་སྨོན་ལམ་འཚོགས་པ།
༧སྐྱབས་རྗེ་མཁན་སློབ་རྣམ་གཉིས་ནས་བོན་བརྒྱ་དགོན་པའི་འདུས་སྤྱི་དང་རེབ་གོང་བོན་མང་སོགས་མི་སྡེ་ལྷ་སྡེ་དག་ལ་གནངས་པའི་ཐུགས་གསོའི་འཚམས་འཕྲིན། ཚེས་༢༢ཉིན་མདོ་སྨད་བྱང་རྒྱུད་བོན་གྱི་བསྟན་བདག་ཆེན་མོ་༧བོན་བརྒྱ་དགེ་ལེགས་ལྷུན་གྲུབ་རྒྱ་མཚོ་རིན་པོ་ཆེ་མཆོག་བོན་བརྒྱ་བླ་བྲང་དུ་སྐུ་ཆ་ལུགས་ལྔ་ལྡན་བཅས་ཐུགས་དམ་གཡོ་བ་མེད་པའི་ངང་ནས་སྐུ་མྱ་ངན་ལས་འདས་པའི་ཡིད་སྐྱོ་བའི་གནས་ཚུལ་དེ་ཐོས་མ་ཐག་འདི་གར་གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་དུ་༧སྐྱབས་རྗེ་མཁན་སློབ་རྣམ་གཉིས་ཀྱི་བཀའ་དགོངས་བཞིན། དམ་པ་གང་ཉིད་ཀྱི་གཟུགས་སྐུའི་བཀོད་པ་བོན་དབྱིངས་སུ་བསྡུས་པ་ལ་༧དཔལ་ལྡན་སྨན་རིའི་བླ་བྲང་དང་༧དཔལ་གཤེན་བསྟན་སྨན་རིའི་གྲྭ་ཚང་འདུས་སྤྱི་ནས་གདུང་སེམས་མཉམ་བསྐྱེད་དང་། ཁོང་གི་སྐུ་ཚེ་གང་བོར་བོན་གྱི་བསྟན་པ་སྨན་པའི་ལེགས་བྱས་དག་རྗེས་དྲན་གྱི་ཆེད་སྨན་རིའི་ཚོགས་ཁང་ཆེན་མོའི་སྟོན་པའི་སྐུ་བརྙན་དྲུང་དུ་མཆོད་པ་རྣམ་ལྔ་སོགས་བླ་མ་མཆོད་པའི་མཆོད་རྫས་ཇི་སྙེད་བཤམས་ནས་སེམས་དཔའ་འདུས་སྡེ་རྒྱ་མཚོས་སྒྲ་དག་ཚིག་གསལ་སྙན་པའི་དབྱངས་དང་བཅས་ཨ་རྫོགས་སྙན་གསུམ་སོགས་སེམས་བསྐྱེད་དང་ཐུགས་སྨོན་ཡང་དག་གི་སྒོ་ནས་མཆོད་འབུལ་སྨོན་ལམ་ཟབ་རྒྱས་གནང་ཡོད་པ་དང་། གྲྭ་མང་ཡོངས་ལ་སྐུ་འགྱེད་སྒོར་༡༠༠བཅས་མཆོད་འབུལ་བྱས་ཡོད་པ་རེད།
-
གསང་གསུམ་བོན་གྱི་མཛོད་འཛིན་༧སྐྱབས་རྗེ་རྒྱལ་བ་སྨན་རིའི་དཔོན་སློབ་ཡང་སྟོན་འཕྲིན་ལས་ཉི་མ་རིན་པོ་ཆེ་མཆོག་བོད་གངས་ཅན་ལྗོངས་སུ་ཞབས་སོར་ཐེངས་དང་པོར་བསྐྱངས་པའི་གནས་ཚུལ།
༧སྐྱབས་རྗེ་རྒྱལ་བ་སྨན་རིའི་དཔོན་སློབ་ཡང་སྟོན་འཕྲིན་ལས་ཉི་མ་རིན་པོ་ཆེ་མཆོག་བོད་གངས་ཅན་ལྗོངས་སུ་ཞབས་སོར་ཐེངས་དང་པོར་བསྐྱངས་པའི་གནས་ཚུལ།
-
སྨན་རིའི་གླིང་དུ་འཚོགས་པའི་རིས་མེད་བགྲོ་གླེང་སྐབས་ཀྱི་རི་བོ་དགེ་ལྡན་པའི་ལྷ་རམས་པ་ངག་གི་དབང་ཕྱུག་མཆོག་གི་རྩོམ་ཤོག
༄།།རི་བོ་དགེ་ལྡན་པས་མདོ་སྔགས་ཀྱི་འོད་གསལ་དོན་དམ་བདེན་པ་ བཞེད་མི་བཞེད་ཀྱི་བཟུང་མཚམས་བཞུགས་སོ། ། རྩོམ་པ་པོ། ལྷ་རམས་པ་ངག་གི་དབང་ཕྱུག ། དེ་ཡང་མདོ་སྔགས་གཉིས་ཀའི་གཞུང་མང་པོར་འོད་གསལ་ལ་སྟོང་ཉིད་དམ་དོན་དམ་པའི་བདེན་པ་ཞེས་ཚིག་ཟུར་ལ་ཡོད་ཀྱང་། སྔ་རབས་པ་རྣམས་ནི་ཡེ་ཤེས་ལ་དོན་དམ་སྤྲོས་བྲལ་དངོས་བཞེད་ཅིང་། རི་བོ་དགེ་ལྡན་པས་ནི་ཡུལ་གྱི་མིང་ཡུལ་ཅན་ལ་བཏགས་པར་བཞེད་དོ། ། དེ་ཡང་ཤེར་མདོ་ལས་སྟོང་གཞི་ཤེས་པ་ཕྲ་རགས་གཅིག་པོ་ལ་མི་འཇོག་པར། གཟུགས་ནས་རྣམ་མཁྱེན་བར་གྱི་ཆོས་ཐམས་ཅད་བདེན་པས་སྟོང་པས་ན་འོད་གསལ་བར་གསུངས། དཔེར་ན། ཡུམ་གྱི་མདོ་ལས། གཟུགས་ལ་གཟུགས་མ་མཆིས་ཏེ། གཟུགས་ཀྱི་རང་བཞིན་འོད་གསལ་བའི་ཕྱིར། ཅེས་པ་ནས་རྣམ་མཁྱེན་གྱི་བར་དུ་དེ་ལྟར་གསུངས་སོ། །
-
༧སྨན་རིའི་བཤད་སྒྲུབ་སློབ་དཔོན་དགེ་ལེགས་རྒྱ་མཚོ་མཆོག་གིས་ཕྱི་རྒྱལ་ཡུལ་གྲུ་ཁག་ཏུ་མཛད་འཕྲིན་བསྐྱངས་པ།
དེ་ཡང་༧སྨན་རིའི་བཤད་སྒྲུབ་སློབ་དཔོན་དགེ་ལེགས་རྒྱ་མཚོ་མཆོག་རྒྱ་གར་རྒྱལ་ས་ལྡི་ལི་ནས་མཁའ་ལམ་བརྒྱུད་ཕྱི་ལོ་༢༠༡༨ཟླ་བ་༥པའི་ཚེས་༡༦ཉིན་ཨུ་རུ་སུའི་རྒྱལ་ས་Moscow ལ་ཕེབས་འབྱོར་བྱུང་བ་དང་། ཚེས་༡༧ནས་༢༤བར་ཨུ་རུ་སུའི་རྒྱལ་ས་རྙིང་པ་Sanket Petersborg དུ་སློབ་མ་ཁག་ཅིག་ལ་བྲུ་རྒྱལ་ཕྱག་ཁྲིད་ལས། ལམ་ཉམས་སུ་ལེན་པ་འོད་གསལ་སྒོམ་པའི་སྐོར་གྱི་དཔེ་ཁྲིད་གནང་བ་དང་ཡི་དམ་དབལ་ཁྱུང་དམར་པོའི་ཚོགས་འཁོར་བསྐོར་བ་དང་ནོར་ལྷ་མཆེད་བརྒྱད་ཀྱི་གཡང་འགུག་སོགས་གནང་།
-
སྐབས་དང་པོའི་ཀྲུང་གོའི་བོད་ལྗོངས་.མངའ་རིས་ཞང་ཞུང་རིག་གནས་རྒྱལ་སྤྱིའི་རིག་གཞུང་དཔྱད་གླེང་ཚོགས་འདུ་ལྷ་སར་འཚོགས་པ།
ཞང་ཞུང་རིག་གནས་ནི་ཀྲུང་གོའི་བོད་ལྗོངས་ཀྱི་ས་སྐྱེས་རྡོ་སྐྱེས་ཀྱི་རིག་གནས་རྙིང་བ་དེ་ཡིན་ལ། མཚོ་བོད་མཐོ་སྒང་དུ་འཚོ་སྡོད་བྱས་པའི་མེས་པོ་དག་གི་ཤེས་རབ་ཀྱི་ཉིང་བཅུད་ཀྱང་ཡིན། རིག་གཞུང་འདི་ཡིས་བོད་ལྗོངས་གནའ་བོའི་ལོ་རྒྱུས་རིག་གནས་ཀྱི་“རྩ་བ་” དང་“རྣམ་ཤེས”མཚོན་ཀྱིན་ཡོད་ལ། གངས་ལྗོངས་མཐོ་སྒང་གིས་མིའི་རིགས་ལ་བཞག་པའི་ཆེས་རྩ་ཆེ་བའི་ཤུལ་བཞག་རིག་གནས་ཡིན་ལ་བསམ་པའི་རྒྱུ་ནོར་ཡང་ཡིན། ཉེ་བའི་ལོ་འགའི་རིང་ཞང་ཞུང་རྒྱལ་ཁབ་དང་དེའི་རིག་གནས་སྣང་ཚུལ་སྣ་ཚོགས་ལ་རིམ་བཞིན་ཞིབ་འཇུག་པ་དག་གིས་དོ་ཁུར་བྱ་ཡུལ་དུ་གྱུར་ཅིང་། ཞང་ཞུང་དང་དེའི་རིག་གནས་སྣ་ཚོགས་ལ་ཞིབ་འཇུག་བྱེད་པའི་ལས་རིམ་ཀྱང་སྔར་ལས་ཤུགས་སྣོན་རྒྱག་བཞིན་ཡོད་པ་རེད།
-
འབྲུག་ཆུ་ནས་བོན་གྱི་དཔེ་རྙིང་སྐོར་ཞིག་ཡང་བསྐྱར་གསར་རྙེད་བྱུང་བ།
ཟླ ༥བའི་ཚེས ༡༩ཉིན་ནས་ཚེས ༢༧ཉིན་གྱི་བར། ཀན་ལྷོའི་གསར་འགྱུར་ཁང་དང་འབྲུག་ཆུ་རྫོང་གནའ་དཔེ་སྔོག་འདོན་དག་སྒྲིག་དང་རྒྱུད་འཛིན་སྲུང་སྐྱོབ་འགོ་ཁྲིད་ཚན་ཆུང་གི་མི་བརྒྱད་ཀྱིས་གྲུབ་པའི་འབྲུག་ཆུའི་བོན་གྱི་གནའ་དཔེ་རྟོག་ཞིབ་ཚན་ཆུང་གིས་སྔ་གཞུག་ཏུ་འབྲུག་ཆུའི་ཧྥུན་ཏས་དང་སྦྲ་རྫོང་། ཧན་པན། ཆུ་མགོ་ནང་། གོང་སྨད། བོད་ཡུལ་སོགས་ཤང་གྲོང་དུ་ཡང་བསྐྱར་དུ་གནའ་བོའི་བོན་གྱི་དཔེ་རྙིང་འཚོལ་སྒྲིག་བྱེད་པའི་བྱ་བ་སྤེལ། སྡེ་གྲོང་སོ་སོར་ཡང་བསྐྱར་དུ་བཅར་འདྲི་དང་འཚོལ་བསྡུ་ཞིབ་ཕྲ་བྱེད་པའི་བརྒྱུད་རིམ་ཁྲོད་མཐའ་འཁོབ་ལུང་ཁུག་གི་བོད་སྡེ་བཞི་རུ་བསྡོམས་པས་བོན་གྱི་དཔེ་རྙིང་པོད ༡༦དང་ཤོག་ལྡེབ ༤༦༤༨མཆོད་ཆས ༢༠གསར་དུ་རྙེད།
-
གཡུང་དྲུང་བོན་གྱི་སྐོར་བགྲོ་གླེང་སྐབས་༡༧པ་རྒྱལ་ཁའི་ངང་མཇུག་གྲུབ་པ།
ཕྱི་ལོ་༢༠༡༨ལོའི་སྤྱི་ཟླ་༥ཚེས་༢༥ཉིན་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དཔེ་མཛོད་ཁང་གི་ཚོམས་ཆེན་དུ་གཡུང་དྲུང་བོན་གྱི་སྐོར་བགྲོ་གླེང་སྐབས་༡༧པའི་ཉིན་མཐའ་མའི་མཛད་རིམ་བསྐྱངས་ཡོད་པ་དང་།
-
གཡུང་དྲུང་བོན་གྱི་སྐོར་བགྲོ་གླེང་སྐབས་བཅུ་བདུན་པའི་ཉིན་གཉིས་པའི་གནས་བསྡུས།
ཕྱི་ལོ་༢༠༡༨ལོའི་སྤྱི་ཟླ་༥ཚེས་༢༤ཉིན་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་གི་དཔེ་མཛོད་ཁང་གི་ཚོམས་ཆེན་དུ་གཡུང་དྲུང་བོན་གྱི་སྐོར་བགྲོ་གླེང་སྐབས་བཅུ་བདུན་པའི་ཉིན་གཉིས་པའི་མཛད་རིམ་མུ་མཐུད་ནས་བསྐྱངས་ཡོད་པ་དང་། སྔ་དྲོའི་ཕྱག་ཚོད་༩.༣༠ཐོག་དགེ་བཤེས་ཁྲི་གཡུང་དྲུང་མཆོག་གིས་གཙོ་སྐྱོང་འོག་སྐབས་བཅུ་བདུན་པའི་ཉིན་གཉིས་པའི་བགྲོ་གླེང་དབུ་འཛུགས་གནང་ཡོད་པ་དང་། ཐེངས་འདིའི་གསུང་བཤད་སློབ་དཔོན་ཝཱཎཱ་གཙུག་ལག་སློབ་ཆེན་གྱི་བསྟན་བཅོས་པ་ཀུན་བཟང་སྒྲོལ་མས་༼བོན་གྱི་དཔེ་རྙིང་ལམ་རིམ་སུམ་བརྒྱ་པའི་མ་དཔེ་ཁག་གཅིག་ལ་དཔྱད་པ།༽ཞེས་པའི་བརྗོད་གཞིའི་ཐོག་གསུང་བཤད་གནང་ཡོད་པ་དང་།
-
གཡུང་དྲུང་བོན་གྱི་སྐོར་བགྲོ་གླེང་སྐབས་བཅུ་བདུན་པ་དབུ་འཛུགས་གནང་བའི་གནས་བསྡུས།
ཕྱི་ལོ་༢༠༡༨ལོའི་སྤྱི་ཟླ་༥ཚེས་༢༣ཉིན་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་དུ་གཡུང་དྲུང་བོན་གྱི་སྐོར་བགྲོ་གླེང་སྐབས་བཅུ་བདུན་པ་དབུ་འཛུགས་གནང་ཡོད་པ་དང་། ཐེངས་འདིའི་བགྲོ་གླེང་དུ་ཝར་ཎ་མཐོ་སློབ་དང་། ལྡི་ལི་མཐོ་སློབ། ཅན་ངྷི་སྒར་མཐོ་སློབ། གསོ་རིག་འབུམ་བཞིའི་མཐོ་སློབ། བོན་ཕྲུག་བདེ་དོན། བོན་བུ་ཁྱིམ་ཁང་། གཡུང་དྲུང་བོན་གྱི་བཤད་སྒྲུབ་འདུས་སྡེ་སོགས་ཀྱི་ཚོགས་བཅར་བ་བརྒྱ་དང་ལྔ་བཅུ་ལྷག་ཅིག་འཛོམས་འདུག་ལ།
-
གལ་ཆེའི་གསལ་བསྒྲགས།
༧དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱིས་སྟངས་འཛིན་འོག་༧གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་གི་དཔེ་མཛོད་ཁང་གིས་གོ་སྒྲིག་བྱེད་བཞིན་པའི་གཡུང་དྲུང་བོན་གྱི་སྐོར་བགྲོ་གླེང་ཐེངས་བཅུ་བདུན་པ་འཚོག་གཏན་ཁེལ་བ།
-
༄༅།། འཛམ་གླིང་ས་ཕྱོགས་གང་ན་བཞུགས་པའི་དད་ལྡན་བོན་འབངས་ཡོངས་ལ་གསལ་བསྒྲགས་ཞུ་རྒྱུར།
མཁྱེན་གསལ་བཞིན་ཕྱི་ལོ་༢༠༡༨ ཕྱི་ཟླ ༩ ཕྱི་ཚེས་ ༣ དང་ ༤ བོད་ཟླ་བདུན་པའི་ཚེས་ ༢༣ དང་ ༢༤ བཅས་ཉིན་གཉིས་རིང་འདི་ག་གཡུང་དྲུང་བོན་གྱི་༸གདན་ས་ཆེན་མོ་དཔལ་
-
གལ་ཆེའི་གསལ་བསྒྲགས།
ཕན་བདེའི་འབྱུང་གནས་སངས་རྒྱས་གཡུང་དྲུང་བོན་གྱི་རྒྱལ་བསྟན་རིན་པོ་ཆེ་སྤྱི་དང་བྱེ་བྲག་ཏུ་རང་རེའི་ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་མཁན་སློབ་རྣམ་གཉིས་གཙོས་པའི་རིས་མེད་ཀྱི་སྐྱེས་ཆེན་རྣམ་པའི་སྐུ་ཚེ་བསྐལ་བརྒྱར་བརྟན་ཆེད་དང་། ཡངས་པའི་ཁམས་སུ་སྐྱེ་འགྲོ་ཀུན་གྱི་ལས་ངན་པའི་སྡིག་སྒྲིབ་དག་ཅིང་རྐྱེན་ངན་པའི་བར་ཆད་ཞི་སྟེ་མཐར་བདེ་སྐྱིད་ཀྱི་དཔལ་ལ་རོལ་བའི་ཆེད་དུ།